دخل واحد ومراته علي عمك شديد
خبطوا علي الباب
شديد : أيوة أنا جاي أفتح أهو مادام الباب بيخبط يبقي لازم يتفتح !
هما : خبطوا تاني ع الباب !
شديد :الله هو الباب بيخبط تاني ليه !!!؟ هو أنا مافتحتش الباب !!!!؟
لكن دا أنا فاكر إن أنا فتحته !!!
عامة نفتحه تاني زيادة توكيد
مادام الشئ بيخبط يبقي لازم يتفتح
يارب --- يارب ياخويا
فتح الباب
زوجة الراجل :سلام عليكم
إتفضل يا بو سمير
شديد : أهلا وسهلا !!!! إتفضل يابو سمير
إزيك ياستي وحشني موت مشتاقون والنبي !!!
أم سمير : خش يابو سمير
شديد : اااااه خش يابو سمير !!!
إلا قوليلي هو حضرتك تبقي مين
أم سمير : يوه مش دي الشقة 25 يا دلعدي ؟
شديد : أماااااال طبعا
أم سمير : خلاص يبقي حضرته أبو سمير وأنا مراته أم سمير
شديد : كدة -- أهلا أهلا
أم سمير مين ؟
أم سمير : إحنا جايين نخطب سعاد بنتك لسمير إبننا
شديد : أهلا وسهلا سي سمير إتفضل ياخويا ----- هو فين ؟
أبو سمير : لا هو ماجاش ويانا ! إحنا قولنا لما الكبار يتكلموا الأول .
شديد : كدة
طيب والكبار ماجوش ليه !!!!؟
أبو سمير : ما أنا قدامك أهو
شديد : يعني حضرتك إنت اللي هتتكلم معايا
أبو سمير : أه
شديد : علي كدة بقي إنت كبير
أبو سمير : إحنا جاين نخطب سعاد بنتك لسمير إبننا
شديد : ياسلااااااااام
بقي جايين تخطبوا سمير بنتي لسعاد إبنكم :
ياحلاوة
أبو سمير : إييييييييه ده يا أستاذ .
شديد : يارب
أبو سمير : حضرتك يظهر مش واخد بالك
شديد : أبدا
أم سمير : إحنا يظهر وقعنا ولا حدش سمي علينا يابو سمير
شديد : أه إحنا وقعنا ولا حدش سمي علينا يا بو منير
أبو سمير : سمير يا أستاذ ! مش منير .
شديد : هو حد دريان
سمير --- منير ---- كلها محصلة بعضها
حاجة لغبطة بعيد عنك
أبو سمير : طيب
علي العموم يا أستاذ أنا إبني ولد متربي وكويس ومركزه عالي
وممكن تسأل عليه
شديد : واسأل عليه بتاع إيه وأنا مالي وماله !!!
قول كلام غير ده هو أنا عبيط
أبو سمير : إزاي !!!
ده ناوي يتجوز !!!
شديد : مايتجوز يا خويا هو حد حايشه ؟--- يتجوز واحدة يتجوز إتنين هو حر
أبو سمير : يتجوز إتنين لكن ده ناوي يتجوز بنتك !!!
شديد : هو أنا مجنون أجوز بنتي لواحد متجوز إتنين !!!!!
لا لا حد الله ياعم
أبو سمير : يا أستاذ .
شديد : إلا أنا جبت لكم حاجة تشربوها
ولا لسة ؟
القهوة في التلاجة والكازوزة ع النار !!!!!!
أبو سمير : أقعد يا أستاذ مش عايزين حاجة .
أم سمير : نرجع بقي لموضوعنا
شديد : أيوة نرجع لموضوعنا
أحنا كنا بنتكلم ف إيه ياست أم نفير !
أم سمير : نفييير
أنااااااااااا أم نفييير
شديد : أي والله !
بقي إنتي أم نفير ؟
بقي أنا قلت كدة ماليش حق صحيح !!!!!!!!!
أم نفير إزاي ؟؟؟
أم سمير : يعني فاكر إسمي إيه ؟
شديد : طبعا يا ختي !
أم حمير !!!!!!
أم سمير : ياااااااااااااااااا خبر
الراجل ده هيجنني خلاااااااااااص يابو سمير
أبو سمير : ياحضرة
موافق علي إن بنتك سعاد تتجوز سمير .
شديد : سمير مين ياخويا !
أبو سمير : سمير إبني
شديد : طبعا موافق جدا
موافق خالص
منتهي الموافق .
أبو سمير : يعني مش ناوي ترجع تاني ؟
شديد : ربنا يستر .
أم سمير : الحمد لله
زغروطة لإبني سمير
ورولولولييي
ألف مبروك ربنا يتمم بخير
وأنا بالنيابة عن عيلة سمير وأبو سمير
أقدملك شكرررري
شديد :أهلا وسهلااا سي شكري !!!!!!!!!.
أم سمير : حيث كدة بقي نتكلم في المهر والشبكة وميعاد كتب الكتاب
شديد : لالالالالالا
دي حاجات أنا مافهمش فيها دي يتكلم فيها الستات مع بعضهم !
أم سمير : كدة !
طب أعمل معروف والنبي نادلنا الست بتاعتك نتفاهم وياها ونخلص .
شديد : حاضر !!!!
لكن ده أنا مش متجوز !!!!!!!!!!!
أبو سمير : ياخبر !!!
مش متجوز !!!!!
وبنتك !!!
شديد : ولا مخلف !!!!!!!!!!!!!!
------------------------------------------------------------
وبكدة أكيد الراجل إتشل ومراته إنتحرت
من الدكتور شديد وبرنامج ساعة لقلبك
راجل بس دماغ 
رد مع اقتباس
مواقع النشر (المفضلة)