فضفضه بكل اللغات

[أم محمد]

احنا انهارده هنتكلم مع بعض كده
بدون تذويق للكلام
فضفضه بكل الطرق واللغات



هنفتح قلبنا كده ونتكلم كاننا مع نفسنا هنتكلم بالعاميه بالعربيه لو حتى بالهنديه
زى ماتحب اتكلم
شعر اكتب
قصه اكتب
كل الى يعبر عن الى جواك قوله

هنقعد عالمصطبه كده ونتلم على صنية شاى



ونحكى مأساه بنسمعها ونشوفها
موضوع شوفناه وعجبنا
حال الدنيا الى مريحنا
هههههههههههههههه
وطبعا بعد طرح الموضوع هنتناقش فيه الى ان يتم غلقه
وندخل فموضوع جديد بنقاش وحوار جديد

الموضوع الأصلي: فضفضه بكل اللغات // الكاتب: أم محمد // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[أم محمد]

طبعا الاول نقوم بواجب الضيافه
مادام انا الى هبدا الكلام
القعده واللمه الحلوه دى عاوزه شوية شاى بالنعناع

وكمان اللب والسودانى ومكسرات عشان التسالى


ابدأ كلامى ومناقشتنا
عن
اول رجل رأته عينى
اول حب فحياتى
اول رجل مشاعرى اتحركت تجاهه
هو ابويا
اطيب انسان فالدنيا
فجأه بدون انذار رحل وتركنى وحيده
طبعا حاجه صعبه وغير محتمله
عندما انظر الى الاباء من حولي00

وانظر الى الابناء في كوني00



ارى هذا يشتم اباه وهذا يسب اباه00

وهذا يلقب اباه بأبشع الالقاب00
لا املك الا أن أطبع قُبله على جبينك يا أبي 00



عندما أرى فرق المستويات الماديه00



وأرى كيف وفرت لنا سبل العيش الكريمه00
يكفي أنك أمنت لنا منزل يأوينا ,, ويجمعنا كاسرة واحده00



و بوسائل الرفاهيه عيشتنا 00

وفرة لنامطالبنا وقبلها تعليمنا00



لاأملك سوى أن أطبع قُبله على جبينك يا أبي

عندما أرى حالات العنف الاسري00

وهروب الفتيات00



وكثرة المطلقات أقبل جبينك يا أبي00

فكم عانيت وشقيت00

ورغم ذلك تبتسم مجرد دخولك البيت00



ما أرق قلبك يا أبي..

لا انكر غيابك الطويل00

وبعدك واشتياقي لك في الليل العليل00

ولكن مكانك في قلبي00

لا يتغير مهما طال الرحيل00

أبـــائــنــا00



قليلآ ما يتكلمون بحقوقكم كأبآء0
ولكن مهما تناسوا دوركم0.
او قللو من اهميتكم00
أعلموا اننا ابنائكم لا ننسى ذلك أبدآ00
أحياءً كنتم أم أموات00
عندما نرى كل شيء حولنا نذكركم 00
يكفي أن اسمائنا مرتبطه بأسمائكم لنذكركم كل يوم00
ولكي نحبكم أكثر ونزداد فيكم فخرآ00
فأنتم من له الفضل بعد الله بوجودنا00
ومهما قسوتم علينا او انشغلتم عنا0.
ستظل قلوبنا تلهج بالدعاء لكم 00
وبعد كل هذا سارعوا
بتقبيل آبائكم
وطاعتهم قبل فوات الاوان 00

أبي..
شمعة أنت..تنير قلبي في ليالي الأغتراب
بسمة ترتسم على وجنتي..اذا لفتني
عذابات الرحيل..وحبات العرق التي
تتلألئ على جبينك..كـ وقود هي
تدفعني للأستمرار..كلما سطعت
في مخيلتي..رغم كل الألمـ

أبي

أشتاق أن أطبع قبلة على كفك الحاني

وادعوا الله ان يسكنك فسيح جناتة حافظوا على إبائكم قبل فوات الأوان.

