يا دي الفرحة يا دي الهنا ********* اتجمعو الحبايب ومنهم أنا
والله عالبعد مقدرناش ********** أصلنا عن بعض منستغناش
نادى الريس وردد وقال ********** تعالو يا ولاد بعادنا محال
بيتكم مستنيكم حب تملوه ********* بهجة وجنة خضرا تخلوه
تعالو أيامنا الحلوة نعيد ********* نبتدي رحلتنا من جديد
لبينا كلنا من غير منتردد ********* ولبيتنا جينا واحنا بنردد
يــــا سعدنـا نلنــا امالنـا ********* يـــا هنانـا وكدنـا عذالنـا
اتجمعنا وده هو المراد ********* توفيـــــق من رب العبـــاد
اتلــم من تــاني شملنا ********* فرحانين احنــا والله كلنـــا
ردت الفرحة وقالت أنا معاكم********* سبقتكو وكنت مستنياكم
طول عمري هفضل وياكم ********* بدعيلكم ربنـا يتمم منــاكم
وتنورو بيتكو يا غاليين ********* ردينـا وقلنـا اللهم آميـــــــن
واحنا معاكي بندعي ربنا ********* يصــون ويحفظ فيه حبنـــا
وتفضل دايما صحبتنا الحلوة ********* طول العمر ولا أجمل غنوة
ولا عذول أبدا علينا يقدر ********** واحنا ويا بعض مهما بمكره اتغر
مواقع النشر (المفضلة)