-
الله علي لمة الحبايب
والله بس ناقص أبوعمر يشارك في هذا الموضوع حتي أراه جالس وسطكم
أنا أقرأ الكلام وترتسم البسمة علي وجهي وأنا أري مشاعر الحب والتقدير بين الجميع
وأكثر ما أسعدني وجود هذا الثنائي التاريخي خالد وباسم هنا هههههههههههههه
انا بضحك علي ايه مش عارف بس والله لضاحك
هههههههههههههههههههههههههههههه
ههههههههههههههههههههههه
-
أختي الفاضلة / ضحي العمر
علي فكرة أنا يمكن أعرف أونكل ديوي ده من 27 أو28 سنه فاتت
أول معرفتي بيه وأنا عندي 6 أو 7 سنين ( أيوة بالضبط 6 سنين + 28 يبقي أنا عندي دلوقتي 17 سنه ههههههههههه ) كنت أيامها في الصف الثاني الإبتدائي وكنت أخرج من المدرسة أجري علي بيت الثقافة اللي كان قريب قوي من المدرسة أقرأ قصص والله مازلت أتذكر أسماء بعض عناوينها ومش عارف لو كانت لسه موجوده دلوقتي ولا لأ زي" شيتا مطربة الغابة" وشوية شوية لما كبرت وبقيت في 6 ابتدائي وأولي اعدادي كنت بقرأ مصطفي محمود ونجيب محفوظ ويوسف ادريس لدرجة اني كان عندي مكتبة كبيرة ( علي قد مصروفي طبعا ) في تانية او تالته اعدادي وبفضل الله ساهمت في غرس حب القراءة في عدد كبير من زملائي جميعهم الآن دكاترة قد الدنيا الا العبد لله مكتوب علية السمك والراحه فيه يازمان ......هههههههههه
وفي بيت الثقافة كانت موجوده لوحه كبيرة لأونكل ديوي مكتوب عليها " تصنيف ديوي العشري " طبعا أنا كنت بتساءل زي الأولاد اللي عندك بالضبط مين أونكل ديوي ده وفين وفين لما فهمت وعرفت وأدركت أنه صاحب عربية الترمس اللي كانت بتعدي من جنب المدرسة وكان بييجي يهرب في بيت الثقافة علشان خايف من الناظر ألا ياخد منه ترمس ببلاش
إنتي بتضحكي..!!
انا بعد 27 سنه فهمت ايه هي العلاقة الوطيدة بين أونكل ديوي وعربية الترمس لما شفت بنتي سلمي ماسكة أستيكة " جومه " بتمسح بيها الكلام من كراستها علي شكل شبشب فأدركت إلي اي مدي وصلت قيمه العلم في عصرنا
ومن ثم فإن الأمانه العلمية تحتم عليكي أن تعلمي البنات وهن في هذه السن الصغيرة الحقائق بدون مجامله أو تزييف وأن " الكتب نهايتها لعربة الترمس.. والعلم آخرته حيتمسح بالشبشب"
أما بالنسبة للبيزنس فأنا ارحب تماما بنظام المقايضة بس بشرط الحسنة بعشرة امثالها " طبعا الحسنة مني ومنك عشرة أمثالها هههههههههههههههههههههه"
-
خالد استاذ محمود عبد الهادي بيجمع توقيعات عشان هيشيلوا وزير الري وانت هنا علي عربية الترمس
خدلك غطس علي زعنفة قرموط لحد منتدي الأسماك وسجل حضورك بس انك مرريت ع الموضوع
انا في عرض عربية الترمس بتاعتك دي واللي مش هتلاقي نقطة ماء تبل حبة منة بعد كدة
-
بااااااااااااااااااااااسم ياااااااااااااااااااااااااشا
والله زمان ياسلاحي