قصيدة الميدان

[م/السيد محمد]

قصيدة الميدان للشاعر الكبير عبدالرحمن الابنودى

#
أيادي مصرية سمرا ليها في التمييز ممدودة وسط الزئير بتكسر البراويز سطوع لصوت الجموع شوف مصر تحت الشمس آن الأوان ترحلي يال دولة العواجز عواجيز شدادا مسعورين أكلوا بلادنا أكل ويشبهوا بعضهم نهم وخسة وشكل طلع الشباب البديع قلبوا خريفها ربيع وحققوا المعجزة صحّوا القتيل م القتل اقتلني قتلي ما هيعيد دولتك تاني بكتب بدمي حياه تانية لأوطاني دمي ده ولا الربيع لاتنين بلون أخضر وببتسم من سعادتي ولاّ أحزاني
#
لكن خلاص يا وطن صحيت جموع الخلق قبضوا على الشمس بإيديهم وقالوا لأ م المستحيل يفرطوا عقد الوطن تاني والكدب تاني محال يلبس قناع الحق بكل حب الحياة خوض في دم أخوك قول انت مين للباعوا حلمنا وباعوك أهانوك وذلوك ولعبوا قمار بأحلامك نيران هتافك تحرر صاحبك الممسوك يرجع لها صوتها مصر ، تعود ملامحها تاخد مكانها القديم والكون يصالحها عشرات سنين تسكنوا بالكدب في عروقناا ؟!! والدنيا متقدمة ومصر مطرحها
#
كتبتوا أول سطور في صفحة الثورة وهم خبرا وعلما مداورة ومناورة وقعتوا فرعون هرب من قلب تمثاله لكن جيوشه مازالوا يحلموا ببكره صباح حقيقي ودرس جديدي قوي في الرفض أتاري للشمس صوت وأتاري للأرض نبض تاني معاكم رجعنا نحب كلمة مصر تاني معاكم رجعنا نحب ضحكة بعض مين كان يقول ابننا يطلع بنا م النفق دي صرخة ولا غنا وده ذنب ولا شفق
#
أتاريها حاجة بسيطة الثورة يا اخوانا مين اللي شافها كده ؟ من أول اللي بدأ ؟ مش دول شبابنا اللي قالوا خير ف أوطانهم ولبسنا توب الحداد وبعدنا قوي عنهم هم اللي قاموا النهارده يشعلوا الثورة ويصنفوا الخلق مين عانهم ومين خانهم يا دي المدان اللي حضر الفكره وسهّرها يا دي الميدان اللي فتن الخلق وسحرها يا دي الميدان اللي غاب اسمه كتير عنه وصبرها ما بين عباد عاشقة وعباد جارحة شباب كإن الميدان أهله وعنوانه ولا في الميدان نسكافبه ولا كابتشينو خدوده عرفوا جمال النوم ع الأسفلت والموت عارفهم قوي وهم عارفينه 
#
لا الظلم هيّن يا ناس ولا الشباب قاصر مهما حاصرتوا الميدان عمره ما يتحاصر فكرتني يا الميدان بزمان وسحر زمان فكرتني بأغلى أيام في زمن ناصر شايل حياتك على كفّك صغير السن ليل بعد يوم م المعاناة وانت مش بتإن جمل محامل وانت غض .. بتعجب امتى عرفت النضال .. اسمحلي حاجة تجن أتاريك جميل يا وطن مازلت وهتبقى زال الضباب وانفجرت بأعلى صوت لأه حركتنا نبتسم ودفعت انت الحساب وبنبتسم بس بسمة طالعة بمشقة
#
فينك يا صبح الكرامة اللى البشر هانوا وأهل مصر الأصيلة اتخانوا واتهانوا بنشتري العزة تاني والتمن غالي فتح الوطن للجميع قبه وأحضانه الثورة فيض الأمل وغنوة الثوار الليل إذا خانوا لونه يتقلب لنهار ضج الضجيج بالندا اصحا يافجر الناس فينك يا صوت الغلابة وضحكة الأنصار واحنا وراهم أساتذه خايبة تتعلم ازاي تحب الوطن وامتى تتكلم طال الصدا قلبنا ويئسنا من فتحه قلب الوطن قبلكم كان خاوي و مضلم أولنا في الجولة ، لسه جولة ورا جولة ده سوس بينخر يا بويا في جسد دولة أيوة المَلك صار كتابة إنما أبدا
#

لو غفّلت عينا لحظة هيقلبوا العمله

لكن خوفي مازال جوّه الفؤاد يكبش

خوفي اللي ساكن شقوق القلب ومعشش

يقولي مش راح يسيبوا ولسه هيقبوا

وهايلاقولهم سكك وبيبان ما تتردش

وحاسبوا قوي م الديابه اللي ف وسطيكم

وإلا تبقى الخيانة منكم فيكم

الضحك ع البؤ بس الرك ع النيات

فيهم عدوّين أشد م اللي حواليكم

الموضوع الأصلي: قصيدة الميدان // الكاتب: م/السيد محمد // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[أم محمد]

