عينى عليك يا شعبى

[د. محمد سعيد عيسى]

يا شعبي حبيبي يا روحي يا بيبي
يا حاطك في جيبي يا بن الحلال

يا شعبي يا شاطر يا جابر خواطر
يا ساكن مقابر وصابر وعال

يا واكل سمومك يا بايع هدومك
يا حامل همومك وشايل جبال

يا شعبي اللي نايم وسارح وهايم
وفي الفقر عايم وحاله ده حال

احبك محشش مفرفش مطنش ودايخ
مدروخ وآخر انسطال

احبك مكبر دماغك مخدرممشي
امورك كده باتكال

واحب اللي ينصب واحب اللي يكدب
واحب اللي ينهب ويسرق تلال

واحب اللي شايف وعارف وخايف
وبالع لسانه وكاتم ماقال

واحب اللي قافل عيونه المغفل
واحب البهايم واحب البغال

واحب اللي راضي واحب اللي فاضي
واحب اللي عايز يربي العيال


واحب اللي يائس واحب اللي بائس
واحب اللي محبط وشايف محال

واحبك تسافر وتبعد تهاجر
وتبعت فلوسك دولار أو ريال

واحبك تطبل تهلل تهبل
عشان ماتش كوره وفيلم ومقال

واحبك تأيد تعضض تمجد توافق
تنافق وتلحس نعال

تحضر نشادر تجمع كوادر تلمع
تقمع تظبط مجال

لكن لو تفكر تخطط تقرر تشغلي
مخك وتفتح جدال

وتبدأ تشاكل وتعمل مشاكل وتنكش
مسائل وتسأل سؤال

وعايز تنور وعايز تطور
وتعمللي روحك مفرد رجال

ساعتها حجيبك لايمكن أسيبك
وراح تبقى عبره وتصبح مثال

حبهدل جنابك واذل اللي جابك
وحيكون عذابك ده فوق الاحتمال

وامرمط سعادتك واهزأ سيادتك
واخلي كرامتك في حالة هزال

وتلبس قضيه وتصبح رزيه وباقي
حياتك تعيش في انعزال

حتقبل ححبك حترفض حلبك حتطلع
حتنزل حجيبلك ابنى جمال

الموضوع الأصلي: عينى عليك يا شعبى // الكاتب: د. محمد سعيد عيسى // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[أم محمد]

شوف حضرتك
د/ محمد
انا مليش فالشعر ولا أعرف اكتبه
بس ممكن اقول الى انا حساه وجوايا
وكلامى ده لريسنا العزيز
دلوقت يا عمنا الريس
ليفرق معانا جمال ولا حتى ابو جمال
شكرا إليك أخى
د/ محمد
فقد ايقظت الآلام من جديد

[د. محمد سعيد عيسى]

شكرا اختى الفاضله على المرور
دى مكتوبه قبل الثوره بكام يوم
وطبعا خلاص لافى جمال ولا ابو جمال
ريحنا يارب

[أم محمد]

يارب رحمتك بينا

[كريم يحيى]

د / محمد سعيد

الثورجة طبع وطابع غلاب
فى قلوب اللى على الوطن نداب
وعند كل اللى حبها
وشرب من دم قلبها
ده مصر السمرا الحنينه
شوفنا فيها عزنا
وعلى كتفها أتربينا
وقدام عنيها حبينا
لحد ما خط الشارب
وقومنا عشانها نحارب
نضحى بكل غالى
وينصرنا اللى عالم بحالى
بحبك يا مصر بحبك يامصر

أحسنت د/ محمد فى إنتقائك لثورة من ثورات الفاجومى أحمد فؤاد نجم

[ابوعمر]

الاستاذ الدكتور محمد
والله انت انسان رائع وشجاع لانك كتبت قبل قيام الثورة دون خوف
الى الان لا اكاد اصدق انني عشت حتى ارى بام عيني هذا الميلاد الجديد للوطن العربي لان مصر تعني الوطن العربي
اعتز وافتخر بان لي اصدقاء شاركوا هم او ابناؤهم او اقاربهم في هذا الزلزال الواعد
والشكر لابي وعد على رده الجميل

[د ربيع]

أستاذنا الدكتور محمد


د ربيع

[د. محمد سعيد عيسى]

الى الاحبة
كريم باشا
ابو عمر بك
د/ ربيع .....الامير
اشكر لكم مروركم واثلاج صدرى بما تكتبوه
لا حرمنى الله منكم ومن نصائحكم
والثورجه والوطنية لاتشترى ولا تباع
انما هى تجرى فى الدماء من لحظة المولد حتى الفناء
ولا يؤثر فيها فقر ولا غنى

[عبير]

أستاذنا الجليل
د/ محمد

لطالما كانت اختياراتك صائبة موفقة

وها أنت هنا قد أبدعت سيدي
باختيارك لهذه الرائعة والتي تعبر عما في خلدك وخاطرك وخلد كل الشعب المصري
وفي خاطر كل مقهور محكوم
دوما ما تكون الكلمات التلقائية عنوانا لصدق المشاعر
وهذا ما لمسناه في رائع ما أتيت به سيدي

دمت بصحة وخير
ودام لنا حضورك الخير

لقد ازدهى عذب الكلام بكلام من ذهب ألا وهو كلامك

[د. محمد سعيد عيسى]

اشكركى جل شكرى عزيزتى عبير
فأنا قد وجدت كلمات الشاعر تقول تلقائيا مابخلدى
فإستهوتى الكلمات فعرضتها على احبتى
واحمد الله انها نالت الاعجاب
فشكرا لمرورك وشكرا لكلماتك العذبه