الله الله الله
ما هذا الجمال يا سيدتي
لقد أضفت لمتصفحي بهاء وعبق هذا الفن الأصيل
فعلا تكون قعدات الاستماع والاستمتاع بهذا الفن على الطريقة التي وصفتها
وكاسات الشاي تفوح منه رائحة النعناع الزكية ويا حبذا لو كانت تصاحبه زهرات شجرة النرنج
ومبخرات العود والمسك تشذي المكان
ما أروع تلك القصائد الرائعة الفريدة التي كان ينشدها المرحوم السيد التهامي
لقدكان بحق متفردا في هذا الميدان صائلا جائلا فيه بفن وبراعة وتميز كبير
عزيزتي لا حرمت تواجدك وطلتك البهية
أشرقت الأنوار
تحياتي العطرة
قصيدة - يا روح راحتي يا محمد
(للزجال عبد العلي فيلالي بالحاج)
يا نعم الهـادي لمجــد يـا روح راحـــتي محــمد
سبحان من رسلك لينا رحمة
يا خير ما فالارض وفالسما
من دون رب العزة لوحد
يا روح راحتي محمد
يا خير من سعى فوق أديم الأرض
وجا بالكتاب و السنة والفرض
يا سيد من توحـــد وتعـبد
يا روح راحتي محمد
رسول الله يا الشافع فـينـا
بالـيـك النــار تأدبنا
ياربي توسلنا لك بنبينا
نهـار اسـيدي يجـد الجد
بـيك يطـياب كلامـي
عـسى يعلا عـند ك مقـامــي
لله لا تخــليـــني ضــامــي
والناس حول حوضك تورد
سيدي بغيت رفقة الجنة
بها يسعد خـاطري نهنا
يا غاية الغايات ولمنى
اسعد من بجوارك يسعد
سيدي ايلا نراك فمنامي
نخشع فصلاتي وقــيامي
تهوان الدنيا قدامي
والمغضوب عليه يتسفد
يا ربي بجاه نبينا
رحمنا ورحم والدينا
يعـم و يدوم الخير عــلينا
على امة سيدنامحــمد
يا سيد الرسول إمامي
يا من محا عني أوهامي
صدقتو وما ريتو بنيامي
أمنت بيه وبالله نشهد
اروح راحتي محمد
قصيدة الخويتم
محبوبي زارني اسعدي مالكي رضا وجاني
...............اهدى لي خاتــم وندهيت بعقيـانـــو
القسم الاول
جادت ليام بمزا ر محبوبي كنزي ضياعياني
...................بعد ايست مجيه وايست من سلوانو
هدف ولقاني هبيل من وحشو* نومي جفاني شوقي
.................. ضد فعدايا وضد فلي كانوا صدقانو
جاني مكمول لبها بالصولا* وبتيهو كواني الجلال
...................قسم حتى يزور وبر غزالي بايمانو
جا وهدالي خويتم سباني كيف ما مالكو سباني
.................. وتلهيت يا ويحي وتخاديت بجيرانو
القسم الثاني
تجمعت خدمان لمحاسن يتسابقو على وزاني
......................لغبيبة والتيت ولخديد والجوهر فغصانو
شهد لعنيبري لتاج لمحاسن وقـال في معاني
...................... راني عساس على خويتم لا يهجمو عديانو
خويتم حاط بالنفايس يقـول قطـف لا تـواني
.......................كحيلي ويمارتـو نونـين همـا حجـــبـــــانــو
والأنف صايل كن باز فرادي فحالو صلماني* * فريد
...................... حاضي لرواح لا تطيح ولعقل وخرجانو
القسم الثالث
خويتم من درار كـتـلالي صنيع ربنا الغاني
.....................يرتـيو كـــنـجـوم مـن بـعيـد يـبـانــــــــو
خويتم ندهــيت عـنو وشــنو هـو لي دهاني
....................أسيل الخد او لحظين* تحت الغرة زانــــــو * العيون
والسالف* سبيب حكيتو ولا سقيل يا عشراني * الشعر
................... طج* من خصام لمحاسن مالو حد من عشرانو * تطاير
