المستحيلات الــ 6 للبنات

[كريم يحيى]

المستحيلات الستة عند البنات

1- مستحيل تصحى من النوم وتغسل وشها ( لازم ترعب أخوتها وتجيب لأبوها جلطة )
2- مستحيل تمشى من غير مكياج ( يمكن حد يبص لها )
3- مستحيل تتفرج على مشهد مؤثر ومتعيطش ( الحنان زايد وواخد حقه معاها )
4- مستحيل تمشى من غير نظارة شمس ( تدارى أن أخوها ضربها )
5- مستحيل تمشى معاك ومتعملكش مصيبة ( هما كدا البنات ألطف الكائنات )
6- مستحيل لما تطلع من الأمتحان متعيطش ( خايفة متجيبش تقدير )

الموضوع الأصلي: المستحيلات الــ 6 للبنات // الكاتب: كريم يحيى // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[الرواء للتنمية الزراعية]

تسلم يا استاذ كريم

المستحيل السايع
ههههههههههههههههههههههه
هههههههههههههههههههههههههه
مستحيل انها تفصل كلام(زي الراديو تمام)

تقبل مودتي

[زهرة الحياة]

1- مستحيل تصحى من النوم وتغسل وشها ( لازم تعب أخوتها وتجيب لأبوها جلطة )

طب وحياة ربنا الواحد الصبح بيكون وشه ابيض ومنور والخدود حمرا وفيه حيويه لسه صاحي من النوم قبل ماتترسم ملامح اي انفعال على الوش الواحد بيبص في المراية مش بيبقى عايز يغسل وشه وبعدين بقى الحلو حلو ولو صحي من النوم والوحش وحش ولو استحمى كل يوم وبعدين اسم الله على الولاد الواحد منهم يقوم من النوم بوزه شبر وفاصل شحن لو كلمته قبل ساعه من قيامه من النوم ماتضمنش النتيجه بيبقى عايز مش غسيل وش عايز مكوة رجل تفرده هههههههههههههه

2- مستحيل تمشى من غير مكياج ( يمكن حد يبص لها )

ليه الافترا دا حتى الكريمات الواحد بيخاف يحطها مافيش احلى من الجمال الرباني وبعدين اللي هايبص دا ان كان عاجبه كدا كان بها مش عاجبه يروح يشوف اي حلاوه حمرا

3- مستحيل تتفرج على مشهد مؤثر ومتعيطش ( الحنان زايد وواخد حقه معاها )

لأ بصراحه دي مش بمسك نفسي فيها ممكن اعيط لحد ماأصدع من كتر العياط مع اني عارفه انه تمثيل بس دا بيحصل معايا في المسلسلات لاجنبيه لكن العربي مش بيقنعوني قوي

4- مستحيل نمشى من غي نظاة شمس ( تدارى أن أخوها ضربها )

عمري مالبستها بحس احساس وحش قوي وانا لبساها

5- مستحيل تمشى معاك ومتعملكش مصيبة ( هما كدا البنات ألطف الكائنات )

ههههههههههههه فكرتني بمره كنت بتمشى مع اخويا بعد محايله وكنت هابوس ايده المهم لبس واتوضب وانا كمان وطلعنا مع بعض وادينا في ايدين بعض وضحك وهزار بقى على البحر وكل مانعدي من جنب حد اللي يقول
(( والله يابنتي بيضحك عليك )) واللي يقول (( ايوا ياعم جوز عصافير )) واللي يقول (( يابختك ياسيدي )) واللي يقول (( استغفر الله العظيم ربنا يستر على حريمنا )) ولك ان تتخيل احنا رجعنا البيت ازاي المسافه بينا متر على أقل تقدير وتقريبا كنت بجري وراه طول الطريق وبعدين لو حصلت مشاكل بتكون من الراجل لن ممكن يتخانق لو حد بصلها او يتخانق عشان يركبها في مكان كويس وهكذا انما احنا كيوت والله

