موش دا وقته يا حبيبى موش دا وقته يا حبيبى
--------------------------------------------------------------------------------
موش دا وقته يا حبيبى موش دا وقته
بلاش تحكيلى عن الماضى ما تجبشى سيرته
خلينى أنام خلينى أرتاح ما تقلبشى فى اللى راح
خلينى أحس بس بالحنان ونبعد عن اللى كان وكان
ولا نقولشى للزمان ليه يا زمان كل دا عملته موش عايزه أسمع غير بس دق قلبك
وهو بيقوللى................أحبك أحبك
يا حبيبى قولها وما تقولشى غيرها
دا انا مصدقت انى أبقى جنبك
ما تشغلشى روحك غير بس بيى
ما تبعدشى عينيك لحظه عن عينيى
والكلمه الحلوه اللى تقولها بس ليى
خلينى أحس بالحنان ونبعد عن اللى كان وكان
ولا نقولشى للزمان ليه يا زمان كل دا عملته
****************
اللحظه دى بالعمر كله اللى فات
تعوضنى عن أحلا ما فيه من ذكريات
والجرح اللى فيى مهما كان حتداويه
والحزن اللى كان جوه قلبى موش حتلاقيه
وموش حتلقى غير حبك انت اللى بس فيه
ويا فجر بكره اوعى تطلع أخاف لننسى تانى ونرجع
لقسوة الماضى ولياليه
**************
يا ما ناس ذينا فى الحب احتاروا
وموش احنا أول اللى انكوا بناره
بس احنا قدرنا وموش ذى غيرنا
للحب رجعنا وهما انهاروا
وأدحنا بنعيش دلوقتى أحلا أوقاتوا
والايام اللى جايه حتبقى أحلا من اللى فاتوا
خلينى أحس بس بالحنان ونبعد عن اللى كان وكان
ولا نقولشى للزمان ليه يا زمان كل دا عملته
. موش دا وقته....................
رد مع اقتباس
مواقع النشر (المفضلة)