عايز نصيحة كل من بالمنتدي وخصوصا د ربيع والباشا م شلبي
بسم الله الرحمن الرحيم
تحية طيبة لجميع اعضاء هذا المنتدي الرائع
من خلال تصفحي للمنتدي وجدت مقالات كثيرة ومناقشات ممتعة والغرض منها افادت الجميع
وادعوا الله تعالي ان يجزيكم خيرا فانتم فعلا خير منا كما قال رسول الله صلي الله عليه وسلم ( خيركم من تعلم العلم وعلمه )
وحتى لا اطيل عليكم ادخل في طلبي
احنا الحين في شهر يونيو وداخلين علي شهر سبعة المهم
انا عايز ازرع طماطم لاني لم استلم الارض إلا من يومين
فانا متخوف من الصيف وحرارته
لذا انا عايز واتمني من اهل الخبرة ان تفيدوني بالشورة ( وما خاب من استشار )
بالنوع المناسب لهذا الوقت بحيث ان يتحمل درجة حرارة الايام المقبلة
وبالنسبة لمواصفات الارض هي باختصار ارض طينية والري غمر طبعا بمحافظة المنيا لمعرفة الجو مركز بني مزار يعني شمال المنيا
المساحة 5 افدنة انا عايز ازرع فدان منهم طماطم والباقي لسة مش عارف ازرع ايه ايضاا لو في مشورة لذلك اكون شاكر
وبالنسبة للاخ شلبي انا قرات موضوع الطماطم الذي بدات زراعتة في شهر يونيو 2010 وكان اداء رائع من حضرتك واتمني ان يكون عوضك الله
وطبعا اكيد حضرتك جربت صنف تاني غيرة في هذا التوقيت فلو ممكن تشور عليا اكون شاكر
فاتمني من الجميع ان يتعاون معي بالمشورة والرائ الايام بتعدي وانا مش عارف ازرع ايه لحد الان
واخيرا اسف للإطالة ولكم جزيل الشكر والتقدير
رد: عايز نصيحة كل من بالمنتدي وخصوصا م ربيع والباشا م شلبي
الاخ الكريم ابو ولاء
اهلا بك بين جنبات خير بلدنا
ونشكرك علي ثقتك الكبيرة بالمنتدي واعضاؤة
بالنسبة للصنف المناسب تحتاج الي اصناف ذات عقد حراري
ساذكر لك امثلة لا للحصر؟
صنف اسمو 888 او مرام
صنف 1077
صنف نيما ستار
صنف 765
صنف مروة
وجميعها ممتازة
يحتاج الفدان من 4 الي 6 الاف شتلة
اما باقي المساحة
من الممكن زراعتها كرنب
او فلفل وباذنجان
وخيار(برنس او هايل او جبار)
واي استفسار حاضرين بخدمتك
تقبل مروري
رد: عايز نصيحة كل من بالمنتدي وخصوصا د ربيع والباشا م شلبي
شكرا يا باشا علي سرعة استجابتك
اولا بالنسبة للطماطم في ناس فعلا قالولي علي الصنف 1077 وكذلك السوبر جكال
ولكن انا حبيت اني اخذ العلم من اهله
كنت عايز حاجة زي برنامج امشي عليه
وايضا لو ممكن تلفة الفدان ممكن تكون كام تقريبا مثلا سعر الشتلة
وايضا الفترة من الزراعة حتى الانتاج كام تقريبا
ثانيا بالنسبة لباقي الارض
حضرتك قلت ممكن خيار هو ممكن زراعتة في الجو ده علي المكشوف طبعا انتى ادري مني انا مش بشكك في الكلام
اما بالنسبة للباذنجان هل فيي نوع معين زي الخيار كده ترشحة
وبصراحة في ناس قالولي اني ازرع او مرة اكتفي بفدان طماطم والباقي ازرعة ذرة شامي ابيض وقالو ان في اصناف مبكرة لتعويض الفترة اللي فاتت بس ايه الاصناف انا مش عارف
واخيرا احب اقولك ان دي هاتكون اول مرة ازرع فيها فعلا
لذلك الاختيار صعب وفي تخوف من التجربة بس انا مقتنع بالمثل القائل ( لكي تتعلم العوم لابد من الغوص )
وربنا معانا
رد: عايز نصيحة كل من بالمنتدي وخصوصا د ربيع والباشا م شلبي
