ااااااااااه يازمن ارجع تاني

[زهرة الحياة]

ميّل على مخدتي وقالي يابنتي

الصبح نوره ظهر يادنيتي انتي

فتحت عيني وقمت بالعافية

صحيت أخويا وأمي وفرشتي دافيه

وصوت مكاين ري شغاله من بدري

والشمس تفرش ضي وتقولي يالا اجري

وأقوم بهمه وحب أغسل أنا وشي

ينده أبويا فين الفطار يادار

أدخل على الخير كله عندنا في كرار

لبن وقشطه وزبادي وكل شئ موجود

وسمنه بلدي والعسل والخير مالوهش حدود

واطلع بسرعه على سطوح بيتنا

اجيبلي كام بيضه تفتح شهيتنا

وينده أبويا بعزمه تتلم جمعتنا

وادخل أنا بالصنيه محمله بالخير

وأمي جايه من بعيد شايله في ايدها فطير

أقعد وأكل واخويا على حجري

أقطع وأديله يشبع يقوم يجري

ماهو الصغير لازم يتعمله حساب

وكل كلمة وخطوه مننا لازم تكون بحساب

وبعد دي الأكله يطلب أبويا الشاي

يشرب ويسرح على حاله وأشغاله

ينده عليا يقول تعالى ويايا

انتي ياوش الخير نرجع بغدوايا

ننزل على أرضنا ولسه الندى موجود

والزرع والطير والشجر يسبح المعبود

وفي أول الأرض كان فيه عندنا توته

يعملي قرطاس ويملاه وأبقى مبسوطه

ولما يقرب شغلنا يخلص

ينده أبويا يقولي ياخضره

املي السبت واقطفي للبيت من الخضره

وانزل قصاده في أرض الرز واستنى

لما نصيد السمك واكثر مافيه قرموط

أمسك قصاده وأضحك بعلو الصوت

أصل السمك طازه والقلب خالي والعشا مضمون

وادخل على أمي بالخضره والمقسوم

تشوي بسرعة السمك وتحضر المعلوم

ناكل ونضحك ونتسامر ولاحد على بالنا

راضيين بقسمة ربنا يصلح لنا حالنا

وعلى سطوح بيتنا تحلو سهرتنا ونفرش عليه القش

نشوي الدره ونقعد كلنا وكأنه لينا عرش

والضي مش كهربا أصل القمر جارنا

حوالينا نسايم ربيع تهدي أعصابنا

يقعد أبونا مادد لنا رجليه ويقول لنا أنا قطر

نجري عليه كلنا نركب ويسوق بينا وكله محبه وصبر

وامي تضحك وتقوله ياسيدي

مالي في قطرك مكان يادنيتي وعيدي

يضحك بعلو الصوت ويقول ياتاج راسي

انتي مكانك في قلبي وحبك على راسي

ويلمنا كلنا عشان معاد النوم

ونبات في حضنه كلنا ومن تاني يبدأ يوم

كانت الحياه جنه والنفوس صافيه

والناس لبعضيها والقلوب دافيه

كانت الحياه حلوه وكنا بنراعي ونهادي

واللقمة متقسمه والأرزاق على الهادي

والعيشه كانت بسيطه والنفس مرتاحه

والصحه موجوده والقلوب واحه

ماكانتش تفرق مين اللي عنده الخير

كله في شرع الحب يتساوى ان كان غني أو فقير

وزي ماقلتي اااااااااه يازمان

انا بقولك لسه فيه انسان

الطيبه في قلبه وللزمان اللي كان عنوان

الموضوع الأصلي: ااااااااااه يازمن ارجع تاني // الكاتب: زهرة الحياة // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[م/ إيهاب عبد المؤمن]

بصراحة وجعتي قلوبنا يا زهرة بكلام ماشفتش زيه

الله يسامحك

[م/السيد محمد]

بصراحة رائعة رائعة كلمات واحساس ومشاعر حقيقية مجردة من التزويق والمبالغة وتعبر عن حقيقة واحب اقولك لسا الزمن ده موجود لم يختفى بعد واسالى شلبى
shshshshshshshshshshshshshsh

[زهرة الحياة]

بصراحة وجعتي قلوبنا يا زهرة بكلام ماشفتش زيه

الله يسامحك

ياخبر أبيض

أبااحازم لاأوجع الله لك قلبا سيدي

فطالما أن الدنيا بخير وبها امثالك من يملكون قلبا طيبا وروحا بريئة نقية

فلابد ان الزمااااااااااااااان سيعود بنا وعلى أيدينا

تحياتي لمرورك الذهبي ومن قلبي شكر بالغ لك

[زهرة الحياة]