6- مستحيل لما تطلع من الأمتحان متعيطش ( خايفة متجيبش تقدير )

اختك بقى تدخل اللجنة قبل اللجنة بنص ساعه وكلي شوق ولهفة لورقة الاسئله وايدي بتاكلني عشان اجاوب واملا الورقه واحط الاجابة واللي معرفوش مش ممكن اسيبه فاضي لازم احط وجهة نظري في الموضوع بغض النظر انه ممكن بعد كدا يتعمل منهج جديد بس لما كبرت في الجامعه بقيت اسيب السؤال فاضي وربنا كرمني وعافاني من الافتاء ولو مش حليت نص الامتحان حتى اطلع من اللجنة الابتسامه ملء الوجه ويقولوا بقى السوسه شكلها قفلت الامتحان بس كنت بجيب تقديرات والله


وبالنسبه للاخ الموقر ابو العسل اللي انا عايزه ابوسها في الصوره دي اللي بيتكلم على الرغي والكلام فيها بنات لو فضلت تتكلم سنه ماتزهقش منها ولامن كلامها بس المسألة مسألة استلطاف مش اكتر

[م/السيد محمد]

ياعم الحاج دول مش عندهم ست مستحيلات دا دول عندهم اللى مش عند المستحيلات ههههههههههههههههه طب شوف القصة دى وقول رايك

1/قصة أم زكي اللئيمة
تمكنت أم زكي من العثور على المصباح السحري
وبالتالي وفر لها خادم المصباح فرصة 3 أمنيات
ولكن لتحقيق هذه الأمنيات يحصل زوجها على 10 أضعاف كل أمنية تتمناها
وافقت أم زكي وكانت
أمنيتها الأولى : أن تصبح أجمل سيدة في الكون أنذرها خادم المصباح
السحري بأن زوجها أبو زكي سيصبح أجمل منها بـ 10 أضعاف قالت الزوجه
لا يهم، فسأصبح أجمل جميلات الكون وبالتالي لن يجد من هي أجمل مني
الأمنية الثانية : فكانت أن تصبح أغنى من في الكون وللمرة الثانية
أنذرها خادم المصباح السحري بأن أبو زكي سيصبح أغنى
منها بـ 10 قالت أم زكي ما يهم، ما في فرق بين مال الزوج ومال الزوجة وراح تكون ثروتنا واحدة أما
الأمنية الثالثة : فطلبت أن تصيبها أزمة قلبية بسيطة لا تميت ولا تسبب إعاقات ! ! !
الله يرحمك يا أبو زكي
2/الزوجة غلبت الشيطان فى المكيدة
هناك زوجان يكرهان بعضهما أكبر كره ،
و كانا يدبران المصايب لبعض
فلما طفح الكيل
أرادا الرجل الذهاب إلى ابليس لتدبير مصيبة كبيرة لكل منهما
طبعاً بدون علم الطرف الآخر
فلما ذهب الرجل لإبليس
قال إبليس للرجل مكيدة و خطة
فوافق عليها الرجل سريعاً
و ذهب.
و لما ذهبت المرأة لابليس،
إبتكر لها مكيدة و لكنها لم تقتنع بها
فقال لها مكيدة ثانية …
و أيضاً لم تدخل بالها
فلما فكرت المرأة قالت لأبليس
تعال لأشاورك بخطة و مكيدة و تعطيني رأيك فيها
فلما كلمته و أخبرته المكيدة …
قام ابليس من كرسيه مرتبكاً و حانقاً و قال لها…
ياشيخة خافي الله!!!

