حظي العفش

[كريم يحيى]

وقعنى حظى العفش
فى قعدة ستاتى
نسوان كمالة عدد
وعقلهم فاضى
مغيرين طبعهم
وملونين وشهم
واللحمة من عزهم
بمبة بلون خدهم
عنابى يا أخواتى
عايشين ومش عايشين
وعرايا مش لابسين
وكل شىء عندهم
ماشى وشىء عادى
الره قالوها غين
والنشأة أبصر فين
ولكل واحد جوز
جنتل قوى وكلبوظ
بدلعه دادى
واللى يشوف كدبهم
حيبان له من شكلهم
إن البعيد جدهم
كان أصله قرداتى
راكبين شبح وعيون
ومعلقين محمول
سارحوا وسايبين طور
فى البيت قاعد مسطول
ع الحال ده ليلاتى
وعيالهم المساكين
تاهوا مع التايهين
ومدمنين هيروين
نص النهار نايمين
والسهرة فى الدفيليه
والديسكو والنادى
عاملين لى جمعيات
اشى سيدات أعمال
واشى سيدات رأس مال
وشى ايشى بالمجان
والبلوه ف الآتى
فى كل لحظة تشوف
واحدة بقوام ملفوف
جره فى ايدها خروف
مجهود لكن ذاتى
بعقول مخاصمه النور
كتبت يفط بتقول
على وشها الملعون
احنا فرى وسبور
ونظامنا خوجاتى
توب الحيا مقلوع
والقعدة ف الممنوع
لو كنت ألاقى دموع
لابكى بصوت مسموع
واختمها بصواتى
يا بؤرة المجتمع
انس وشيطان اجتمع
زيدوا كمان ف الدلع
مات فيكوا حس السمع
على ايه بقى نهاتى
بزنس ع المكشوف
ولا عدش فيها كسوف
وتعالى عاين شوف
آه لو أكون مسئول
أو كنت يوم قاضى
لحكم عليهم أنا
بالسجن خمسين سنه
واللى على ذمته
إعدام علشان حضرته
على خيبته كان ماضى
يا دى المرار والقلق
صوتى يا خلق اتخنق
رجاله صبحت ورق
شنبات وع الفاضى
يا أهل الأصول والقول
اصحوا بقى م النوم
ده الشرع والمعقول
بيزين طباع وعقول
يا خسارة يا بلادى
عايزه شوية حمم
علًى ماليهم ذمم
بيلبسونا العمم
أولاد أبالسه ورمم
بيضللوا اولادى
قادر يزيح همهم
يبعدنا عن شرهم
لا طبعنا طبعهم
ولا كنا يوم منهم
دول بلوه يا خواتى
طبع النسا عندنا
بين طاهرة أو مؤمنه
عارفين حدود ربنا
تلقى فى نور وجهنا
ضى الرضا بادى
يعنى الخلاصه بقول
لو النسا بردون
يفلت عيارها ف يوم
ح تضيع عادات وأصول
وربنا الهادى

قرأتها فأعجبتنى جدا فقررت مشاركتها معكم

من أعمال الشاعرة إيمان بكري

الموضوع الأصلي: حظي العفش // الكاتب: كريم يحيى // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[عاشق المكافحة]

الله عليك يا ابوعد

سلم الناقل والمنقول عنه

انت لما بتنزل البلد بتبدع وبتنتقى الاعمال الرائعة

[كريم يحيى]

راجع لك اليوم يا باسم

ولم نفسك لحسن تبص تلاقينى

عندك مكان ما أنت موجود أقلبك

[شلبي سعيد]

تسلم يا ابو وعد


انا قلت لباسم وهو خلاص
هيسمع الكلام ويلم نفسة
وهو بالفعل لم نفسة يارجااااااااااااااااااااااااااااااااالة
ههههههههههههههههههههههههههه
ههههههههههههههههههههههههههه

[رمضان الشيخ]

لما كنت بقراها مع كل بيت كنت بقول الله عليك يا كريم وحسيت انك نضجت فى هذا العمل واتفاجئت لما قلت ف الاخر انها لايمان بكرى واسعدتنى كثيرا لاننى من اشد المعجبين بالشاعره العظيمه ايمان بكرى بس احب ان اشكرك على اتاحه هذا العمل لنا جميعا.

[كريم يحيى]

حبيبى مهندس شلبى


دايما منور الدنيا بمرورك الطيب

[كريم يحيى]

رمضان باشا الكبير

الحمد لله يا مان أنى ضنجت على إيد الشاعرة إيمان بكري

والله العظيم أنت راجل زى العسل

[خالد محمد كمون]

ايه ده يامهندس رمضان
انت زي العسل وانا معرفش
بس بجد
قصيده رائعة لإيمان بكري
تصدق يابووعد
أنا جه عليه وقت كنت بفتح الكومبيوتر علشان اسمع وأشوف ثلاثة أشخاص
تميم البرغوثي
عبد الرحمن يوسف
إيمان بكري

كم هم رائعون
ياريت يا بووعد ماتحرمناش منهم

[عاشق المكافحة]

راجع لك اليوم يا باسم

ولم نفسك لحسن تبص تلاقينى

عندك مكان ما أنت موجود أقلبك

انت ممكن تكتب على الايميل

















راجع لـ باسم

هههههههههههههههههههههههههههههههههههههههههههههههههه هه

[كريم يحيى]

رجعت لك يا باسم

وكنت ناوى لك على نية بس الدنيا ملخبطة

لنا لقاء

فى بدرومنا الإدارى

هناك أخلص تارى

وأفرج الناس

على حرامى القلقاس