عذرا للاحباب
رجع النت تانى بعد الغياب
بس مش عارف اكتب مـ الهموم
العقل مشلول عن التفكير
والقلم حبره انتهى
من روعة اللى بشوفه
قلبى بينذف دمه باستمرار
من خوفى على بكره ياترى !!
وخوفى على اولادنا واحفادنا
من الخراب اللى الفساد هيخلفه
ياما شلنا على اكتافنا هموم
واتحملنا وصبرنا واحنا مظاليم
ولما اولادنا هبوا مثل الاسود
يحققوا اللى كنا عايزينه يسود
مـ العدل والكرامه والانصاف المفقود
حلف الطاغى الفرعون وعصابته الملاعين
مايتركو امنا مصر الا وولادها شهدا ومعوقين
من اللى بشوفه
بدخل المنتدى وكانى غريب
مش عارف اكتب ولا حتى ارد على الاحباب
ولا عارف افكر لان العقل خلاص مذهول
خايف من هول اللى جرى وبيجرى لسه
خايف على ولادنا اكتر من خوفى على نفسى
انا خلاص خلاص مفيش منى فايده
لكن ولادنا زهرة شباب مصرنا الغاليه
يارب ياقادر ويا جبار
تحمى ولادنا من جميع الاخطار
وتنسف اللى المفسدين عملوه جبار
اللهم ارنا فيهم جميعا آية من آياتك
اللهم اجعل كيدهم فى نحورهم
وشرد شملهم وفرق جمعهم
انك انت القادر على كل شىء
واحفظ لنا مصر يارب امنة مطمئنة
يارب إحفظ لنا قبلة العروبة وأم الدنيا
مواقع النشر (المفضلة)