حقيقى الموضوع ده اكيد كلنا بنشوفه وبنسمع عنه
ده تعتبر قضيه
محتاجه نقاش
عقوق الوالدين من ابشع المظاهر التى نواجهها هذه الايام
اخوتى
فليعرض كل منكم
ما مر امام عينيه
من حب وود الاباء
ومن قسوة وجفاء الابناء
جعل الله الهدايه الى قلبهم وعقلهم قريبه ان شاء الله

[أم محمد]

وحشتنى اوى اوى
طبعا الايام الجميله الى احنا فيها بتفكرنا بفراق كل احبابنا
وطبعا الاب
اكيد بيبقى ليه حضور واضح
خاصة
ايام الاعياد
وطبعا
العيد الكبير اكتر
وقت الدبح وهو واقف على ايد الجزار
وهو واقف امام الاحفاد
كل واحد مستنى الدور ومادد ايده مستنى العيديه

وانا كنت واخده دورى زيي زي العيال
اعاكس ده
واشد فلوس ده
واصرخ فوش ده
واعد عيدية الكل واكون انا اكتر واحده والا هصرخ
مليش دعوه
انا اكبر منهم
انا عاوزه اكتر
لانى كنت بالنسبه ليه
مدللته الصغيره
وحتى وفاته
ينظر لى بعين الحبيب لمحبوبته
الاب لابنته
الصديق لصديقته
يومها كانت النظره مختلفه عن اى يوم
رحمك الله ابى
لازلت افتقدك حبيبى
مهما مرت السنين
لا اقوى على نسيانك
يا حبيب قلبى

[أم محمد]

[

خلص العيد وعدى
ياترى ياجماعه فكرنا فالفقير
حد مننا حس احساسه قبل العيد
حد مننا فكر هو بيفكر فايه
بننسى أن هناك ألم في قلب فقير وقد لا تكون ضمائرنا ميتة
ولكنها راقدة مع النسيان
أمر غريب حقاً , حين يرى الشخص حال غيره
وفقرهم وحاجتهم الملحة للمساعدة .
سيعرف جيداً عندها أنه غني , حتى وأن كان
هذا الشخص لا يملك سوى راتبه الذي سوف
( ينـتهي ) قبل نهاية الشهر
لأن غيره لا ( يملك ) راتباً لـ ( ينتهي )
فكرت فيوم وانت متجمع مع اخواتك على مائده الطعام منتظر الاب لحظة يدق الجرس
فكرت ان فى غيرك
مستنى زيك بس مستنى من يطرق بابه ليتبرع عليهم
مُحسن لسد ( رمق ) الجوع
كم من الأطفال ينامون ويصحون جياع
كم من البنات ذبلن وهن بـ ( سن ) الزهور
كم من الأمهات ( تتمنى ) أن تُسعد طفلها الصغير
ولا ( تقوى )
وما أصعب تلك اللحظة على الأم
كم من الآباء ( كسرهم ) ذل السؤال .

ما تبقى لدينا من ايام تأتى وأعياد تاتى باستطاعتنا
إسعاد الكثير من هذه الأسر بهذه الايام الجميله..
دعوننا نحسسهم بجمال الغد

[أم محمد]

كل الى فات كان القلب بيبكى
فراق وحرمان
انهارده فى جديد
قلق فكل البيوت
انهارده اول أيام امتحانا الترم الاول
الفصل الدراسى الاول
كل بيت انهارده فى هرج ومرج

والجو برد برد
وانا طبعا زى كل الستات
شغلت اذاعة القرآن الكريم شويه
والساعه 7 حولت على البرنامج العام
وبدات
أصرخ صراخ المارش العسكرى
يالا يابنات
أصحوا الساعه 7
الكل طبعا كده صحى من بدرى
وبدأ السباق على دخول الحمام
وبعد الحمام
تعم الفوضى
وبنتى بتنده
ياماما
فين البلوزه
ودى بتصرخ
ياماما تعالى سرحيلى شعرى
حتى الى نايم ومش رايح مدرسه صحى وشغل التليفزيون
وطول مانا فالمطبح فاتحه مطعم الساندويتشات اليومى
بدعى ربنا يكرمهم هما والى زيهم
ويكون الامتحان سهل ويكونوا من المتفوقين كما عهدتهم
دى حكاية أول صباح للأمتحانات

[عبير]

أيام الإمتحانات تكون هناك حالة طوارئ في جميع البيوت التي تشمل تلاميذ وطلبة في مختلف المستويات الدراسية
والآباء وخصوصا الأمهات هن من يكن في حالة تأهب واستعداد دائمين لاستقبال هذه الأيام الحرجة والحرص على
توفير الهدوء والسكينة والجو الملائم حتى تمر هذه الفترة بسلام

كان الله في عون هؤلاء الطلبة والتلاميذ الذين قد أرهقتهم كثرة المواد الدراسية وكان الله في عون الآباء الذين
يسهرون على راحة أبنائهم ويدعون الله لهم صباح مساء بالتوفيق والنجاح دعائي لهم بالتوفيق

كان الله في عونك عزيزتي أم محمد
ووفق أبناءك وكلل جهدهم بالنجاح إن شاء الله

[أم محمد]

شكرا لكى عبير
دعواتك لكل ابنائنا بالنجاح