وتفافح كتقـول اسعد من جا لجناني و جـناني
.....................هـــذا تــفـاح او رمـــان نضج قــبل اوانـــو
القسم الرابع
نطق لجيد بالفصاحة يا هناك وانت الهاني
...................شكون يخسر لخويـتم ويعجـبــو خسـرانـو
من قدامو المرجان ومشموم الورد القاني
................... أندلسي من حلاوة نطقـو كـبر وعلا شانـــو
مثيل الشهد فلحلاوة من مصالو راني نعاني
....................كيف جرالي وسهيت وتخاديـت فجــيرانـــو
سبحان الله قلت للجيد ملي الخد ليلو خدانـي
................... وصدرالـتــفـاح شهـــيت وجــــنــيـت رمانـــو
انا المولوع بلمحاسن والشيطان ما غـــواني
....................نعمل لحرام و الـذي نهـاني ربي فــقرءانــو
واسمي موضوح في اختام قولي مع اوزاني
................... فيلالي يطلب لـكريـم يغـفر لــو كـل عصيانــو
اذكر هنا نوعا من الشعر الخفيف وزنه السريع في غنائه وهو السرابة
فصل الربيع قبل والوقت زيان
وعلامات الخير للورى بانو
جاد الزمان وضحك ثغر السلوان
والنكد تفاجى وزالت احزانو
بطايح الزهر على كل الوان
تسبي* من راها بشوفة عيانو *تاسر
الارض زي حورية من رضوان
معاها اسطاب السرور سلوانو
تحكي عريس وعروسة فالأوان
لبست من توب الدباج حيجانو
خرجت بارزة فكساوي حسان
دام الله جمالها وحسانو
مهما نظرت بعياني
فكمال زينها ومحاسنها باح كل مكنون
طبعي من الصبا فاني
وقت الربيع توجدني ما بين لحراج مشطون
ننشي لفاظ ومعاني
واهل الهوى يعرفوني ماهر من اصحاب لفنون
واليوم هزني مولاي الغيوان* *الشوق
ونطق سلطان الربيع بلسانو
دوا وقال لي عول يا انسان
تقطف ورد رياضنا وسوسانو
شوف الرياض فاح وزهرت لغصان
كل غصن يهدي بريحة افنانو
انا فعار ذاك الخد المزيان
غدر لي من راحنا فكيسانو
مهما رشفت كيساني
من يد من هويت وقلت لها هكذا المظنون
انت كمال سلواني
وعلى مجيك حلت البشارة يا سراج لعيون
بين الوتار والغاني
العود والرباب وجيلكو وكمانجة وقانون
نزهاو في بساط العذرا
ما بين لحراج الخضرا
فساعة الرضى وسرور
ونشاهد الشقيق وجمرة* *انواع من الزهور
والورد امير بين الوزرا
والقيقلان والخابور* *انواع من الزهور
يهنا الساكن* المضرور *القلب
ناسك يا الريم العذرا
سماوك الغزالة زهرة
وانا يا شقيق القمرة *او يا صبيغ الضفرا
سميتك الغزال زهور
واليكم نمودج من القصائد الربيعية وهي قصيدة ادريس بن علي
فصل الربيع جرد سيفو فوق لبطاح
واقبل كهمام فحلة خضرة
منبتة تسخير القدرة
قم تغنم فيه النظرة
زهو وبشرى
ونظر للارض كيف فاح شداها
كأن بنت لاح ضياها
لابسة توب من الجنة
وتاجها ناسب ذاك الزين واللباس
اللازمة
يا م اسعدها مع لحباب نزاهة
كيف كنت نتمناها
بالسرور والهنا واحنا فقلب قبة ملوكية ف واد فاس*
واد فاس نهر يشق المدينة ويسمى واد الجواهر
فواد فاس يعجبني لمشي فالصباح
قبل الشروق يا محلاه بالنظرة
والندى جوهر كيف ترا
والشمس فحجاب السترة
تقول صرة
والنهر محاسنو تفوح سناها
تشوف صورتك في ماها
كل نظرة فيه رخيصة بمال كسرى
لا سيما مع لغراس
قصيدة الشوق لسي التهامي المدغري
ما اصعب نار الفراق
بالشوق حرقت اسفاقي* *الحاجز الموجود بين الامعاء والاضلع
