السلام عليكم ورحمة الله وبركاته
الاخ عاشق المكافحة الاخت عبير الاخ ايهاب عبدالمؤمن
جزاكم الله كل خيراً
وبعدين ولا بداية قوية ولا شى وبصراحة أنا مش عارف ارد على مداخلاتكم الجميلة
الأخ خالد وحشنى والله ياهندسة
اما بخصوص الصورة فبصراحة أنا وضعت اول صورة قبلتنى أمن بحثت فى الجوجل عن صور للكارب
http://images.google.com.eg/images?h...gbv=2&aq=f&oq=
وقلت اهى حاجة من ريحة المبروكة لحد ما اعدلها بكره ومعتقدتش أن حضرتك هتعلق بالسرعة دى ايه يعم النشاط دا كله
أما موضوع النقد ههههههههههههه فبصراحة مش أنا اللى تعبت هما اللى تعبو وبعدين نقد الحبيب زى اكل الذبيب
ماعلينا نرجع لموضوعنا
طبعا موضوع الاقفاص دا موضوع مهم جدا
لانه مش محتاج تكاليف استثمارية عالية بالمقارنه مثلا بالانظمة الحديثة وخاصة نظام الدائرة المغلقة وخاصة البند بتاع الانشاءات
وطالما ان التكاليف الاستثمارية مش عالية فعشان كدا مكسب النوع دا من الاستثمار عالى
كمان مشروع المبروك الفضى مميز كتير عن البلطى وخلافة لانه مش معتمد على الغذاء المصنع والجميع يدرك مشكلة استيراد مكونات الاعلاف وارتفاع اسعارها
اما بخصوص المشكلة التى بتواجه انشاء الاقفاص فكما ذكرت حضرتك أضف الى ذلك
أن عادة السلطة عندنا أن الخطا يعم والسيئة تخص وكل شى بالبركة ولا تخطيط ولا يحزنون
وبختلف معاك فى موضوع المركزية ما كل شى عندنا مركزى خد عندك الجهاز المركزى للمحاسبات والامن المركزى والدش المركزى والنت المركزى الخ الخ
وعلى فكرة العالم كله طلع من دماغة موضوع المركزية الى احنا
لكن الموضوع بتاع الاقفاص عاوز تقنين فعلا يعنى من الاخر الموضوع لا يترك هكذا سداح مداح
كمان الاعلام عندنا غوغائى ولا ينظر لتلك المشاريع من منطلق المصلحة الوطنية , وأنما من منطلق الفرقعة
طبعا كلام حضرتك عن د محمد فتحى ليس فيه جدال فهو وبكل صراحة أكثر من محترم واشهد بانه ممن يحبون العطاء لهذا البلد , و مشكلة الاقفاص مش هى بس اللى بتواجة د محمد خد عندك تلوث البحيرات بالصرف الصحى ومافيا الزريعة و أغراق الاسواق بالاسماك المستوردة زى الباسا , ومشكلة فتح منفذ لتصدير الاسماك المصرية للاتحاد الاوروبى والتعدى على البحيرات بالتجفيف ووضع اليد الى أخره
وطالما حضرتك دخلتنا فى الفانتيل وجميع أنواع المبروكة يبقى لازم نتكلم عن تربية جميع أنواع المبروكة سواء المبروك العادى او الفضى او مبروك الحشائش فى المزارع سواء فى الاحواض الترابية او التنكات
ولا حضرتك مفكر هتدخل تقول كلمتين وتمشى لا يسيدى لازم الموضوع يكون فى كل شى عن المبروك ومش بس عن تربيتة فى الاقفاص لا كمان تربيتة فى الاحواض الترابية وفى التنكات كمان
وربنا يكون فى عونك أصلى هسال وحضرتك تجاوب
تقدر تقول هفتح محضر
فتح المحضر فى ساعته وتاريخة
أكتب يبنى
أسمك وسنك وعنوانك ولا بلاش
أنت متهم بأنك من أكلى لحوم الاسماك وأنت عارف جريمة ذى دى تهمتها كام سنه بس لو اتعاونت معانا وساعدتنا فى القبض على المجرم ممكن نطلعوك شاهد ملك
أكتب يبنى
السؤال الاول
- أيهما يفضل المستهلك المصرى المبروك الفضى أم العادى أم مبروك الحشائش ولماذا وكم هى أسعار كل نوع منهم فى سوق الجملة وهل سعره ثابت طول العام أن الطلب عليه يزيد فى شهور معينه ؟ إتكلم
السؤال الثانى
– ما هى امكانية تصدير المبروك للدول العربية خاصة وان سعر المبروك العادى مثلا فى العراق يترواح بين 3 و5 دولار للكيلو وهل تصديرة فى شكل فليه أفضل أم ماذا ؟ إتكلم أنت ساكت ليه
السؤال االثالث
- ماذا لو تم زراعة المبروك فقط فى الاحواض ام يفضل زراعة مع انواع اخرى ؟ إتكلم
السؤال الرابع
– ماهى الاحتياجات الاساسية المفروض توافرها فى عذا المبروك وهل الثلاث انواع السابق ذكرها بينهم اختلاف فى تلك النقطة أم لا ؟ إتكلم
نكمل التحقيق المرة اللى القادمة لان الكلام فى السمك بيجوع .
خده يا عسكرى
وخلى عينك عليه الأ يهرب منك ويروح تحت الجميزة
********
رد مع اقتباس
مواقع النشر (المفضلة)