قاللى الوداع

قال الوداع وراح
نسي الحب والأفراح
نسي الحب اللي كان
مالي كل المكان
قالي سلام من بعيد
ولا حتي لمس الإيد
يا خسارة عليكى يا فرحة
لما بتلبسي طرحة
سوده بلون الليل
في قلب عاشق عليل
سهران يناجى اللي كان
في قلبه سلطان الزمان
باعني أبو قلب قاسى
وقالي خلاص أنا ناسي
خان العهد وقالي خلاص
أنساني وأنسي الإحساس
ده وداعه مش وداعي
وملوش أي داعي
يهجرني بحجة الغيرة
وعمل لي قصة وسيرة
قال نسيتك قلت له حرام
قال سليتك وسليت الغرام
قلت لقلبى سيبه
يمكن يشتاق لحبيبه
ويرجع له فى يوم ندمان
يتأسف على الحرمان
ويقول نادم يا غرام
تعبت وكلى آلام

bravo[1]. الله عليك يابوعد كلمات متميزة وممتازة واحساس رائع بس حاسس انك كنت مجروح وانت بتكتب هذة الكلمات نتمنى ان نرى ديوانك قريبا

بالتوفيق تقبل مرورى

م/السيد محمد


كل الشكر على مرورك العطـــر المنير دائما