الإنتماء

[الحنونه]

سيدى الفاضل اجابه على اسئله حضرتك ارجع بالتاريخ 58 سنه
شاهد افلام فتره الاربعينات وفتره السبعينات واليوم انها كانت تعكس حال الشعب
الفوارق كانت موجوده ايضا على مدار التاريخ من ايام القدماء المصريين
سيدى هل يمكن ان يعود الزمن طبعا مستحيل
سيدى علينا باصلاح انفسنا اولا لان المشكله لن تحل بحكومه ولا نظام
علينا على قدر االمستطاع تربيه نشئ صالح ربما يصل فى يوم لاصلاح ما كان
شكرا لحضرتك على طرح الموضوع
جزاك الله خيرا

[الحنونه]

النشيد الوطنى المصرى (1923 - 1936) نفسى يرجع تانى .. --- اسلمى يا مصر إننى الفدا ذى يدى إن مدت الدنيا يدا أبدا لن تستكينى أبدا إننى أرجو مع اليوم غدا ومعى قلبى وعزمى للجهاد ولقلبى أنت بعد الدين دين لكى يا مصر السلامة وسلاما يا بلادى إن رمى الدهر سهامه أتقيها بفؤادى واسلمى فى كل حين أنا مصرى بنانى من

[د. محمد سعيد عيسى]

كتبت سابقا عن الانتماء
واردت ان يجيبنى اى زميل عن احد اسباب عدم الانتماء
واليوم اكمل تصورى عن هذا الموضوع
ماهو الانتماء اولا
الانتماء ليس له تعريف كلامى او نظرى ولكنه سلوكيات وافعال المردود
من فعلها هو نهضة الوطن ورخائه واذدهاره فى شتى المجالات ، الانتماء
هو احساس داخلى لدى الفرد بان الوطن مهما كان كبيرا فانه هو اسرته الصغيره
وجميع من بالوطن هم اباه وامه واخوته وابنائه واجداده فلايبخل بجهد او عرق
فى سبيل اسعادهم جميعا
ومتى يتخلق الانتماء فى قلوب وعقول البشر؟ ان ذلك يحدث عندما يحس
كل مواطن ان كل من حوله مهتمون به ويحترمون ذاته وادميته ويحترمون
افكاره ولا يتوانون فى مساعدته لحل مشاكله ، واحترام الذات والآدمية هما
اهم عنصرين فى مكونات خلق الانتماء فى النفوس
فإحترام الذات والآدمية يجعلان الانسان مبدعا فى افكاره متقنا فى افعاله شغوفا
على الانجاز فى الزمن القياسى ومتفانيا فى مساعدة الاخرين بحب واقتناع
وما أسباب تولد عدم الانتماء لدى الفرد ؟ اهم سبب ان يحس الفرد وهو فى وطنه
انه غريب ، حقوقه ضائعة ، كرامته مهانه ، يحصل على حقه ان حصل فعلا عليه
بالاذلال ، مهان فى بلده ومهان خارج حدود بلده ايضا ؟ انعدام الامل فى الخير امامه ،
واخيرا احساسه ان المسؤلين عن الوطن فى وادى والشعب فى وادى اخر وليس له
اى قيمه ولاحساب فى ذاكرتهم .
والمفروض ان الانتماء يكون موجودا داخل الفرد طوال حياته ولا يفارقه
وماذا حدث لبلدنا حتى انعدم الانتماء الحقيقى لدى الجماهير؟
ااااااااااااااااااااااااااااااااه كثيرا جدا حدث ويحدث وسيظل يحدث والامثلة كثيرة
ايجازا وليس حصرا
تخبط فى القرارات ، اصدار قرارات لصالح فئة معينة لمدة محدده ولايعلمها الشعب المسكين
ثم تلغى
وزراء ولاد وزراء سواء يستطيعوا او لايستطيعوا تحمل المسؤلية والشعب هو حقل التجارب لهم
مثال :- ابتدائية 5 سنوات ........ لا نخليها 6 سنوات ..... بلاش كده نرجع تانى
الخريجين من سنة 1985 لم يعين منهم الا اولاد القطط السمان يعنى اعداد لاتذكر
وباقى الشعب عاطلين ثم نفتح جامعات اهلية .. ومين بقه اللى يدخلها ؟ الغلابه اللى مش لاقيين
ثمن رغيف العيش !!!!!!!!
الحكومه مدعمه البنزين !!!!! والغلابه بيركبوا حمير مش سيارات ، والكبار الواحد منهم
عنده بعدد الاسرة سيارات . يبقى مدعمينه لمين ؟
الناس بتموت علشان يحصلوا على انبوبة غاز ، والغاز رايح لليهود ببلااااااااااااااش !!!!!!
هههههههههه المحليات اللى عاملينها دى بتعمل ايه ، يعنى بيسلطوا ناس على ناس علشان اذلال ،
لا اتصور ان محافظ يظل محافظا فى محافظة ما اكثر من 5 سنوات والمواطنين بالمحافظه لم يعرفوه
ولم يشاهدوه ، بس اهو محافظ وطول النهار والسهره قاعد بمكتبه مع الكبار اصحاب المصالح ، مع انه
من المفروض ان يكون سعاده فى كل شهر قد تم مروره على مراكز المحافظة ، لماذا ،لانه لايتم انجاز
عمل ما فى اى قرية او مدينه الا اذا قالوا ان المحافظ جاى او الوزير جاى ده طبعنا ، صح ولا لا ؟ المفروض
ان الدخل القومى يوزع على الشعب بفروق بسيطة حسب الاعمال التى يؤديها كل فرد ، ولكن يحدث عندنا العكس
كيف ؟
قطاع البترول .... اكتشافات وثروات ومعادن وذهب وكل خير البلد عندهم حصيلته فيييييييين ؟
النصيب الاكبر للعاملين بالقطاع ، والشعب الباقى مش من البلد ، ازاى ده ؟ الخريج المعين جديد فى اى وزارة
غير العدل والشرطه والجيش ورئاسة الجمهورية والاعلام يتعين دا اذا فيه تعين بملاليم وبتاع البترول يتعين
بكام الف والله العظيم من مصادر اكيده .
البلد بتاعتنا بخير ومليانه ملايين بس كلها فين ؟ للاسف كلكم عارفين بتروح فين
فكيف يتواجد الانتماء وكل هذه البلاوى على راس الشعب
اللى حكيته ده ذره فى محيط من اللى الشعب شايله على اكتافه
حسبنا الله ونعم الوكيل فى كل من ظلم ويظلم هذا الشعب
وفى النهاية
تعرفوا بيضحكوا على الشعب بايه
الانتماء فى ملاعب الكوره !!!!!!!!!!!! بيضحكوا على الشباب اللى مش عارف حاجه وبياخد مصروفه من اهله
وربنا يستر