من دابل لرماق
يوم توادعنا بالمعانقا
نتقلب بالاشواق
وحرقة فدمع ارماقي* عيوني
والوجد الحراق
وسفوني من الفراق غارقة
ورشيت من الحراق
ولي هو كان احداقي* *عيوني
بضراري ترياق
فرصامي هيهات ما بقى
وغياد مع الحداق* *جمع حدق الذكي
ولا برد تحراقي
ما دالو دقاق
موجات على الخدود دافقة
اللازمة
مفروق بلا اتفاق وغرام حبيبي باقي
فضلوعي رشاق ومحاور وسط الجوف حارقة
محبوب القلب
محبوب القلب زارني يامس يا عشراني
واصلني لرصام نكى جمع الرقبـــــــــان
صايل ما بين قرانو سيدي بو وجنة منكطة
هاد مدة شحال وانا بالهجرة فانــــــــــي
حتى ولى بالصــــدود لونـي مثل اليرقان
والطرف اجفاه وسانو ورقتي بالحب ساقطة
نتفكر كل يوم بدرو وبهاه الســـــــــــــاني
ونبات ابو حشو اهميم نرتي مثل الورشان
والقلب قوات محانوا وخلاكي بالشوف لاهطا
ما يعدرني فحالتي وهواي او غيوانـــــــي
غير الى ملسوع بالغـــــــرام او هوا لحسان
الله يحسن عوانوا قاس سهم البن ما خطا
لا زمت الصبر مـــــــــا كفا وخفيت فكناني
حتى جا الدهر بزهو و كـــــــــــمال السلوان
ورخال الوقت عنانوا ويامي ولات ناشطة
بو جود لي هويت يوم واصلني لمكانـــــــي
من غير انوى قصر فلجفى والتيــــــــــــهان
جاد علي بحسانوا ونعملي من بعدها بطا
قسم البارح زارني حبــي وحيا رصمي امع قلبــــــي فرصا فلحا سد ارقيب
طيب يحيي اشده طيبي ما متل فالورى حببـــــــــي شملالي قامت الرطـيب
ونطى بزيارت نحبي ورجع بعد الجفا قريبــــي وضفرت بغايت النصيب
يا من سعدو يوم جا لباب الرصم وندانـــــــي
مهما نقر الباب نضت من غير عقل عجـــلان
كني طير بجنحانوا وفتحت النقشا الاهطا
نوجد ولفي علاج داتي واقف يرعانـــــــــــي
واقف فتباب الحـــــــــــرير مختلفة على اللوان
يتبختر في روانوا وردات حرير مشرطة
بايعت وقلت ليه ايا مصــــــــــــــــــباح عياني
بيك اهلا وميات مرحبــــــــــــــــا يا دبل لعيان
حبك راني فسجانو ورياحو عني مسلطا
زاد البساط من بغيت وكداك بغانــــــــــــــــــي
وجلس قدامي وهدر نكابو غصن البـــــــــــــان
بدر سطع بين مزانوا وخلاك ماهي مفرطا
حضرت اوان الزهو وبغيتو وبغانــــــــــــــــي
وغنمنا ليلة لي يدركها عاشـــــــــــــــــق فزمان
بوجود قدام خدانوا روحي فجمال مربطة
مزين الزين حين يعطف والسعد معاه حين يوقف
ديك البغيا على لوفا
لكن ورد الخدود تقطف لاين سود النجـال يــــــعرف
عشقي فبهاه بالصفا
لا زلت ولا نزول نوصف حسن وعلى لوصال نوصف
حتى وحد فالبدور من غيروا ما يهوانــــــــــــــي
لا ينوا دوقي افلافسي وظريف و حســــــــــــــان
محلا عني تيهانوا ويضوي رصمي الى وطا
عوض هيهات ما اخطر فالغرب الجوانـــــــــــي
ولا فالبهجة القــــــــــــــــــــــــــاهرة ولا فاليمن
والغرب او حوزار كانوا ولا فديري و مالطا
قد نحييه فالمثل كـــــــــــــــــــــــــــابند العثماني
ولى راية امشهرا مابين الشــــــــــــــــــــــــجعان
اسلبو عقلي حجبانوا وعيون سردا لمعربطا
وخدود الورد كيفتن فلون القانــــــــــــــــــــــــي
