دلوقتى منتدى خير بلدنا بيكبر كل يوم و لسة كل في يوم فيه جديد , و لكن انا ملاحظ إن فى أعضاء تحت إيدهم كنوز و مش قادرين يستغلوها كويس .
1- إنك بدل ما تعمل كومنت تعبر فيه عن رأيك بالسلب أو بالإيجاب , ممكن بكل بساطة تعمل تقييم ... ايوة تقييم
-- التقييم البسيط دة ممكن إحنا نعرف إن الموضوع دة مهم و لا لأ ..و لو مش عليه تقييم محدش من المشرفين هايقدر يثبته حتى لو كان عاجب المشرف شخصياً ..شوفتوا بقي أد إيه الموضوع مهم ...
2- إن إللي بيكتب الموضوع يعمل تصويت بسيط مش هايضرك بحاجة بس تعرف الناس قد إيه مهتمة قد إيه بالموضوع.
3-لو عجبك موضوع اوي ممكن تعمل حاجتين ..
أ- لو عندك مدونة صغيرة او لو علي الفيسبوك او حتى مابين أصحابك ممكن تبعت اللينك دة ..
ب- طيب لو صاحبك دة مش موجود تعمل إيه ..؟؟
-- حاجة بسيطة ممكن تبعت رسالة إلي صديق من أدوات الموضوع
شوفتوا أد إيه الموضوع سهل مش هياخد ثواني
4- القائمة البريدية ...ياتري هاتفيد المنتدى بإيه ..هاقولك !!
-- تخيل نفسك لو لقيت نفسك مش فاضي في يوم من الأيام و دي بتحصل كتير إنك ممكن ماتكونش موجود لمدة أسبوع ..و إنتوا طبعا عارفين إن الواحد لو دخل المنتدى نفسه علشان يشوف إيه الجديد هايقعد كتير و هو مش فاضي ...طيب يعمل إيه ...لو إشتركت في القائمة البريدية دي كل يوم هاتجيلك اخبار المنتدى لحد الميل ...و كدة هاتبقي تقدر متواصل معانا اكتر و لو عجبك موضوع اوي ساعتها تقدر تشوفه كامل علي المنتدى و تخرج تاني عادي جدا من غير ما تضيع وقت
5- الإحالة او الدعوة ...طبعا حد هايقول دلوقتي هي الترجمة هاتنزل إمتى !!؟؟
هاقولكم الموضوع مش محتاج ترجمة و لا حاجة ..ساعت التسجيل فى المنتدى بتلاقى خانة إسمها
الإحالة او الدعوة ..اي حد بيسجل و كتب إسمك بيزود كدة عدد النقاط ...و لو خدتوا بالكم مفيش حد في معظم المنتديات بيزيد عن عشرة حتى لو عامل 2000 موضوع لأن النقط دي بتختص بالنشاط الخارجى زي الدعوات و الإرسال لصديق و إنك تخلي اكبر عدد ممكن يدخلوا المنتدى ..
و بمناسبة دى هانعمل مسابقة عليها و طبعا هايتعلن عليها في وقت قريب و خليكم جاهزين
6- Meta tag .......دي بقي فعلا محتاجة ترجمة
دي حاجة بتساعد فى محركات البحث , و طبعا مش هاطول عليكم ..ياريت إللي يرد علية دلوقتي و بيكون كاتب نوع معين من أنواع المواضيع او متخصص فيها ياريت يكتب كل الفروع إللي فيها و إللي بيكتبه في المواضيع بردة
مثلا : إللي بيتكلم عن الوقاية ..يبقي اكيد بيتكلم عن المبيدات و الأمراض ...و هكذا
ياريت تكتب اي حاجة تخص المجال يعني اسماء الأمراض أسماء المبيدات اي حاجة
زي كدة ما هاكتب
زراعة
زراعه
تسميد
مبيدات
و طبعا لو خدتوا بالكم هاتلاقوا إن التاء المربوطة بتفرق ...و لكن مش مهم
إكتب إللي عليك و سيب الباقي علينا
-------------
و طبعا انا كل شوية هادخل اكتب المهم إيه هو ...
و شكرا ليكم علي القراءة الطويلة دي ...صدعتكم
سلام و إلى لقاء اخر
ميزار
سلمت يداك استاذ محمود
وياريت تخللي الموضوع دا
من المواضيع الواجب قراءتها تكون علي هيئة رسالة خاصة او زائر تظهر عند دخول المنتدي
انت عارف الواحد بينسي كتير
السن بقي واحكامة
الرواء للتنمية الزراعية
مبيدات - اسمدة - شتلات - صوب زراعية
اشراف زراعى والمتابعة - شبكات رى -
عمل دراسات جدوى للمشروعات الزراعية
ادارة
مهندس / شلبى سعيد
01221627822
01068334230
ايميلshalaby_said2002@yahoo.com
أووه ..اسف ...اصل انا فاكر شوية فرنساوي من ايام المدرسة و الكلمة دي معناها (لكن) و دة إللي فهمتوا من الجملة إللي حضرتك كاتباها ..و لك مفيش مشاكل ..اهم حاجة في الموضوع إن مفيش حد كتب كلمة عن موضوع الميتا و دي حاجة مهمة ...إنتي ممكن تساعديني في الموضوع دة و هو إنك تكتبي كلمات بسيطة عن التخصص إللي حضرتك مهمتمة بيه ..و شكراً
رد مع اقتباس
مواقع النشر (المفضلة)