بسوم
أنا ولا اهتز إلا وأنا راكب الموتور سيكل
نورت يا جميل
بسوم
أنا ولا اهتز إلا وأنا راكب الموتور سيكل
نورت يا جميل
عبير
هذا المرور الجميل يسعدنى ويدفعنى للأمام دائما
دمت بود أختى وأشكرك جميل كلامك
د / إيمان
ملآ الله قلبك بالإيمان
دائما رقيقة حتى فى مرورك
خالد
؟؟؟؟؟؟؟؟؟؟؟
مش قادر
مش قادر أقول ولا أتكلم
بس اللى جوه قلب قلبى معلم
علامات طول وعرض
وحرقة على الناس والأرض
الناس فى حالة جمود
والأرض فى إيد اليهود
واللى يحرق قلبك بالنار
اللى أحنا فاكرينهم كبار
عايشيين عيشة باشوات
وأحنا ياولداه أموات
وياريت أموات وسابونا
دول لسه بيعذبونا
قلت لهم يا ناس ده إجرام
الضرب فى الميت حرام
أتارى صوتى مبحوح
وخروجه مش مسموح
لكن برضه هفضل أتكلم
ومش ناوى فى يوم أتعلم
أبقى زى تنابلة السلطان
اللى عاشوا حياتهم حرمان
حرمان حتى من احلامهم
ومن البوح بكلامهم
مع أنه همس قليل
فى ودن سماعها تقيل
هصرخ وأقول بصوت عالى
يارب أخلص من أحتلالى
أحتلالى من كبيرى
اللى قتلنى فى سريرى
قبل ماخرج للناس
وأسقيهم اللى فى الكاس
اللى شربته من سنين
وخرج منى صوت الأنين
أيام زمان
الله على أيام زمان
والضحك ويا الجيران
ولمتنا على لعب الكورة
وغمزتنا على بنت امورة
عدت علينا زى النسمة
وألتفتنا بروح مبتسمة
أبتسامة هادية كلها أمل
مش بمعاكسة وكلام وغزل
كنا زمان أيام الدراسة
نعمل حساب لكل كراسة
راحت أيام المعلمين والمعلمة
وصبحنا فى النت والعولمة
يارب أستر علينا وعلى ولادنا
من اللى بنشوفه فى بلادنا
العرى أصبح لغة العصر
والبنات ماشية تهز الخصر
قلبت المواجع يا هندسة
وفكرتنى بأيام المدرسة
المرايا
لحقت تبص فى المراية وأحنا كنا مع بعضلسه مازهقتش منى ومن لزقتنا فى بعضتخيل أنا تعبت من عشرتك المملة40 سنة وشى فى وشك ومالقيت غير المذلةنكد وهم يخرب عقلك وبتقول هتحلوبآمارة أيه ولمبن خليك كده مشعلق فى الجوالحلو حلو من زمان ومش جديدة عليه حلاوتهوالمر طعمه هرانى وبانت عليا مرارتهيارب نفسى أكسر مرايات أوضتىوأعذب مراتى كل يوم بشوفتىعلى الصبح وش مبوز ولا رغيف مدعوموفى الليل وش مدعبس ولا اللى سرقوا من حبله الهدوميا مان خليك هادى وفى الريلاكسوأنسى المرايا وخليك فى الدريكسيون والكلاكس
الجزمة العظيمة
الواد أبو جزمة متدلعة
اللى ضرب بوش أبو بردعة
ضربه بجزمة قديمة عظيمة
جزمة علت هممنا اللئيمة
ناوية تشيل شوي خزى
من اللى ملونا وكأنه جزى
جالنا أبو جزمة الغالى
رفع رأسنا بالكعب العالى
ضرب الكبير بالجزمة
ضربه قدام التلامذة
ضربه ضربة معلم
وطيرها فوق اللى بيتكلم
كأنها صاروخ سكود
ولا حتى شبح بريموت
ضرب ضربته ولا أهتم
ولا خاف من شيل الهم
ما هو شايله من زمان
وعايش فى حرمان
لكن خلاص جاب جزمة عربية
مع أنها صناعة تركية
وناوى يلمع أمريكا
ويخليها فابريكا
ويرسى الديمقراطية
بفردة لكل قضية
دمعة على قبر غزة
عينى عليها غزة
كانت زمان فى عزة
دلوقتى ذل وهوان
وسواد ليلها حيران
جم اليهود بالدور
من بعد وعد بلفور
جم بالوعد المشؤم
وصوت العرب مكتوم
من بعد عزة ونصرة دين
أيام المرحوم صلاح الدين
سبعميت شهيد وجريح
هيروح دمهم أدراج الريح
وأديهم قاعدين مستنيين
يمكن يجيلهم اللى يعين
لكن أزاى وأحنا حتى مقلناش بم
ولا خايفيين يقولوا أحنا ولاد عم
ولاد العم سفكوا دمى
يبقى أنا وأخويا على أبن عمى
أنا لا شاعر ولا زجال
بس بقول شوية أقوال
طلعوا من جوايا
من بعد مازاد آسايا
وأنحرق قلبى بهزة
وبكيت بحرقة على غزة
مالك يا هوى
مالك ومالنا يا هوى مالك ومالنا
كفاية وسيبنا ياهوى للى جرى لنا
كانت البداية نظرة عين
دبت فيها ما عرفت أنا فين
ومع التطور والعولمة
قلبت لبسمة مسلمة
جرت وراها حديث ودى
ناعم سحبنى من يدى
أسمك وأسمى ورقمى كمان
من غير ما أ‘مل لقلبى ضمان
أول مكالمة هاى وحشتنى
لقيتنى وقعت ولا حد شدنى
وقعت فى بحر غرام غريق
وكنت فاكره شط برئ
موجة بتجرى ورا موجة
أتارى الغرام ده اكبر هوجة
وفضلت أحب وأنا غريب
وشفت الوله والشوق العجيب
اللى يدوب قلب الحجر
ويفضل يكبر يطول الشجر
وفجأة تصحى على الحقيقة
تلاقيك بتندم فى أخر دقيقة
دبوس فى جوازة زى الحلوين
وأتاريك بقيت من المغفلين
مالك يا هوى مالك ومالنا
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)