--------------------------
ماتقولوش انه راح واندفن فى التراب
مهما كان الجرح مهما كان العزاب
قيموا الزينه قيموا الافراح انتصرت ثورة الشباب
...
ابنى بدمه انكتب تاريخ جديد لمصر
ابنى اسمه شباب 25 يناير الحر
ابنى رغم الرصاص من حواليه صمد وأصر
ابنى بنى لنفسه فى الجنه قصر
ابنى ما ماتشى ابنى شهيد ابنى حي
ابنى روحه بتشارك زمايله ابنى جاى
يا ضنايا يا ضي عنيّه يا ابنى يا خي
ابنى خرج من بيته راح يشارك زمايله
جاتلوا رصاصه غادره وواحد من زمايله شايله
كان بيهتف باسم مصر ورافع للسما علمه
ورغم اللى حصلّه العلم فضل شايله ورافعه
وعلى أرض ميدان التحرير كتب اسمه بدمه
كان دمه شراره فى ميدان التحرير الشباب كله ثار
خرج الشباب كله للتغيير ومن كل مصر باصرار
وغنوه كانوا يغنوها ارحل ارحل احنا فى بلدنا احرار
لا بد من رحيل الطاغى من بلدنا ومعاه كل الاشرار
ومن كل مكان من بلدنا خرجت ملايين الثوار
مالقاش الطاغى الا الرحيل وجيشنا يكمل المشوار
ما تقولوش عليه انه مات قولوا انه فى الجنه شهيد
قاللى قبل ما يفارق الحياة يا امه لا تبكى بلدنا النهارده فى عيد
روحى شاركى الاخوه والاخوات واملى ميدان التحرير زغاريد
يا امه انا أخدت أعلا الشهادات وحتعيشوا فى حريه وعهد جديد
يامه لا تبكى عليّه انا قمت بواجبى ما قصرتش ولله ما يريد
******
قفوا تحيه لكل شهيد
ابنى اسمه شباب 25 يناير 
رد مع اقتباس
المشاركة الأصلية كتبت بواسطة م/ إيهاب عبد المؤمن
مواقع النشر (المفضلة)