عبد الرحمن الأبنودى من عظماء الشعر
الذي كثيرا ما مس كلامه جدران قلبى وقلب كل مصرى
فلتسمح لى أخى بهذه الإضافه

[م/السيد محمد]

اضافة مميزة استاذتى الفاضلة ولكى التحية على المرور الجميل

[أم محمد]

شكرا لك أخى الكريم

[عبير]

الأبنودي

هذا الشاعر الصادق العظيم الذي كلامه يدخل الوجدان ويمس القلوب
وقد أبهرنا بقصيدة - الميدان - الرائعة
فلم تكن لتفته هذه اللحظة التاريخية الفذة المباركة لكي ينطلق قلمه بعذب وبديع الكلام النابع من أعماقه معبرا به عن أحاسيس أمة بكاملها

لك التحية أخانا الفاضل
م/ السيد محمد
دائما اختياراتك رائعة صائبة

ولقد وجدت نفسي أضيف هنا هذه الرائعة للأبنودي

المتهم



عشب الربيع مهما اندهس
بالقدم
أو انتنى في الريح
بيشب تاني لفوق
يغني للخضره وطعم الألم
حبيبتي وإن يسألوكي
قولى مسافر بعيد
رايح يقابل العيد
على قلعة فوق الجبل
واللا في سجن جديد
في غرفة ضيقة في ساحة
الإعدام
يرمى الرصاص واللا
الخلاص
في خية المشنقة
مشوار بعيد المعنى
عالي الصوت
إذا مارحتوش أموت
وعالمي ينقفل
والشمس تسحب خيوطها وتنسحب في خجل
وسعيد كل ما قربت المواعيد
وهل فجر جديد
سعيد بكل اللى متألمه
كل الألم في الدنيا متعلمه
في زماننا ده ما أخيب اللى
الحزن يفطمه
تعبت أقرا الوجوه بحثا عن
الإنسان
وتعبت أقرا اليفط بحثا عن
العنوان


كل الخرايط ما توضح تبهت
الأوطان
لكن خلاص كتبت اسمي
بومض الرصاص
وفديت عيون الوطن وفديت
عيون الناس
ويا أمي إن يسألوكي لا
يترعش لك حضن
ولا تحسى بحزن وتقولي مات
في السجن
ساعتها يبقى الحزن بلا
موضوع
والسجن بلا موضوع والموت
بلا أكفان
وكفاية جربنا سنين الموت
بالمجان
والتافه المتهان أهانا
بالمجموع
الموت مجرد سفر
لاشواك ولا زعابين ولا عفر
ولا كلاب بتطل من جورنان
تخطب بألف لسان
تصبغ وجوهنا النيره بأصبغ
الألوان


ويا أمي كل ما يوهموا بموتي
اتذكري صوتي بذمتك مش
كان عظيم الآن
قالت له صوتك نشان
قالت موتك بيان
طالع يقول موجود يا أسمر يا أبو عيون سود
فكيت طلاسم سحرنا
المرصود
وعدلت وش الزمان

[د. محمد سعيد عيسى]

اخى ابو ملك
ما أروع مانقلت لنا من كلمات
من القلب للابنودى الشاعر
ذو الاحساس المرهف
بعامية اللغة او بلاغتها ان اراد
كلمات نابعة من القلب
وتخترق قلوبنا
لانه مصرى اصيل
ولابد لإحساسات المصرى
ان تخترق قلوب المصريين
لك كل الشكر والتقدير

[د. محمد سعيد عيسى]