فاق جلنار وشكرنط او بالعمـــــــــــــــــــــــــــان
والغنجور فتبيانوا كابرني حوم على لكطا
ولمبسم خاتم الدهب والعتنون اســــــــــــــــــباني
من تحت لغبا الجيد فايق جيد الوسنــــــــــــــــــان
راتع فحراج وطانوا غادي بين جبال والوطا
ينفر سود النجال مني ولا باغي يروف عني
ولفي سلطان كل زين
حبو يا لايم سكني بصوارم امقلتلو طعني
زين الغرة مع الجبين
وانا بمحبتو معني لاكني خاب فيه ظني
لو صبت نراه كل حيــــــــــــــــــــــــــــــــــــن
من بعدن كان لي موالف والعهد اعطـــــــــــاني
عهد وثيق لا ينصرفعمر يا الخوان
وقسم ولفي بيمانوا
من رسمي هيهات لا خطـا
وفرح قلبي كثير واركبت علــــــــــــى شيهاني
شيهان لا نظرت عوض مثل للـــــــــــــــــــــئان
وحليبو بين سنانوا
باقي بلوبرى امزكطا
والسرج عليه دالموبر باهي يرضـــــــــــــــاني
وركب من خالص الذهب ولجــــــــام او عقيلان
مترقم بلبلسيانو
والدير وشهرة امعلطا
وتقلدت ابصارم الوغى لا واحد يلقانـــــــــــــــي
من لامة الحسود والعدى فنهار المــــــــــــــــيدان
الى حضرو شجعانوا
من ضربي تبقى مسهطا
نشبه فالحب قيس وبن سهل وبن هانــــــــــــــي
ونودي بشجاعتي اعلى الضــــــــاهر والغضبان
وقتي نداه زمانوا
ما الزين الوارى الى عطا
اختصرت وصاف زين ولفي ماينتهى في ابهاه وصفي
محبوبي باهي لحروف
حسنوا شلا نطيق نخفي لكن بولاعتي وعرفــــــــي
جبت معانيه بالحروف
ونمتع في بهاه طرفي وبعدها بقيت منفي
واغزالي ما بغا يروف
كانسترعى عليه ونطيعو طول زمـــــــــــــاني
واغدر في كامل البها ونكرلي لحســــــــــــــان
شفا في عديانو وكواني كي ملفطا
احافض ماياتي تهلا فرموز وزانـــــــــــــــــي
وتأدب لضراغم اللغا شــــــــــــــــياب وشيبان
اهل القول وميزاني
ناس لا يرضاو فاللطا
سلام الله عنهم فقلبي ولســـــــــــــــــــــــــاني
ما فاح الورد والزهر ونسيم السوســـــــــــــان
ونفسخ بين اغصانوا ونعايم ربي الباسطا
والداعي مايلو مزية ديمــــــــــــــــــــــا مدياني
الى يخرج للمشاليا نسقيه القطـــــــــــــــــــــران
لني جنجار عيانو
يعرفني فمرمتي اسطا
وذكر اسمي الحاج فضول حبر لمعـــــــــــــاني
ارجاي فمن لا ينام يختملي بالامـــــــــــــــــــــان
اعلى اليسلام بحسان
يمحي عنا سار الخطا
الحـــاج فضُّول المرنيسي
ما أجمل تلك القصائد الرائعة التي جاءت في مداخلتك الرائعة
ربــاب
فقد أثرت الموضوع حقا لك تقديري وشكري
يسرني هنا أن أضيف هذه القصيدة لصاحبها
الشاعر محمد بنسليمان
إنشاد محمد التولالي
قصيدة الوردة
آه من رشغات نبال الاقواس و الحاجب صردي
عند رامي دقة نشابي جات مجهدة
كل قوس مطلع شد الوتار من صوب لقصدي
علاه ما نشكي طال عذابي هذي مدة
هكذا راني في حال الغرام يتصرف وعدي
و نصرف ما كان في حسابي راه تعدى
لا دوا من غير التقبيل يا والمصال الشهدي
راه يعمل في الكاس شرابي جات مودة
لا تلوموني في ذا الحال جيت نشهد و نودي
آعدولي في الموت سبابي خال في وردة
فاتح في سماوي رياض عالي من سعدي
زادها رش الخال غرابي من غير ندى
