ثورة 5 2 يناير حققت الحلم
ثورة 25 يناير حققت اكبر حلم
----------
دلوقتى اقدر
اتكلم أقدر اتعلم
وامشى فى الشارع رافع راسى واسلم
الكل بقوا راجل واحد لامسيحى ولا مسلم
ومن حقى كمان أظّلم
انا بقول ايه اظاهر أنا بحلم
اقرصنى فى ودنى صحينى
اظاهر انا بخترف وبتمتم
ياابنى مانتش خايف ياابنى اتلم
ليسمعك البعدا وويا التانيين تتلم
وتلقى نفسك خلف الاسوار
وتدوق كرابجهم اللى بتطلع بالدم
دا البعدا دول قرصتهم سم
فى جهازهم كل المواليد بالاسم
وويا خطواتهم قدم بقدم
ويا ويله اللى يشرفهم
حيتخرج أبكم وأصم
ابعدنا عن سيرتهم سيرتهم بتنشف الدم
واسمهم ايه؟ قال أمن الدوله
ودول على الدوله أكبر هم
قلتلك خلاص ما تجبشى سيرتهم
بنيانهم العالى خلاص انهدم
ثورة 25 يناير فى مصر حققت الحلم
قضت على الطاغى والظالم وانتهى عهد الظلم
وفى ميدان التحرير رفعوا العلم
اتكلم بحريتك وبصوتك واكتب بالقلم
احرار يا بلادنا احرار انزاح الهم
وامسح الدمعه من على خد ام الشهيد
اللى روى ميدان التحرير بالدم
ومن النهارده اتكلم بحريه
وما تكونشى ابكم ولا أصم
********
رد: ثورة 5 2 يناير حققت الحلم
سلمت يداك أستاذنا الفاضل الشاعر شوقى غنيم على هذا التعبير الذى يخرج من طيات القلب الصافى
تحياتى لكم أستاذنا الفاضل
دمت بود
د ربيع
رد: ثورة 5 2 يناير حققت الحلم
اقتباس:
المشاركة الأصلية كتبت بواسطة د ربيع
سلمت يداك أستاذنا الفاضل الشاعر شوقى غنيم على هذا التعبير الذى يخرج من طيات القلب الصافى
تحياتى لكم أستاذنا الفاضل
دمت بود
د ربيع
شكرا اخى الدكتور ربيع على مشاركاتك لموضوعاتى وردودك اللتى اعتز بها
وهى وسام على صدرى وتحياتى وتقديرى
رد: ثورة 5 2 يناير حققت الحلم
[QUOTE]ومن النهارده اتكلم بحريه
وما تكونشى ابكم ولا أصم
الموضوع الاصلي: http://www.khairbaldna.com/vb2/showt...Dp8[/QUOTE]
الشاعر شوقي غنيم
كلمات اثلجت الصدر وعبرت عن واقع جديد فتح افاق الحرية
والديمقراطية
خالص تقديري ومودتي
تقبل مروري
رد: ثورة 5 2 يناير حققت الحلم
اقتباس:
المشاركة الأصلية كتبت بواسطة شلبي سعيد
الشاعر شوقي غنيم
كلمات اثلجت الصدر وعبرت عن واقع جديد فتح افاق الحرية
والديمقراطية
خالص تقديري ومودتي
تقبل مروري
شكرا على المشاركه وربنا ينصر كل العرب