واليك يا عزيزى ابو ملك هذه القصيده ايضا للابنودى

خرج الشتا وهلِّت روايح الصيف*
والسجن دلوقتى يرد الكيف!!
مانتيش غريبة يا بلدي ومانيش ضيف
لو كان بتفهمي الأصول
لتوقفى سير الشموس..
وتعطلي الفصول.
وتنشفي النيل في الضفاف السود
وتدودى العنقود
وتطرشي الرغيف!!
ما عدتي متمتعة وانتى في ناب الغول
بتندغي الذلة وتجتري الخمول
وتئني تحت الحمول
وتزيفي في القول
وبأي صورة ماعادش شكلك ظريف
***
دوس يا دواس
ما عليك من باس
واكتم كل الأنفاس.
الضهر مليئ بالناس
إللى حبيتهم دون ما يبادلوني
الإحساس.
وأنا عارف إني ما باملكهمش
لأني ما مضيتهمشي في الكراس!!
الناس اللي دمغها الباطل دمغ
اللي بتنضح كدب وتطفح صمغ
اللى بتحشش
وما بتحسس
واللي بتضحك كل ما تنداس!!
***
الجامعة طالعة رايتها ضلتها
هدارة
جبارة
صادقة في نيتها..
بتتجه..
يم الوطن والموت.
و"شبرا" زاحفة تأكد التهديد
وتجمع التبديد
وصلت ميدان الفجر..
في المواعيد…!!
النهر.. والضفة.
نبت هلال العيد
ومالت الكفة
وصحيت الرجفة.
مصر اللي لا لحظة ولا صدفة.
ثورة ف ضمير النور.. بتتكون.
رايات.
بدم البسطا..تتلون..
سدوا الطريق..
كيف المؤامرة تموت!؟
"فلتسقط الخيانة
والقيادات الجبانة
ندّاغة الإهانة
كريهة الريحة
كريهة الصوت!!"
***
الغضب..
بيوالي إنشاد البيان
والوجوه الصامدة في وش الزمان.
والرحابة..
في الصدور..وفي الليمان..!!
غابت الأسر الصغيرة في الوطن
. استوى ع الأرض وعي.
صحيت الأمة ف هدير السعي.
الوطن.. مفهوم
وحلو
ويتحضن..!!
***
التفت صاحبى يقوللي:
"لسه نايم..؟
مش مظاهرات..
دي حاجات يفهمها شعبك.
إقفل العقل القديم..
وافهم بقلبك.
رقصة الزار القديمة..
الفرعونية
ع الخصيبة السندسية..
لما يجتاحها الألم!!.
لما تغمرها الإهانة..
والقدم..
تسحق الإنسان..
وتدهس القيم!!"
ابتسمت..!!
رقصة الزار القديمة
الحميمة
العظيمة.. لحد فكرناها ثورة
فرق بين رقصة.. وثورة!!.
لا هيَّ جاية فوق حصان
ولا في لحظة زمان
حتهب نابتة في الغيطان
ولا رقصة
برجل حافية
ف مهرجان!!.
دكهه هادية.
تيجي هادية.. وصوتها دامي
تعزل الكداب..
وتقبض ع الحرامى!!.
تعرف الناس..مش كتل
تعرف الناس..
بالوجوه..وبالأسامى.!!
تيجى..فاتحة القبر
نادغة الصبر
قابضة الجمر
تنصب محاكم الشعوب في كل قصر
تغير العصر..
إلى آخر الصفحات في سفر الثورة!!.
ابتسم صاحبي وقاللي:
"حاذر م الارتفاع
سيبك م الاندفاع
حفر حكومتك وساع!!"
ابتسمت
جفت الرقصة الحبيسة
عادت الأمة التعيسة
اختفى كل اللى كان!!
اختفى كل البشر
واختفى كل المكان
تحت سنوات الهوان.!!
***
تتعسني فكرة إني هموت
قبل ما اشوف- لو حتى دقيقة-
رجوع الدم لكل حقيقة..
وموت الموت..!!
قبل ما تصحى..
كل الكتب اللى قريت
والمدن اللي ف أحلامى رأيت
والأحلام اللي بنيت
والشهدا اللي هويت
والجيل اللي هدانى
والجيل اللي هديت..!!
قبل ما أملس ع الآتي
وادفن كل بشاعة الماضي
في بيت.!!
***
حاقولها بالمكشوف:
خايف أموت من غير ما اشوف
تغير الظروف.
تغير الوشوش..
وتغير الصنوف!!.
والمحدوفين ورا
متبسمين في أول الصفوف.
خايف أموت وتموت معايا الفكرة
لا ينتصر كل اللي حبيته..
ولا يتهزم كل اللى كنت أكره..
اتخيلوا الحسرة!!.
***
مأساتنا.. إن الخونة.. بيموتوا
بدون عقاب ولا قصاص..!!
مأساتنا
إن الخونة بيموتوا.. وخلاص.
بدون مشانق في الساحات..
ولا رصاص!!.
على كل حال..
صدقي مازال!!.
صدقي على قيد الحياة
بيفجر الدم النبيل
ويبطش بالاستقلال
ويمرغ الجباه
تحت الجزم والخيل
ويفتح الكوبري علينا
كل صبح وليل.!!
والإنجليز..
مازالوا بيقهقهوا
ويضربوا.. ويسجنوا الشباب
على كوبري عباس..
أو
في "معرض الكتاب!!".

[م/السيد محمد]

الله الله ما اجمل العبارات والكلمات عندما تخرج من القلب او يفهمها ويتعاطف معها القلب

الاستاذة الفاضلة عبير كم انتى رائعة ولا اجد كلمات اصف بها احساسك المرهف كلماتك جميلة وانحنى لها لعظم معانيها سلمت يداكى

[م/السيد محمد]

د/محمد سعيد يشرفنى مرورك المميز بمواضيعى

وانا معك فالابنودى اكثر الاشخاص الذى يستطيع كافة فئات الشعب فهم معانى كلماته المعبرة عن حال الشعب

اضافة مميزة دمت بكل ود وسعادة

[كريم يحيى]

الفاضل مهندس السيد

لقد أتيتنا بالمعلم الأول والعندليب العاشق لوطنه

الخال الأبنودى من علامات الشعر العامى فى الوطن العربى

ومنه تعلمنا الكثير أطال الله فى عمره وشكرا لك على هذه الهدية