ظلها و حضاها ظل الاشفار بالحظ الهندي
ياك جبت ايماير توصابي في ما نبدا
فاش جاني جرحي و انا المال و رقبتي نهدي
ليس نتهرب عن مكتابي مالي صدة
غير جيت نبري في الروح قبل تخرج من جسدي
خفت ناسي تلقى طلابي تبغي الفدا
لا تلوموني في ذا الحال جيت نشهد و نودي
آعدولي في الموت سبابي خال في وردة
هاج وجدي و فرغ جهدي قلايدي زادو صهدي
طالت علي يا تشغابي هاد الفقدة
بعد صهدي تلجى بردي تناهدي تحمي نشدي
و الهوى شد عليا بابي ما صبت فدا
دون غردي جيته مهدي صغير مازال في جهدي
درسني مير ادريس عرابي هازم العدا
لا تلوموني في ذا الحال جيت نشهد و نودي
آعدولي في الموت سبابي خال في وردة
يا ترى يسعدني ريح الوصال ننصب له بندي
ايمتا يهزم مير اطربي زند النكدة
يا ترى يتجرد برق السرور و يزكلم رعدي
على الزهو ينزل مطر سحابي فوق البيدا
بين ديدي و الهندي في بطايحه نجني وردي
يعود نحلي يرعى في اخصابي بعد الرقدة
الهوى يا من لا هزمه غرام تثميل الرندي
سيرتو مغلوب لغلابي صبري لبدا
لا تلوموني في ذا الحال جيت نشهد و نودي
آعدولي في الموت سبابي خال في وردة
عند ضربي نتخير في الجحود و نخرج و ندي
في التمام نعدل تزرابي سور العدا
الحافظ و يلا سالوك قول هاذي من عندي
من دعا لا يبطا في وجابي و لابدا
دودي زردي عن زندي في الأعداء تاري نفدي
بن سليمان اسمي في خطابي عسل الشهدة
النسب فاسي من عرب الحجاز متيصل جدي
يا رحيم الرحمة عن أبي حسن الولدا
يا المولى كن معايا ونيس في غمة لحدي
يوم ناخذ شبري في ترابي كن لي سندا
وهذه من أشهر قصائد الملحون
قصيدة الحراز
تأليف الشيخ الحاج المكي بن قريشى (المغربي)
مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية
مال الحراز قضيب البال
ما يجاور عمرو جيران
عاس على القتلة مشمور
جامع اطرافو ما يندى
و إلا انظرت بحالو جلدة
وقت ما نجيه نصيبو عبوس
ألطيف ألطيف واش نعمل واش المعمول
باش ناخد هاد المكروه
في غراض اللي نهواها
أش من حيلات يسرقوه
باش نظفر ببهاها شكيت
لاصحاب الحال والاهوال
عشقو مدلالة من تسال
دوب جسمي و انا نحيل
ما نقوى لاصحاب اللطام
و الهجرة ترجع بالسقام
و بعدها
يا ناس المحبة قلت أراسي
ما يلي إلا نتحزم عن عقارو
هادا خشبة من الخشب ما تچديها نار
رادي من عليم سود الشفار
وأنا عاشق صبار
طال تعبي و عييت نساعف الرديل البهات
و إلا رطاب بحيلات
عييت ما نتدمم محال يا من فيه
جيت لو في صفة باشا
من قنوت العظمات
بالعلوم ورايات
و الطبول تنتقر و الخيل و الرجلية
محلتي مشهورة خلفي بحزمة
بالسادات
جات المشهورة جات
و البياتة وجبت
ضاقت العشوية
حين قبلت عليه و شافني قصدت لمبات
قام هز الخطوات
ما بغى يلقاني ولا ليه حاجة بي
سار هارب لرسامو سار بالعزم لا تلفات
ينتفز بالخلفات
كل قامة أسيدي فعبارها متنية
مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية
قلت لاصحابي سيرو ليه
بالعزم دغية دورو بيه
وتقوه و جيبوه حتى يكون قدامي أمامي نزنچو
و نفرجكم فالمقيت
ادا جابوه و يوجبوه
قلتهم زيدو بيه بعد سليت السيف باش ندميه
نطق بموجب الشرع
قال أنا بالله و النبي
تعمل لي حق يا الباشا
