سكوت سكوت
مش هقول تانى كلام
مش هسمع تانى ملام
هسد ودانى عن صوتي
علشان مسمعش آهاتي
هقول لشعري خليك بلاش
تخرج من جوايا متترجاش
هقول لقلبي أهدى بقى
حبيبتك مش مصدقة
وأقول للناس متسمعونيش
ولو سمعتم متصدقونيش
مشكلتى هتبدأ بعد الخرس
وإنذار جوايا بصوت جرس
يقولى خلاص أتمليت
وفاض بيا وأنكويت
لا البعيد حس ولا القريب
ولاحتى حس بيك الحبيب
أو يمكن حس ودارى عليك
وأشتاق يشوف دمع عنيك
مش هقول تانى كلام
مش هسمع تانى ملام
ياسيدي ياسيدي علي الزجلاية البارقة الخاطفة مشاركة بماركة كريم يحيى
ياسلام سلم علي الحب اللي اتكلم
تسلم يازعيممممممممممممم
دعاء تفريج الكرب
لا إله إلا الله الحليم العظيم لا إله إلا الله رب العرش العظيم
لا إله إلا الله رب السموات السبع ورب الأرض ورب العرش الكريم
حنروح إحنا فين
بعد الكلام الجميل ده
أكيد إنت عايز تضحك علينا أما ندخل معاك فى مسابقة أدبيه عن الخواطر
أخى الكريم كريم
كلماتك منسقة و جميلة و معبرة و لها هدف سامى
تحياتى لك أيها الشاعر
د ربيع
سلم الفكر والقلم أبا وعد
دوما نجد أنفسنا نتعلم منك المزيد
لا حرمنا من جميل همساتك
لك التحية والتقدير
ماتخافشى حبيبى الغالى كريم
لازم هتقول وتقول
وهنسمع صوتك كلنا
اوعى الياس يلاقى لقبلك طريق
طريقنا طويل اوى اوى
وكمان ذادنا معانا بامر الله
لازم تشرق الشمس
ولازم يبان النهار
ولازم نكون زى ماربنا عايزنا نكون
وقر يب اوى باذن الله هنشوف
ونضحك ونحكى حكاوينا فى النهار
بدون خوف ولاجزع من شىء الا الله
صدقونى نفسى أقول أقوال
لكن الدنيا كل ساعة بحال
وكتر الهم بيشيب
ويقسى القلب الطيب
ويعلمنا بخل المشاعر
ومحدش بينا شاعر
بقول السكوت دوا
للى قلبه هوا
وأنجرح من الحبيب
وملقاش حتى الطبيب
يبقى لازم السكات
ولو حتى القلب مات
الله عليك ياأبو وعد
روووووووووووعة
تسلم إيديك
أحتاج إلى هدوء
رغم أن كل الأشياء حولى مشبعة بصمَتْ ..!
ولكن شىء بداخلى لايهدأ ...!
الروعة هى مرورك
بارك الله فيكى ولكى
هو ممكن الواحد من كتر الهم
يسكت ويتلم
محتاره معاك
يابو وعد
هو شعرك ده
ناطق دايما بالى جوانا ولا ايه
جوايا الف صوت وصوت
بس دايما اقول
اسكت
وبلاش أقول تانى
للخرس ألف صوت
ينطق فى قلب الموت
ينطق ويعلى صوته
يصرخ حتى فى مماته
الخرس مش ضعف منى
الخرس ده أصل فنى
أول حروفه هص بس
يعلى ويصرخ بدون حس
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)