[م/ إيهاب عبد المؤمن]

وجعلنا من حسن شحاتة صلاح الدين الأيوبي يادكتور

ومن ابو تريكة رمز الأخلاق التي لن تعوض ماتقولش الشعراوي ولا الغزالي

بس هؤلاء ماكانوش بيلبسوا شورت في التليفيجن

الشعب المُعدم يقوم بثورة كروية والشعارات تتردد مابين الشباب الجهلاوي والعيالكاوي

روحي عشانه تهون دا هو عندي كل الكون ( تحية لناديه )

أستر يارب من زبانية جهنم ليدخلوا غرفة المؤسسين هههههههههههههههههههههه

نفسي ننشر الموضوع ده ع العام يادكتور وشلبي يفديه بروحه هههههههههههههههههه

تقبل مروري علي موضوعك الشيق

[د. محمد سعيد عيسى]

اخى الحبيب ابو حازم
شكرا على هذا التعليق على خرافاتى التى سطرها قلمى
فى لحظة نشوة وخيال بان الحياة نظيفه ، ولكنى اعتذر ان بوحت
بما فى قلبى ، فالجراح مؤلمة جدا ولاتريد ان تندمل ، وملأتها
العناكب والديدان تنهش لحمى حتى ان احساسى بها بدء يقل
من هول الالام ودعوت الله ان يعطينى صبر ايوب على تلك الجراح
فلن ولن تشفى جراحنا الا ببركان بركااااان يزلزل ارض مصر
بركان اما من السماء او منا نحن
ولله الحمد والمنه
ولن اطيل اخى الحبيب

[محمودعبدالهادى]

يا عم ايهاب انشر
الموضوع عادى جدا وما فى اى شى
دا لسان حالنا كلنا
جزاك الله خيرا يا دكتور على تلك الفضفضة

[م/ إيهاب عبد المؤمن]

اليومين دول لا ياعم محمود احنا ممكن نبقي شرارة الفتنة بقصد او بدون وانا ماتحملش وزرها

وفي فرق بين الاتنين واسع

شين العابدين مثلا ماكانش بيذيع الاذان في التليفيزيون الرسمي

عندنا الحمد لله كل الخير

الكتب الاسلامية ممنوعة من الدخول تونس وحجز علي كل علماء المسلمين عدم دخول تونس

عندنا الحمد لله بلد الازهر الشريف

عندنا بعض العلماء ممنوعين القرضاوي وعمرو خالد اشهرهم

فيه فرق شاسع بين السياستين لكن النتيجة واحدة للأسف

[محمودعبدالهادى]

اليومين دول لا ياعم محمود احنا ممكن نبقي شرارة الفتنة بقصد او بدون وانا ماتحملش وزرها

وفي فرق بين الاتنين واسع

شين العابدين مثلا ماكانش بيذيع الاذان في التليفيزيون الرسمي

عندنا الحمد لله كل الخير

الكتب الاسلامية ممنوعة من الدخول تونس وحجز علي كل علماء المسلمين عدم دخول تونس

عندنا الحمد لله بلد الازهر الشريف

عندنا بعض العلماء ممنوعين القرضاوي وعمرو خالد اشهرهم

فيه فرق شاسع بين السياستين لكن النتيجة واحدة للأسف

ياراجل مش للدرجة دى
انت يعنى شايف خالد كمون هيتعدى من خالد كمون بتاع تونس ويقلب نظام البلد عندنا