اقتباس:
المشاركة الأصلية كتبت بواسطة abowalaa
شكرا يا باشا علي سرعة استجابتك
اولا بالنسبة للطماطم في ناس فعلا قالولي علي الصنف 1077 وكذلك السوبر جكال
ولكن انا حبيت اني اخذ العلم من اهله
كنت عايز حاجة زي برنامج امشي عليه
وايضا لو ممكن تلفة الفدان ممكن تكون كام تقريبا مثلا سعر الشتلة
وايضا الفترة من الزراعة حتى الانتاج كام تقريبا
ثانيا بالنسبة لباقي الارض
حضرتك قلت ممكن خيار هو ممكن زراعتة في الجو ده علي المكشوف طبعا انتى ادري مني انا مش بشكك في الكلام
اما بالنسبة للباذنجان هل فيي نوع معين زي الخيار كده ترشحة
وبصراحة في ناس قالولي اني ازرع او مرة اكتفي بفدان طماطم والباقي ازرعة ذرة شامي ابيض وقالو ان في اصناف مبكرة لتعويض الفترة اللي فاتت بس ايه الاصناف انا مش عارف
واخيرا احب اقولك ان دي هاتكون اول مرة ازرع فيها فعلا
لذلك الاختيار صعب وفي تخوف من التجربة بس انا مقتنع بالمثل القائل ( لكي تتعلم العوم لابد من الغوص )
وربنا معانا
اخي الكريم
http://www.khairbaldna.com/vb2/showthread.php?t=3302
هذا الرابط علية برنامج استرشادي للطماطم ري غمر
.............
http://www.khairbaldna.com/vb2/showthread.php?t=5884
وهذا رابط اخر
تقبل مروري
رد: عايز نصيحة كل من بالمنتدي وخصوصا د ربيع والباشا م شلبي
شكرا يا باشا علي ردك
بالنسبة لموضوع زراعة الطماطم انا شوفته طبعا وكان عرضك وادائك جميل جدا وبصراحة هو ده الموضوع الرئيسي اللي خلاني اثق في المنتدي وايضا تفاعل الاعضاء معاك كان جميل جدا
واقتنعت ان الكل بيدور علي الفائده العامة والكل بيتعاون حتى يصل الفرد الي افضل نتيجة وده مجهود الكل يشكر عليه واعتقد ان جميع كل ما يمكن ان يقال للتعبير عن الشكر غير كافي وده فعلا اقتناعي وليس مجرد كلام مجاملات
المهم بالنسبة للطماطم انا قررت علي الصنف 1077 ان شاء الله تعالي ونويت ايضا اني اعمل زي ما انت عملت بس مع الاختلاف انا هاصور وهارفع الصور وبعدين اطلب منكم اني اعمل ايه واعتقد انكم جميعا حاضرين ان شاء الله تعالي
اماا بالنسبة لباقي المساحة انا مش عارف ايه الافضل من ناحية الانتاجية وخصوصا منن ناحية التكاليف
لان زي ما ذكرت من قبل انا ماعنديش اي فكرة عن زراعة الخضار من قبل بس انا مش هاتعلم وانا خارج الموضوع
فطلبي هو انك تعتبر نفسك مكاني وعندك المساحة دي وما تنساش خبرتي المعدومة
مع مراعاة التكاليف وتختار ممكن نزرع ايه والتكاليف الاجمالية المفروض تكون في حدود كام تقريبا
اكون شاكر ليك لو عملت كده
ويحضرني اسف لابد منه وهو انا اقدم اسفس للدكتور بيع لاني ذكرته في عنوان المقال بالمهندس ربيع اتمني ان يتقبل اسفي
وايضا لجميع اعضاء المنتدي الذين لم اذكر اسمائهم ليس لغير ان العنوان لا يتسع لذلك
ولكم جميعا مني كل الشكر والتقدير
رد: عايز نصيحة كل من بالمنتدي وخصوصا د ربيع والباشا م شلبي
أخى الفاضل أبو ولاء
السلام عليكم
معذرة أننى لم أرى الموضوع إلا اليوم
أهلا و سهلا بك بين جنبات المنتدى و أرجو لكم طيب الإقامة و أن تفيد و تستفيد من إبحارك فى موضوعات المنتدى و أقسامه كل فى مجاله
