-
حب جديد
معقولة حب جديد
بعد ما عشت النقيض
قلبك دق تانى
لأسمر جميل معجبانى
دبت منه فى كلمتين
وكأنه عامل لك عملين
سحر أبيض للغرام
معزم عليه بانسجام
وحجاب تحت عتبة بابك
تخطى عليه بكعابك
خطوة واحدة وتلاقيك
فى حبه هايم أتاريك
وبتشتاق لبس بسمة
من شفايفه المبتسمة
ولا نظرة من العيون
اللى آسروك بالفتون
بجد ناوى تحب
نسيت عذاب القلب
حلو طعم هوانا
بيخرج من جوانا
فرحة تغطى الدنيا
بس بتتقلب فى ثانية
وتلاقيك بقيت غريب
فى أول بعد للحبيب
على العموم بحذرك
من اللى جاى وبنذرك
بكره أقولك فاكر
لما جريت ورا ماكر
لعب بقلبك وسابك
تعيش لوحدك عذابك
وتتحسر على اللى فات
وتعرف طعم الآهات
مش هطول عليك يا قلبى
يمكن تعقل وتفضل جنبى
وتسيبك من الحب
ده أخر الرحلة غلب
وغصة هتحس بيها
وتقول نفسى أداريها
أعقل يا قلبى وخليك تقيل
مش أول بسمة تقوم تطير
وتقولى تعالى نحب تانى
أنا أكتفيت من الأولانى
وخلاص هكون على العهد
من غير حب بجد
-
ههههههههههههههههههههه
كماااااااااااااان حب جديد
والله لن اتنازل عن كارت بمية
والا هتصل!!!!!!!!!
قلت ايه
-
بس حلوة الحتة دى
أعقل يا قلبى وخليك تقيل
مش أول بسمة تقوم تطير
وتقولى تعالى نحب تانى
أنا أكتفيت من الأولانى
وخلاص هكون على العهد
من غير حب بجد
-
عموما علشان أريحك أنا الست أم وعد بتراجع
كل الكتابات قبل النشر فهى رئيسة التحرير فى البيت
-
ااااااااااااااااه
اطلع منها يعنى
ضاع عليك التحويل
ياااااااااااااااجابر
ههههههههههه
-
يا جماعة الخير البنت جوجو ده متزعمة
مافيا تهديد الأزواج فى المنتدى الكل ياخد باله
-
ههههههههههههههه
خلى بالك من جوجو
ههههههههههه
فكرتنى بالخط
ههههههههههههه
-
هههههههههههههههه
شكلكم بتعزونى اووووووووووى
اطلع يعنى
ههههههههههههه
لالالالالالالالالالالالالا
اعقدا ماتخفوش ولا بالطبل البلدى
هسيبكم
هههههههههههه
-
أبو وعد ده إنسان في حياتي انا شخصيا فرق معايا كتير
عشان كدة الراجل ده وربنا يعلم بكل شئ جميل بفتكره
ماحدش مستمتع بفن أبووعد في صحبتنا دي كلها قدي
يا جوجو .
-
طبعا أبوحازم كلنا نستمتع بفن شاعرنا الكبير
شاعر المنتدى وحبيب الملايين أبووعد
مش أبوتريكة
ههههههههههه