المشاركة الأصلية كتبت بواسطة د /ايناس
شوفي ياست البنات انا مش هاقول جميل وقيم كعادتك في كل ماتفعلين ولكن لي سؤال
وياويلك ل ماجاوبتي
هناك اعتراض على الهندسة الوراثية للكائنات النباتية يعني ادخال جين مقاومة مثلا او تحمل لشئ معين
من الناحية الاخلاقية ولاجتماعية وغيره
طيب انتي مربية نبات وعن طريق التهجين العكسي او العادي عملتي نفس الموضوع فايه الفرق بين الاتنين والنتيجه نظريا في النهاية واحده والفعل واحد ؟؟؟؟
قدامك دقيقة
اتمنى اشوف الاجابة
ياخبر أبيض يادكتور كده قدام الناس .... على العموم هذه هي اجابتي وياريت اشوف الدرجة
اخر كراسة الاجابة
استاذتي ....
انا لو عندي نبات نفترض انه تمام انتاجيه عاليه ونمو مثالي وكل الامور على مايرام ولكن شديد الحساسية لاصابة او مرض معين انا ممكن عن طريق ادخاله في برنامج تربية مناسب اكسابه الصفة دي
طب بعمل ايه ؟؟؟؟
اما اني ازرع الصنف الموجود واقوم بالعدوى الصناعيه بالمرض واشوف هل كل النباتات سلوكها واحد يعني اكيد فيه نباتات سوف تصاب بشده ونباتات نص نص ونباتات ممكن تكون غير مصابة ابدا بانتخاب الاخيرة واخد البذور منها وازرع النسل واعديه صناعيا وهلم جر لحد مااتاكد فعلا ان السلاله المنتخبة دي مقاومة وابدا اقيمها وانشرها ....
دي سكة حلوه خالص ... طيب لقيت كل النباتات اصيبت ولاامل في الانتخاب اعمل ايه ؟؟؟؟
هابدأ ادور على السلالة البرية والتي تحمل صفة المقاومة وابدا اعمل تهجين مابين الاتنين الصنف اللي عندي والسلاله البرية واختبر النسل وفي كل مره اعمل فيها تهجين المرة الاولى لنقل الصفة وبعد كده يتم تهجين الجيل لالول مع الاب التجاري اللي هو الصنف بتاعي اساسا
وبكده تتنقل له صفة المقاومة واحافظ على صفاته لانتاجية .... برده كده حلو
كل الكلام ده انا لم ادخل للنبات ماهو غريب عن جنسه او طبيعته .... لم انقل له جين من نبات مختلف ولاكائن مختلف بكتيريا مثلا او خلافه لم اخرج بالنبات عن طبيعته
وامر زي ده ممكن يحصل في الطبيعه بشكل عادي جدا وده سبب تطور الاصناف المستزرعه بدون تدخل الانسان كل ماقمنا بعمله هو محاكاه للطبيعة ليس الا
الكارثه بقى فين .... اني احاول اكسب النبات صفة غير طبيعيه لاهي مقاومة مرض ولازيادة انتاج
لا ابدأ افكر اخلي النبات يطلع طماطم من فوق وبطاطس من تحت وهكذا
او نبات لايثبت نيتروجين اخليه يثبت نيتروجين ...
اولا خرجت بالنبات عن طبيعته 180 درجه وكمان ندخل له جينات لم يكن يملكها بالاصل ويكون لها مسار بيوكيميائي لانعلم كيف سيكون وكيف سيؤثر على النبات والانسان فيما بعد
المرفوض اخلاقيا واجتماعيا الخروج عن الطبيعة وتغيير التركيب الوراثي باضافة مختلفة عن النبات سواء من كائن اخر او من كائن مماثل يختلف عنه في النوع
بس يادكتور .... ولواردت المزيد فلدي الكثير ولكن دعينا نتجادل علميا واترك الكرة في ملعبك فلاتحرميني النقاش
تقديري
رد مع اقتباس
مواقع النشر (المفضلة)