[زهرة الحياة]

بقى كدا بقى كدا يابشمهندس
طيب هوا ماحدش قالك على قانون نيوتن ولا ايه
ان لكل فعل رد فعل مساوي في المقدار ومعاكس في الاتجاه
مش هايكون الراجل ملاك وحمامة سلام وهيا بتشتغل في الأزرق
لو هوا وراها الازرق توريه الكحلي
ولو وراها الكحلي توريه الاسود البلااااااااااااااااااااااااااااااااااك
وبعدين دا كيد الرجال يهد الجبال

[م/السيد محمد]

بسى يازهرتنا النساء دول معروفين من قديم الازل وعلى ما اظن ان الواحدة من دول لو عدى اسبوع من غير مشاكل تبقى هاتموت يعينى وتروح عاملة اى مشكلة والسلام وبعدين دى شيئ اساسى عندكم ما تقدروش تستغنو عنه هههههههههههههههه

[زهرة الحياة]

لاحول ولاقوة الا بالله
لاحول ولاقوة الا بالله
لاحول ولاقوة الا بالله

[ضحى العمر]

المستحيلات الستة عند الرجال

1-مستحيل يمسك كتاب او يقرأه(طبعا يموت ولا يكسب معلومة معرفشى ازاى بينجحوا

2- مستحيل تمر ادامه بنت ولا يبصلها )والله دى مشكله

3-مستحيل انه ما ياخد جولة فى الشوارع قبل النوم
0طبعا هيقارن حالة الجو بالنشرة الجوية)

4- مستحيل تقولة اخته اعملى مشوار ويوافق من اول مرة(لازم شوية تعذيب فيها)

5- مستحيل يعرف حاجة عن البيت (لو عرف لون حجرته كويس)


6- مستحيل يقوم من النوم ومايقولشى عايز اكل(همه فى الاكل وبس)

ها يلا بقا

[أم محمد]

المستحيلات الستة عند البنات

1- مستحيل تصحى من النوم وتغسل وشها ( لازم تعب أخوتها وتجيب لأبوها جلطة )
2- مستحيل تمشى من غير مكياج ( يمكن حد يبص لها )
3- مستحيل تتفرج على مشهد مؤثر ومتعيطش ( الحنان زايد وواخد حقه معاها )
4- مستحيل تمشى من غير نظارة شمس ( تدارى أن أخوها ضربها )
5- مستحيل تمشى معاك ومتعملكش مصيبة ( هما كدا البنات ألطف الكائنات )
6- مستحيل لما تطلع من الأمتحان متعيطش ( خايفة متجيبش تقدير )

من المستحيلات انك تقدر تعيش من غير البنات
لان
احلى مافي العالم
بنوتة
واعذب كلام قالته
بنوتة
واجمل ضحكة
لبنوتة
نظرتها
همسها
دلعها
ابتسامتها
حنانها
مشاعرها
ضحكها
كلمتها
حبها
يهز العالم الناس البشر الملايين
هي نصف المجتمع لا العالم
هي حب بلا حدود
نظرة منها راحة للنفس
وابتسامة منها جاذبية بحد ذاتها
واذا تكلمت
وقف الحرف اسير لكل
همسة
وبسمة
مرحها سعادة الكون

مين يقدر يعيش من غير النص الحلو فى الحياة مين يقدر يعيش من غير بنوتة ....؟؟؟

[م/ إيهاب عبد المؤمن]

من المستحيلات انك تقدر تعيش من غير البنات
لان
احلى مافي العالم
بنوتة
واعذب كلام قالته
بنوتة
واجمل ضحكة
لبنوتة
نظرتها
همسها
دلعها
ابتسامتها
حنانها
مشاعرها
ضحكها
كلمتها
حبها
يهز العالم الناس البشر الملايين
هي نصف المجتمع لا العالم
هي حب بلا حدود
نظرة منها راحة للنفس
وابتسامة منها جاذبية بحد ذاتها
واذا تكلمت
وقف الحرف اسير لكل
همسة
وبسمة
مرحها سعادة الكون

مين يقدر يعيش من غير النص الحلو فى الحياة مين يقدر يعيش من غير بنوتة ....؟؟؟

بس لواحظ لاينطبق عليها هذه المواصفات يا أم محمد said...1