سامحني يا زمن عشتك بالمقلوب
معملتش حساب ليوم الغروب
يوم هيبقى شتا وزعابيب
أبعد ويهرب منى الحبيب
سامحنى يا زمن ومتبقاش قاسى
عشت حياتى وكنت ناسى
هيجى يوم تنقلب ضدى
وتحسابنى على حبى وودى
تحاسبنى على الأشواق
وتعاقبنى بمر الفراق
لكن تعرف أنا مش مسامحك
وهفضل أقول واحكى على جرحك
جرحك فى قلب القلب
وظلمك فى يوم القرب
ليه بتقسى علينا وتتعافى
ماصدقنا من جرحنا نتعافى
عشت غربتى طويلة مليلة
وقلت أنهيها بنفس عليلة
علتها أصبحت الخوف
مش الخجل أو الكسوف
الخوف من اللى جاى
واللى شكله قليل الضى
مش عارف مالها ومالى
دايما معرضهالى
مواقع النشر (المفضلة)