مبدعه كعادتك
بارك الله فيك
رسمتى بكلماتك لوحه فنان من ابدع ما تكون

أخي الكريم

تلك اللوحة اكمل جمالها مرورك وزاد من رونقها كلماتك الجميلة

سلمت يمينك ولاحرمت مرورك القيم

[زهرة الحياة]

بصراحة رائعة رائعة كلمات واحساس ومشاعر حقيقية مجردة من التزويق والمبالغة وتعبر عن حقيقة واحب اقولك لسا الزمن ده موجود لم يختفى بعد واسالى شلبى
shshshshshshshshshshshshshsh

سيدي المهذب

أسعدني مرورك وجميل تعليقك صدقا أخي الكريم اطربني مرورك

بالفعل هي أيام جميلة جدا وليتها تعود ولكن أتدري نحن صانعوا الايام ونحن

جمال الأيام والجنة في نفوسنا فلو عدنا وكان النقاء ستعود الأيام

تقبل تقديري واحترامي

[زهرة الحياة]

كنا زمان بنصحى من بدري

والخطوه معدوله والطريق دغري

كان اللي في الشارع ينهانا و يأمرنا

لأننا زي أولاده وواجب يعدلنا

والكل يبقى على البنات حارس

لافيه عيون تجرح ولاتكشف المستور

وكان قبل المدارس يجي كتابنا

نحفظ ونتعلم القران وينصلح حالنا

ولينا شيخ وكبير كلامه يمشي علينا

لاحد فينا يميل وهوا فوق اهالينا

لكن الحكايه النهارده ماعدش فيها كبير

ولاعادش فيه مين يحاسب ولايراقب لخط السير

[زهرة الحياة]

البنت كانت زمان بالفكر معروفه

كانت تقول امها خليكي مستوره

دلوقت بتقولها خليكي على الشعره

كلفتي نفسك ليه ماتبيني الشعره

والكعب ليه واطي عايزه يقولوا غفير

والضحكة تعلى ولايهمك اكبر كبير

الاحترام .. دا كان زمان وولى ياغاليه

الاحترام .. دي عمله رخيصة مش غاليه

ومدرس مين ومدير مين النايس بقت هايصه

ماعدش فيه كبير حتى البلد لايصه

وتقولي على التعليم ماهو كله ورا بعضه

اشمعنى دا ينصلح والحال من بعضه

ابكي على زمن المبادئ اللي راح وودعنا

فاضل شوية أمل باقيين والمبدأ بيوجعنا

لكن أقول ايه والزمن مايل

ولاشئ في الدنيا يقدر يعدل المايل

[زهرة الحياة]

احنا بنتكلم على الفرح في ديارنا

طيب ولما الجرح كان بس يطول جارنا

ولما يحزن ولاعليه الزمن يندار

ماكانش يقف ويشد حيله الا مساعده جار

وكنتي تمشي في البلد تلاقيها مطفيه

والنور من الوجوه مسحوب والدنيا ملويه

ولاتسمعيه الصوت لا تلفزيون ولاراديو

لاعيب ومايصحش نجرح مشاعر الجار

مش اللي جنبك ولاالسابع لادا اخر جار

وينقطع كل فرح من البيوت لما

يأذن لهم صاحب الجرح ويبارك اللمه

يطلع عليه الصبح وهو للهموم ناسي

أصل الجيران لبعضيها وكله كاس ويدور

اليوم عندك بكره عندي والزمان بيجور

ولاتامن المكر ولاالجرح بيجي منين

لكن يبات الكل فرحان والكل مرضي العين

كان الفرح فرح الدنيا دي بحالها

الكل فيه مبسوط بيغني على حالها

ولا عمايل العيد والأفرح تتوزع

على كله بيت بيت ولاحد يتمنع

والبركه فيه تزيد والكل كان مرضي

باللي يريده رب العباده وبحكمته يقضي

والقلب كان مفتوح للكل يسكن فيه

كنا من القلب مع القلب نتعامل

دلوقت بيقولك ياعم اتعامل !!!

ونرجع نقول الزمن دا العيب مش فينا

واحنا بإيدينا الزمن فليه يخلينا

نوصل لأننا دلوقت بننسى أسامينا

وااااااااااااه يازمان

[كريم يحيى]

يا نهار ابيض وجميل


كل ده يطلع منك وكان مدارى

زيدينا متعة