نفسى أرجع زى زمان
شاب صغير هيمان
أصحى وخرى مزاجى مش كئيب
أضرب فول وشاى بحليب
أقف قدام المرايا
أتزوق ولا الصبايا
جينز ومارلبورو وجل
وأستنى المزة فى الضل
مدرسة البنات اللى فى الميدان
أقابل قدامها حنان
بت بنت بلد دلوعة
لكن رافعة مناخيرى وممروعة
أبوها موظف كبير
فى سفارة البرازيل
وأمها أبله رباب
مدرسة الألعاب
المهم قولولى وصفة
ترجعنى وتخلينى أصفى
وأرجع واد آمور
وألف ولا الدبور
من السنية للبنات
لقهوة عم عرفات
شوية روشنة شبابى
وأرجع أفتح بابى
من غير نظارتى كعب الكبايا
ولا قهوتى اللى بتاخد عزايا
نفسى أرجع زى زمان
وأنسى الغربة والحرمان
الغربة عملت شقوق
فى قلب جلدى المحروق
بنار البعد عن بلدى
وعن أهلى و عن ولدى
يااااه عليكى يا غربة
لما بتبقى كربة
وتطفى أحلى السنين
وتقيدى الشيبة والحنين
تفتكرى هرجع صغير
وأعيش اللى فات وأتغير
أنا نفسى يا ناس
أنا شاعر ربابة جوال في قلب الليل عشقت محال يا مصر وصالك منيتي أموت في ترابك وأدفع ديتي أنتي الأصل والأساس وبحبك أتعلمنا الإحساس إحساس بالشوق في غربتك وحب وانتماء لتربتك عليها حبينا جرينا كبرنا وجه الدور على عيالنا يشربوا عشقك سلسبيل ويناجوكى في أخر الليل بكتب لك وحاسس بخطر من أرض الدوحة في قطر بلد غريبة مغربانى لميت فيها كل أحزانى وقعدت أرص وأعدهم ليقتنى غلطت من كترهم شايلهم على ضهرى من زمان بصبر وأمل وحرمان ولما نويت الرجوع لقيتنى زى المفزوع خايف أشوفك بعد غياب وملقاش كل الأحباب قالوا لي الشلة أتفرقت ونفوس الناس أتغيرت قلت أنا لازم أرجع لها اشتقت أعيش في ظلها
عشت معاكى سنين دبت فيكى حنين حنين فى بعدى وغربتى وأنين بصوت فى وحدتى معقولة خلاص راجع تغسلى بإيدك المواجع وتفرشى لى طريقى ورد زرعتيه بلون الخد لون خدودك لحظة كسوفك وحيائك لما أشوفك والله وحشتنى شوفتك وأشتقت لحنيتك وطيبتك أشتقت للجار والجارة وكل الناس اللى فى الحارة ياما نفسى أعمل حجاب يحمينى من الغياب تعبت من الغربة والغش والشعر الأبيض وكرمشة الوش تعبت يا ناس ما تلمونيش تعبت مش قادر أعيش يا ترى حد فيكم زى حالاتى بكى وقال نفس آهاتى يارب ما تحكم بيها على حد وترجعنى ليها بجد لأنى خلاص مليت وكل كلامى ياريت
اخى الحبيب ابو وعد
ما اروع تلك المدونة وكنت اتمنى الا اقاطعها بس تعمل ايه فى اخوك ميحبش يفوّت حاجة
هههههههههههههههههههههههههه
الان مع التعليق الادبى والزجلى ايضا باسلوب الشاعر الكبير روّح بسرعة احسنلك ههههههههههههههه
المشاركة الأصلية كتبت بواسطة كريم يحيى
التمرد
نفسى أرجع زى زمان
شاب صغير هيمان
أصحى وخرى مزاجى مش كئيب
أضرب فول وشاى بحليب
أقف قدام المرايا
أتزوق ولا الصبايا
جينز ومارلبورو وجل
وأستنى المزة فى الضل
مدرسة البنات اللى فى الميدان
أقابل قدامها حنان
جل لايه يا ابو وعد متخللى الطابق مستور
عاوزنى ارجع زى زمان
قول للزمان ارجع يا زمان
روّح يا ابو وعد لاحسن اتصل بفرح واقسم بالله اقوللها على موضوع ام احمد ومش هسيب موضوع تهانى يعدّى بالساهل
هههههههههههههههههههههههههههههههه
ههههههههههههههههههههههههه
هههههههههههههههههه
ههههههههههههه
ومش هاقولك على الوصفة الا لما اقطع نفسك ورايا من الجرى
اجرى يا عم الحاج
ههههههههههههههههههههههههههههههههههه
عجزت ألاقي كلام يوصف جمال مارأيت
السحر كله اتنظم في كل كلمه وبيـــــت
مش بس عيني قرت لأ بالكلام حسيـــت
ولاجل اشكر واعبر عن فرحتي مالقيت
غير كلمه من القلب تطلع تقول ياليـــت
الناس تكوت مثلك علم وادب ياريــــــت
جمعت في جعبتك اباوعد سهام المعرفة وجمال الابداع وحسن التطويع فأصبت فينا مواضع الاحساس والادراك لمغزى كلماتك
لكل من يقرأ لي موضوعا زراعيا
ماأكتب هو حصيلة قراءاتي وحصيلة الاستناد لمراجع علمية لأساتذتي الكبار في جامعات مختلفة واضع لكم المعلومة في صورة سهلة التناول
مع الاحتفاظ بوافر التقدير لأصحاب المراجع
زجل بوجل 
رد مع اقتباس
المشاركة الأصلية كتبت بواسطة كريم يحيى
مواقع النشر (المفضلة)