نسمة عصاري

[زهرة الحياة]

ساعة عصاري ونسمة صيف معديــــــه


على الخدود سلمت وقالت لي ياصبيـــــــه

الحزن ليه جواكي متخبي والعين مطفيـــه

رديت عليها السلام وقلت يانسمة هوا وتمر

من غيره غابت فرحتي وشربت كاس المر

والقلب للي يعرفه وحالي في الهوا مايســر

ردت وقالتلي يامحيراهم مين اللي بكاكــي

قولي على الزين اللي من الكل سكنتيه جواكي

مين اللي قلبك معاه ومن غيره خلاكي

قلتلها عقله وحكمته توزن فسيح الكون

قلتلها قلبه جميل و بالحنان مسكون

وقلبي يحسب خطوته ومعاه منين مايكون

قالتلي طيب اشكري ربك على النعمه

ايه تاني قلبك يريده ليه راحت البسمه

قلتلها نفسي أكون أقربله مـن النسمه

نفسي أكون شمسه مايشوفش غير نورها

وبقلبي أشرب دمعته ومايتكوي بنارها

وأكون في قلبه جنته يحلف بأزهاراها

ويكون معايا في ترتيلي لكتاب الله

ويكون إمامي في صلاتي ومانسجد لغيرالله

ويكون لنا تسبيح وورد مع بعضنا نقراه

وتكون عيونه الضي ماشوفش غير بيهم

قلبه وروحه وفرحته أعيش أنا ليهم

هو وانا واحدو قلبه وروحه دايبه انا فيهم

ردت عليا وقالت مريت اسلم على الحلوين

وكنت فرحانه وجايبه من العطور رياحين

سألت وجاوبتي ويارتني أملك للألم تسكين

قلتها يانسمه عدت بلاد وبلاد

عندي أمانه تسلميها للي عن عيوني بعاد

وتجيبي منهم خبر يريح اللي اتقاد

قوليله يانسمه وذكريه بيا

قوليله من كتر المحبه في قلبي فاض بيا

قوليله من خوفي عليه الضحكه مخفيه

عدي وقوليله بنت قلبك مافي شئ يداويها

والطب فيها احتار ولاشئ يشفيها

غير رحمه من رب العباد وقلب يرويها

قوليله يانسمه يكفيني منه الصوت

قوليله لما بعد قلبي طواه الموت

الموضوع الأصلي: نسمة عصاري // الكاتب: زهرة الحياة // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[النيروز]

bravo[1].bravo[1].bravo[1]. مااروعك......أبدعتي bravo[1].bravo[1].bravo[1].

[كريم يحيى]

ساعة عصارى ونسمة صيف معدية
قعدت تدردش وتوشوش الصبية
تواسيها وتقول لها أنتى قوية
قد الريح وأشد من هوا الشتوية
بقلبك الكبير اللى ما نسى الصحبة ديه
ساعة عصارى كانت معدية
شدها وقفة البنت الصبية
فى الطريق وحدها مستنية
حبيبها اللى سافر الفجرية
سافر بحلم عشة وعشرة هنية
سافر يحقق حلم عمر الصبية
اللى حلمت بيه من البدرية
حلم صغير كبر فى الثانوية
وفضل يكبر ويكبر لحد الكلية
لكن هى لسه مستنية
حبيبها أبن البلد أبو جلابية


مش قادر اقول غير احسنتى

[م/ إيهاب عبد المؤمن]

كلام جميل من شاعرة ممتعة بحروفها مسرعة

نحو الحب بارعة

[زهرة الحياة]

bravo[1].bravo[1].bravo[1]. مااروعك......أبدعتي bravo[1].bravo[1].bravo[1].

وماأرق مرورك الهادئ العذب حبيبتي نيرو

[زهرة الحياة]

ساعة عصارى ونسمة صيف معدية
قعدت تدردش وتوشوش الصبية
تواسيها وتقول لها أنتى قوية
قد الريح وأشد من هوا الشتوية
بقلبك الكبير اللى ما نسى الصحبة ديه
ساعة عصارى كانت معدية
شدها وقفة البنت الصبية
فى الطريق وحدها مستنية
حبيبها اللى سافر الفجرية
سافر بحلم عشة وعشرة هنية
سافر يحقق حلم عمر الصبية
اللى حلمت بيه من البدرية
حلم صغير كبر فى الثانوية
وفضل يكبر ويكبر لحد الكلية
لكن هى لسه مستنية
حبيبها أبن البلد أبو جلابية
مش قادر اقول غير احسنتى


طيب وايه القول لما العمر تستناه
تصبر على بعده والخير بتتمناه
طال البعاد وغربته عن قلبها توجع
يغيب سنين ومن العيد للعيد يرجع
ولما عليه بتلوم أو تسأل عن الأحوال
يبعت غيابه وقسوته مرسال
القلب لما يحب يصبر ويستنى
والبعد لما يزيد القلب يتمنى
لو يوم تشوفه العين والقلب كان راسمه
لكن خلاص يازين مافاضلش غير اسمه
لو لسه فاكرناذكرى جميله زي نسمة صيف
والقلب قرر يشطبه ويكون عليه الضيف

فأنا سيدي من لاتملك مجاراتك ولاردا على رقيق المعاني وجميلها
سلمت يمينك وقريحة لاتحوي الا الدرر

[كريم يحيى]

رفقا بنيتى بالحبيب
سينهي يوما المغيب
ويأتى لك حاملا قلبه
وذكرياته فى دربه
سيأتي لك مشتاقا
يعود لينهي فراقا
فأنت له حلم صباه
سعى له بكلتا يداه
فى غربته الطويلة
فى محنته العليلة
لاتقولى سأنساه
فقد ملكك هواه
وفضحتك عيناك
وظهر مسعاك
حبيبة فى الانتظار
للغائب المختار
ترفقي بقلبه يا فتاه
ستكونى فى يوم مرساه
والشاطئ الهادئ البعيد
الذى عليه سيستعيد
كل مافاته من غرام
وينسى عليه الآلام
رفقا بنيتى بالحبيب
سينهي يوما المغيب

[م/ إيهاب عبد المؤمن]

فنان يا بو وعد ياسلام علي جمالك إنت وحلاوتك كم أنت رائع في وصفك

[زهرة الحياة]

كان ماله قلبي مرتاح وكان فاضي
والسحر لما ملاني طلبته للقاضي
عرضت عنده شكوتي وقلتله حاسب
قلبك دا ابني ومهما غلط عمره مايتحاسب
ولما غاب وعني مايسأل
الدمع مني سال والحلو دا بيتقأل
وكل مااجي اولع شمعه في حبه تنطفي
وفيت وأخلصتله وليا الدمع هوا اللي وفي
ااه لو يدوق المراره اللي القلب كان فيها
يعرف بأنه حرام على جنة القلب انه يخطيها
يعرف بأن القاضي كان قاضي وكان جلاد
يعرف بأني قلتله يقتلني منك بعاد
وبرده يتساهل
انا قلبي يستاهل
أصل المحبة والقلب مني جاله بالساهل
من حقي أسهر وأقول ياهل ترى ماله
من حقي احكي للقمر ويا النجوم وأسألها عن حاله
من حقي أشبع دموع
ولاليه أقدر اكون ولاعن هوايا رجوع

[زهرة الحياة]

أشكرك أبوحازم على مروريك ... وراقت لي كلماتك