ارحمينى يا ستى!

[ضحى العمر]

الله أكبر الله أكبر..أذان الظهر..


-يارب.. يارب بحق ده الآدان تنجح يا نون يابن ابنى وأشوفك دكتور أد الدنيا


-ياستى بس أنا فى تجارة


-وماله يابنى هو يكتر على ربنا...... ده ربنا قادر على كل شئ


-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياستى التجارة اللى فى الوكالة حاجة واللى فى الكلية حاجة تانية


-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق


-جدى إيه اللى هايخدنى معاه .....ده جدى مات من زمان ياستى


-يامصيبتى عبد الواحد مات..ياحبيبى ياأخويا..مكنش يومك ياسبعى


-ياستى ده ميت من تلتين سنة


-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة


-ياستى حرااام عليكى عايز أذاكر بقى


-يووه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون


-ياستى دبلون إيه..أسمه البكالوريوس


-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون


-خلاص دبلوم دبلوم ياستى ..سيبينى بقى عشان أذاكر


-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان


-ياستى عبير دى معاها أعدادية


-وماله يابنى ...الراجل مايعبهوش إلا جيبه

-راجل ...راجل مين ياستى...عبير دى بنت


-عبير ...عبير مين ياوله..أنته بتعرف بنات من ورانا


-لا إله إلا الله....أبوس رجلك ياستى أرحمينى بقه


-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس والله لكون مبوظه الخطوبة دى ومجوزاه أنيسة بت أختى


-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات


-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان


-حراااااااااااااااااااااااااااااااااام ............ستى ماتطلعى البلكونة
شويه ...ده الهوا حلو بره

-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز


-رز...رزإيه يابنى....هوأنا ليه سنان للرز...أناهطلع البلكونه أحسن


-طب أبقى خلى بالك م الهوى ياستى

-هوى لما يلطشك

امشى يا وله من قدامى السعااااااااااااااااااااى

عيل رغاى بصحيح

هههههههههههههههههههه
هههههههههه
منقول طبعا

الموضوع الأصلي: ارحمينى يا ستى! // الكاتب: ضحى العمر // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[م/ إيهاب عبد المؤمن]

موضوع كوميدي جميل وحلو منك ياستي

هههههههههههههههههه

تسلم ايدك ياضحي

[ضحى العمر]

موضوع كوميدي جميل وحلو منك ياستي

هههههههههههههههههه

تسلم ايدك ياضحي

سلم لنا مرورك مهندس/ ايهاب
ما اجمل ان تكون سببا فى سعادة وتبسم اصدقائك

دمت بكل السعادة

[بنت فلسطين]

هههههههههههههههههه
تسلم ايدك يا ضحى يا قمر بجد حلوه كتير

تحياتي ليكي بنت فلسطين

[د ربيع]

ما هذا الجمال يا ضحى

أنا سعيد بوجود بريق موضوعاتك على المنتدى
لا حرمنا الله منها

لكى تحياتى

[محمد البدوى]

بسمه جميله جدا

[شلبي سعيد]

جمسلة جا

بس هي ستو لسة عايشة ؟؟؟؟؟؟؟

الله يخرب بيت ................... سننو

تقبلي مودتي ضحي

[رباب]

ابتسامة مشرقة منك

لك تحياتي

[د. محمد سعيد عيسى]

الاخت ضحى
يسلم عقلك اللى الف هذا الحوار
وتسلم يدك اللى كتبت الحوار ده
وبصراحة
اكيد انتى كنتى فاضيه ومفيش اى هموم عندك
لغاية مفكرتى وكتبتى الجمال ده
اظرف مافى الموضوع ان الولد جدع فضل مع جدته
الكركوبه يجاريها فى الكلام علشان ماتزعل وتغضب عليه
برده دى جدته
تسلمى ياضحى

[عبير]

ههههههههههههههههههههه
يا حلاوة
ده اسمي جه في الحوار