الموضوع ده انا
قرأته وعجبنى جدا
القضيه
طرحتها هنا بينا
شوفوا الكلام ده وقولوا رأيكم
هذه الثورة المصرية لم تعد ملكا لشعب مصر فقد تخطت هذه المرحلة بكثير
هذه الثورة اصبحت ملكا لكل عربي
كل عربي يتمنى من كل قلبه ان تنجح الثورة ليس كرها في مصر كما يدعي بعضنا او كما تصور لنا قلوبنا السقيمة ,,,
و لكن الجميع يرى ان نجاح مصر يفتح باب الامل على مصراعيه ليتخلص من الحكم الديكتاتوري الجاثم على قلبه في وطنه ,.,,
هذه الثورة لم تعد امانة في رقبة المواطن المصري من أجل مصر فقط و لكن من اجل كل من ينطق لسانه باللغة العربية
لو فشلت الثورة فالاحباط سيصيب كل عربي ...
و الله العظيم حتى من كان يكره مصر من العرب اصبح يدعو من كل قلبه ان ينال ابن مصر حريته ، و اصبح المواطن المصري بعد ان كان ذليلا مكسور في الدول العربية ، مرفوع الرأس امام اخيه العربي...
حتى دول كالجزائر التي بينها و بين الشعب المصري ما صنع الحداد ، أصبحوا يدعون لمصر و شعب مصر و نسوا كل ما كان بيننا من خلافات و في قرارة انفسهم يتمنون ان تنتشر عدوى الثورة اليهم ،
راقبوا مشاركات الجزائريين على جميع المواقع و الحوار الخاص بثورة مصر ستجدون لهجة مختلف تمااااااااااااااااما ....
--------------
كل عربي ينتظر بأحر من الجمر سقوط نظام حكم مصر لأن هذا يعطيه أمل رهيب في أن يسقط نظام الحكم في بلده
لو كنت تابعت مذيع مباراة محمد زيدان الاخيرة و هو يبكي عندما ذكر اسم مصر و الله بكى و نهنه و هو يدعي لمصر و يدعي لثورتها
لو كنت تابعت احد كبار المفكرين السعوديين و هو يعدد في أفضال مصر و يدعو الله ان يحفظها و يبارك ثورتها ..
كل دولة محترمة في العالم عملت مظاهرات رهييييييييييبة لدعم الشعب المصري
لبنان - فرنسا - تركيا- انجلترا - امريكا - فنزويلا - بلجيكا - اليابان !- كوريا الخ الخ
يا نهار ازرق !! هو كل العالم بيكرهنا موش عاوز لنا الخير ؟!
قسما بالله العظيم ابدا
قسما بالله ابدا
العالم كله بيحب مصر سواء العربي او الاجنبي
و حتى من كان يكره مصر من العرب
أصبح يراها أمل له في مستقبل أفضل
القنوات الفضائية في العالم كله مهتمة بمصر ليس لأنهم بيكرهونا و لكن لاننا الاكبر ، نحن مصدر الهام ، و مصدر اهتمام ...
اذا كان النظام القطري يكره مصر ممثلا في قناة الجزيرة ؟
طيب قناة bbc وهي قناة بريطانية و اهم محطة في العالم كله بتكرهنا ليه ؟
طيب قناة العربية ملاكها من دول شقيقة كالسعودية بتكرهنا ليه ؟
الـ cnn الدولية بتكرهنا ليه ؟
قناة الحرة العربية بتكرنا ليه ؟
قناة اليوريو نيوز التابعة للاتحاد الأوروربي بتكرهنا ليه ؟
قناة الأون تي في ، المملوكة للمصري نجيب ساويرس بتكرهنا ليه ؟
كل هؤلا ء في صف الثورة ليه ؟
و بعضهم بيجيب أخبار اعنف من اخبار الجزيرة
الا تلاحظون ان العالم كله اصبحت تحكمه النظم ديمقراطية الا منطقتنا العربية الموبؤة ؟
يجب أن نرفع من دماغنا مسألة عداء الآخرين لنا اللى نظام مبارك البائد عاملها بعبع لنا علشا يخوفنا و كأننا اطفال صغار أمهم ببتخوفهم و تقولهم لو خرجتوا بره امنا الغولة هتاكلكم ..
يا مصريين شفاعة باسم النبي الغالي تحبوا مصر و تترجموا حبكم لمساندة أخوانكم للتخلص ممن نهبوا مصر ، و لتضعوا عواطفكم على جنب
و تذكر ان كل جنيه سرقه مبارك او احد وزراءه و رجاله هو جنيه كان مفروض يتصرف عليك انت في علاج و تعليم و شغل
يا مصري فوق
مصر موش هتموت
لو مشي مبارك اليوم و مشي معاه ألف مليار مليون مبارك مصر هتعيش ...
مصر كيان عظيم
كيان رهيب
كيان قوي و متماسك
كيان قد يمرض و لكنه لا يموت
مصر كيان قوي لا يحتاج لمبارك او غيره
ولا يحتاج الكلمة الخايبة بتاعة نصبر شوية ولا الكلام بتاع الراجل ماشي كمان كام شهر و استحملوه ...
ولا الكلام بتاع احنا خايفين البلد تغرق
هتغرق تروح فين ؟!
و هي البلد بتقف على مين
جمال عبد الناصر اللى احبه كل الشعب مات و ترك الحكم فجأة هل ماتت مصر؟
حد قال نطلعه من القرافة علشن يحكم البلد فترة انتقالية لحد ما ييجي غيره ؟
و عبد الناصر كان رجل محترم لم يسرق مليم من شعب مصر
لما سجن بعض الشيعويين عملوا عنه الف فيلم عن التعذيب و غيره في المعتقلات رغم ان نظام مبارك قتلو ونكل أضعاف اضعاف من نكل بهم في عهد ناصر .
العظماء و الساسة في الدنيا كلها ماتوا هل ماتت بلادهم ؟
يا مصري لا تصدق مبارك وهو يقول انه خايف يمشي بسبب الاخوان ، و كأن الاخوان عفريت و الله لو الاخوان عفاريت فمبارك و نظامه شياطين
يا جماعة مساعدات الدول الاوربية و امريكا لنا لنخرج من هذا الازمة متوقفة الآن على رحيل مبارك عن مصر .
يا جماعة اللى يحب مصر ما يحبطش ثورة مصر
