ليه عايش فى نكد وفكرك موش خالى

ليه عايش فى نكد وفكرك موش خالى

قوللى بصراحه..... ورد على سؤالى

الحاله اليومين دول بقت جيم

ويوم عشره فى الشهر يضيع مالى

ولآخر الشهر............. منين حياكلوا عيالى

يا انصب .......يا اسرق علشان ينصلح حالى

بس ده موش من طبعى لو حتى حاكلها بملح

اوعى تقول عليّه رجعى والا......... واد جلخ

أصل الشرف غالى مهما كانت حالتى باصبر

وما قولشى لحد على نيلتى ولله باشكر

ولولا انك سألتنى ما كنتش صارحتك باللى فى بالى

اقولك ايه والا ايه مانت حالك ذى حالى

الواد الصبح قايم يقول هات مصاريف المدرسه

وكمان يدفع فلوس الدروس للمدرسه

حطيت ايدى فى جيوبى طلعت من البنطلون مفلسه

وأمهم من الهموم نايمه وعنيها مدغمسه

قومى يا ستى اعملى الفطار

تقول اجيب منين يا حسره

اللى ادتهولى لمصاريف البيت مكملشى ليوم خمسه

سيبنى انا جسمى كله وجع وضلوعى مكسره

وبنتى اللى طالبه اجهزها وتبقى عروسه

عشان تقعد فى الكوشه تبقى مين المحروسه

وامها محتاره ومحتاسه وانا فى الف حوسه

لان عريسها مستعجل وجاهز بفلوسه

لانى ما ما عملتش حسابى لليوم اللى القرش له عوزه

مع تحياتى

تجسيد رائع حقا لما يحدث لفئة كبيرة من الناس
هؤلاء الناس الذين أتعبتهم ظروف الحياة القاسية
وأثقلت كاهلهم ، فأصبح شاغلهم الشاغل هوالبحث
عن كيفية الحصول على لقمة العيش
للأسف هذه الظروف وهذه الحالات أصبحت كثيرة جدا
الأمر الذي يجعل الفرد تتعثر خطاه فيضطر اضطرارا
رجوعا القهقرى .

تحياتي لك شاعرنا الكبير

(الرد من ابنتى عبير)
تجسيد رائع حقا لما يحدث لفئة كبيرة من الناس
هؤلاء الناس الذين أتعبتهم ظروف الحياة القاسية
وأثقلت كاهلهم ، فأصبح شاغلهم الشاغل هوالبحث
عن كيفية الحصول على لقمة العيش
للأسف هذه الظروف وهذه الحالات أصبحت كثيرة جدا
المر الذي يجعل الفرد تتعثر خطاه فيضطر اضطرارا
الرجوع القهقرى .

تحياتي لك شاعرنا الكبير



شكرا ابنتى عبير على هذه المشاركه اللتى جسدت الموضوع وجملته بأعظم عبرات

وتحيتى وتقديرى لهذه الردود المميزه دائما