سألوني عن العنوان
قلتلهم الخير خيربلدنا هو دا بيتي ومالي غنى عنه
وكل من يعرفه يسألني حكايته ايه
ويقولوا ايه السبب والحب كله ليه
قلت السبب معروف دلوقت فيه ميه بكره يكونوا ألوف
هوا مكان محفور في القلب من جوا بأغلى حروف
وفيه من العلم والمحبة والأخوة صنوف
سألوني أبوكم مين ؟؟؟
قلت الكريم والكرم هوا ..قلت القياده والرياده وأمره فينا مطاع
بالحب مش سيطره ولاسلطة ولاعمر بينا خداع
بالعقل يجمعنا ... واحنا لعقله وحكمته أتباع
سألوني وكبيركم ؟؟؟
قلتلهم أبو الخطاب ... أبو عمر .. محمود القول والفعال .. واحنا له أحباب
صاحب منارة علم ... وضيها فينا ومافي بينا وبينها حجاب
صاحب تواضع غريب ... ونادرفي الوجود ...و وقت السؤال تلقاه بأحلى جواب
علم وحكمه مالها حدود ....ومايخيب من طرقله باب
قالولي وأخوانك؟؟؟
قلتلهم أبدأ بمين ...وكلهم عندى ..بين الضلوع ساكنين ...وهبتهم حبي
أبدأ بأول معرفه وهوا ..هبة ربي وأبو حازم وماله عندي قد
القلب صافي واللسان مايقول ...غير ذكرربي ومايقطرمنه غير الشهد
في مجاله موسوعه ...والشعر عنده هو الكلام والرد
وبعيد عن الثوره ...وساعة الغلط مايعرف حد
قالولي مين بعده؟؟؟
قلت دا حبيبنا ...ابو منة الله ...شلبنا كلنا وابوه سعيد
القلب أبيض ..مايعرف الغل والتضليل..وكبير والكبر عنه بعيد
نحله وماتنزل غير للورد ...وتجيب العسل ..وتحب كل جديد
عمود البيت ...وساعي الخير ...وهو الخير والتجديد
قالولي فيه تاني ؟؟؟
قلت مش تاني ودا أول ...النكهة تانية ..وماله مثيل
هو الأدب والذوق ..هو الكبير باخلاقه.. وفي مجاله دليل
وفي كل شئ تساله عنده الجواب ...راسي وباله طويل
ونجمة عاليه في سما علمه ...وفيه مايعرف اخوه ...ولايقبلش فيه تضليل
البسمه اسمه وهو العاشق لكل جميل
قالولي مين غيره؟؟؟
قلتلهم الغالي ... قلت الكبير كبير القدر و بالأدب عرفوه
قلت الوقور المثقف ..والكلام عنده بالدهب وزنوه
قلتلهم أبو سلمى ...وبالخلود سموه
لما تلاقوا الكلام موزون وبحساب ....تلقوه
قالولي هي الخلفه كلها رجاله ؟؟؟
قلتلهم الحلو لسه جاي ... قلتلهم دول كواكب لسه فيه الضي
قالوا بنات ؟؟؟ قلت دول نوارات الدار ...
قلت فينا العبير والشذا الفواح ... طرب القلوب ..صاحبة مشاعرطيبه
صاحبة حضور ... صاحبة ثقافه وفكر ..ولو بعيده عن العين بس منا قريبه
القلب نور وبين الضلوع ساكن ...ومالي في هواها حل
قالوا ومين تاني ؟؟؟
قلت الختام بالمسك.. قلت الحبيبة رباب ...وفين يكون الجمال والقيمه تلاقيها موجوده
ليها بصيره وعين ماتشوف ولاتقع الا على الطيبه
تختارلنا وتنقي درر ..ادب وفن وثقافة ..وكل شئ طيب
فيها الجمال كله ولاشئ يتعيب
قالوا ومين أنتي ؟؟؟
قلتلهم اخر العنقود ... والقلب محظوظ انه وسطهم موجود
قالولي تتحسدوا ... قلتلهم من الاخر
ياساكنين دارنا وياكل من زارنا ...بيتنا فيه الضيافه وكله بالمحبه يبوح
وبيتنا فيه الكرم والعلم والبسمة ... وسعادة القلب والنفس و غذاء الروح
ولو بمال الدنيا خيروني والله غيره ماروح
وياللي تريدوا فك صحبتنا ولمتنا ...ماراح تلاقوا مكان ولاطريق مفتوح
إلا المحبة لينا وتكونوا وسطينا ...ولو ماكان ياويله من يعادينا
قالولي غرور ؟؟؟ قلت الرب حامينا
وليه العجب واحنا ربي جمعنا ...وعليه الحب قام... ومين يقدر يفرقنا
نذرنا كل مالينا وعلمنا... لنفع خلقه وقبل ده لرضاه... طالبين يوفقنا
تبقى الثقة والغرور دا لأنه ويانا للخير ينورنا
وفي كل اعمالنا ..حاطينه قدامنا ..هدف يوصلنا
واللي يحيد مننا يذكره التاني
وقلوبنا على بعضنا هانطلب ايه تاني
كتابات مبتدئة أهديها لمؤسسي خير بلدنا
إيمان حرفوش 2009
