قالوا لى النهارده عيد الميلاد
قلت ألف خسارة على اللى فات
جريت الأيام بسرعة عليا
ولقيتنى قوام على المعدية
ببص لنفسى باستغراب
شعر أبيض بدون حساب
وكرمشه ناوية على فضيحة
كان لازم أكسر التسريحة
وكل مراية تفكرنى
بعمرى اللى جرى منى
حلمت كتير وأنا صغير
ولا حلمتش أنى أتغير
حلمت بعروسة وبيت
ولا حلمتش بكلمة ياريت
ياريتنى أرجع عشرين سنه
وأزوق شبابي بكل الهنا
وأوقف البنات صف
وأنقى منهم الألطف
اللى تقول حاضر ونعم
ولا تكترش عليا الهم
مش يبقى هى ومرايتى
اللى ظهرت لى عكننتى
وقلبت الدفة فى يوم العيد
واللى بحضره كأنه سعيد
لكن سعيد على أيه وفرحان
وسنة من العمر فاتها الأوان
سنة راحت ومش ناوية ترجع
سنة هربت وشعرة بيضا بتلمع
مواقع النشر (المفضلة)