بالنسبة للإستفسار الذى تريده فقد وجدت فى رد الأخ الفاضل شلبى ردا شافيا كافيا و لى تعليق بسيط بالنسبة للزراعة فى محافظة المنيا فلها وضع خاص يختلف عن الوجه البحرى و هناك أصناف من الطماطم تجود هناك و يقوم بزراعته كل أهالى الفيوم و بنى سويف و المنيا و حتى إسنا فى أقصى الجنوب و هو السوبر جاكال و أيضا يجب التأخير بزراعة الطماطم فى منطقتكم حتى تنكسر الموجه الحارة وحتى لا تؤثر على جودة المحصول و نسبة العقد و هناك العديد من المحاصيل التى تجود فى منطقتكم كما أشار المهندس شلبى و خاصة زراعة البطاطس فى العروة النيلية و التى تزرع فى شهر أغسطس و هى عروة لها مميزات خاصة حيث لا يوجد لها مثيل فى مصر و تباع بأسعار عالية و كذلك زراعة بنجر السكر و خاصة بعد التوسعات فى مصنع أبو قرقاص و زراعة الثوم و البصل وهى زراعات مربحة و ممتازة و لكن كل فى موعده و إلى أن نلتقى فى المنيا
لك منى أجمل الأمانى
د ربيع
رد: عايز نصيحة كل من بالمنتدي وخصوصا د ربيع والباشا م شلبي
حياك الله د ربيع
ولك كل احترامي وتقديري
واشكرك علي مرورك
بالنسبة لصنف السوبر جاكال فعلا في ناس كلمتني عليه علي اساس انه ماشي هنا فعلا
اما بالنسبة للثوم انا مش عارف ليه مش ماشي مع الناس هنا في قريتنا الله اعلم هل العيب في الفلاحين ولا في ايه من خلال ملاحظاتي دايما الكل بيشكي اما من المحصول او من الاسعار في حين بيشتروا التقاوي غاليه جدا مع العلم ان التقاوي بيشتروها من بعض اي من المحصول السابق وهكذا وممكن يوصل الكيلو 10 جنية ده كان من اربع سنوات تقريبا انا مش عارف وصل كام الحين فهل ممكن المشكله تكون في الناس وطريقة الزراعة الله اعلم !!!!!
اما بالنسبة للبصل والبنجر دي فعلا بسمع عنها كلام كتير وخصوصا البنجر وبصراحة بفكر فيه ان شاء الله
ورغم ان البطاطس الكل بلا استثناء تخيل يا دكتور الكل بلا استثناء بيشكر فيها بس مش عارف ليه زراعتها مش منتشرة عندنا في القرية
وبالمناسبة علي مستوي القرية بصفة عامة رغم كبر الرقعة الزراعية التي تملكها البلد إلا ان فكرة زراعة الخضار بصفة عامة غير مقبولة ممكن تلاقي مجموعة لا تذكر بالمقارنة بحجم الرقعة الزراعية تزرع خيار في العروة الحالية التي تعتبر انتهت تقريبا
وبالنسبة لانتظار انكسار درجة الحرارة كنت اليوم مع اولاد عمي واتضح لي انني لن استلم الارض في هذه الايام لانها مزروعة فكده كده انا لازم استني وربما ده خير حتى تنكسر درجة الحرارة فعلا لاني ممكن استلمها ان شاء الله تعالي في اواخر شهر اغسطس او بدايه سبتمبر
بس انا برضوا معاكم في المنتدي حتى استفيد من بحور علمكم التي لا تنقطع وافادكم الله
واخيرا شكرا علي مرورك وتقبل تحياتي
رد: عايز نصيحة كل من بالمنتدي وخصوصا د ربيع والباشا م شلبي
دكتور ربيع حضرتك ذكرت في اخر الرسالة الي ان نلتقي في المنيا ان شاء الله هتنورنا قريب ولا ايه اتمني ان حضرتك تدينا خبر حتى نستطيع اللقاء ان شاء الله تعالي
انت عارف احنا صعايده ولازم نقوم بالواجب كده ولا ايه