ما أنا إلا نايبة
والسلطان الله ينصرو
و يدوم علينل سلامتو
و يعز الباشات و الخلايف
وقياد الحكام
شياخ قبايلنا
رعاية الملك العز الهمام
بهم يفخر منهم حالنا مسكين
و ﭽلين حامد الله على الهنا
في هبة الملك تعيش العباد
احنا طاعة لله
قلت لو لاش عليك أخايب الطبيعة
تهرب أصاحب الخديعة من ضيف الله
يا الباخس ياك أنا ليك جيت
قاصد ناخد مالك مع رقبتك
وجبت برات سيدنا مطبوعة
المير كلمتو مسموعة
والله ما يفيدك مني حتى هروب
قال أصاحب الأمير لا تكتر هضرة
هدا كلام مرجوع عليك
راك بالخزاين واصحاب عند كلمتك
العساسة حارسين
ادريو الغلات كاملين
أما داري حرام تدخلها لو نمشي فسبيب البغلات
لا تقوي لومات
لا تخوفني لا تقلي الحوت علي
ياك للدين وضيف الله الجوامع تبنات
فالمدن وقريات
هكدا سيرتنا احنا اهل البادية
ضيفنا ما يدخل للدار ما تقيسو عترات
فين ولاه يبات
فالربيع مع الصيف و ساعة الخرفية
والمسايد فايام البرد كاينة والغرفات
خود صحة الانعات
كان ردتي الحقيقة كون تصغى لي
عساك أالباشا قوم شلى عدات
كلمة المير كفات
لاش تطمع فالدار اللي محصنة محضية
مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية
جيت لو في صفة الغلام
نخدمو طاعة دون كلام
قلت أسيدي أنا وصيف
المحرر حررني اللي شراني
ودعني فسبيل ربي
قصدتك لاكرام قلبي
ونويت الخير فيك
جابتني الايام ليك
وانا مرزاق
وأسمي مبارك
واللي مبروك تخدمو الاحرار مع العبيد
انت ودك ربي من متاعو واعطاك المال
لا تكني ما عندك
مني دام لو
حيت انت راجل الوحيد
وانا نتسخر ليك فالمسايل البعاد مع القريب
عسى تعمل لي شي نصيب
الكسوة والصباط
الايجارة يسمح فيها عبد الجواد
إلا قبلو عليه إحوزوه و يكرموه ما يدوزوه
وهو ما يدوز سيدو
و الدنيا سايرة والايام تفوت
خود ليك راحة واغنم وقت السرور
وانا نتسخرليك شين تامرني
وخفيف العضام مسروق على الرمشة
كل ما تمرني ضني نفعلو
هدا حق الوصيف
الطاعة لسيادو
قال لي سير فحالك
لا تطوف بي لا تقربني
ما نخالط الكحل و ما نعاشرو
طول زماني ما كسبت الكحل
ما خالطتو ما حملتو ما عاشرتو ما قبلتو
ما عندي خير فيه
غير إلى كان خلوق فمكاني و زيادة فالمراح
وانا ظاهر لي فيك جيتي تختلني
تغدرني فشي مسالة بعّد مني و سير
كفّي لا تمشي دون غرض
يا بو دعوات
يا قبيح الخزرات
كل من كسبك عندو فيك غير السيئة
قلت لو خاف الله لا تكون
تجهل الاشيات
الاخلايق صفات
كل خلق اسرارو في ادواخلو مكنية
قال لي سير فحالك
لا تكون تحضي الغرات
من خيار البيتات
ما نكسبك و لو نسكن فأرض خلية
عسّاك أنا بقبيلتي و ناسي عزوات
رادّين الكسرات
ما وقفت عليك لسخرة و لا لحمِيَّة
يشدني دوماً هذا الإسم
ولكن أريد تشكيلاً علي حرفه كي نقرأه صحيحاً
هل هو بكسر الميم أم بفتحها أم بشد اللام
نريد التشكيل وشكراً علي معلوماتك الجديدة عبير التي أثريتينا بها
دعاء تفريج الكرب
لا إله إلا الله الحليم العظيم لا إله إلا الله رب العرش العظيم
لا إله إلا الله رب السموات السبع ورب الأرض ورب العرش الكريم
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
رد مع اقتباس
مواقع النشر (المفضلة)