رباعيات ...........رمضان الشيخ

ايه يا عم خالد صراصير ايه اللى انت بتتكلم عنها

أكمل نحن فى الأنتظار للبقية

علي رأيك يا بووعد
عمنا رمضان جاهين بيقول اني فكرته بكلامي عن السمك برباعيات
انا قلت بقي حشوف كلام عن الهامور ولا الروبيان والاسترجن
بس انا مش شايف غير صراصير

وليسمح لي صديقي العزيز أن ارد عليه ببعض الكلمات
مع الإعتذار لركاكتها بعض الشيء نظرا لغيابي فترات طويله عن كتابة الزجل
كما انني اقف كهاو في حضرة محترف...


بكتب ياناس في السمك
وصاحبي مش عاجبه
عمال يصرصر في ودني
ويهز في حاجبه
قاعد بيشطب في اسمه
من دفتر العاشقين
وتطول عليه الليالي
بيحف في شاربه
وعجبي..


بيقول حبيبي اتخطب
أنا قلت متجوز
ولا نار تفيد ولا حطب
لما الهوي يبوز
وايه يفيد يا صاحبي
مهما تتحكي سنين
أربع عيال وأمهم
والبخت متأوز
وعجبي


لو قلت يوم صرصار
أنا قلت يوم قطة
فتحت باب الدار
جريت من الخضه
بصيت بعيني اليمين
لقيتها بسلامتها
جايبالي دستة عيال
وقاعده كما البطة
وعجبي


لوقلت يوم صرصار
أنا قلت يوم كتكوت
لسه ياعيني صغار
وطالع من البيضة
خايف عليه من الهوا
خايف عليه ليموت
سابني وراح للجيران
وقعت أبوه سودا
وعجبي

لوقلت يوم صرصار
أنا قلت يوم نحـــــله
آكل وأغمس عسلها
ألقي الظروف تحلي
لكن بخاف يا صاحبي
ألاعبها..... وتلسعني
محلاك يانحل العسل
لكن لدغتك.. وحـــله
وعجبي

لو قلت يوم صرصار
أرجع وأقول .. سمكة
أصلي وفصلي واسمي
وقصتي وهوايا
شطبت اسمك ياصاحبي
من دفتر العاشقين
وانا فتحت عيني
لقيت السمكة جوايا
لقيتها هي دنيايا
لقيتها نجمه في سمايا
لقيت السمكة في الميه
وانا عالشط ضحكاية
اشوفها والهموم همي
يزول الغم عن غمي
الاقي الضحكة بتسمي
وأشوف الدنيا سمكاية
وعجبي