وآآآآه يادنيا وطيبك ينداس
واللي ماعنده دم قالوا عليه حساس !!
ايه يعني لما عليك اترسم واتغر
ولما تسأل يجاوب أصلك ماتلزمنيش!!
وبجد تستاهل أصل القلوب والمحبه تتباع بالساهل
لما الصغير قوي يركبها ويدلدل
وتقوله ياسيدي وجواك بيتزلزل
والشيخ على المنبر يفتي في اكل الـــ وِز
وجهادنا دا كله في طابور العيش
لكن ماأقولكش أصلك ماتعرفش
والرز بيفكر يمكن هايجي قضاه
والأرض فيها الخير للغير مش لينا
كنا الحضارة ودلوقت سجادة الصلاه من الصين
كبر دماغك وعيش حياتك وريح الجمجمه !!
خليك مع أهلك واعمل مايتقالك والجهل ينسبلك
واوعى تزعل اصل اللي حاسبها بالهم مات قبلك
اركن دماغك وخليك تابع لمصلحتك
وماليكش دعوه باللي رايح واللي جاي لو كان بقية اهلك
وانا مني أضمنلك انك تعيش مغمور
ومش بعيد من كتمتك يمكن تموت محسور
آخر طابور البشر مستني يجيك الدور
عايز نصيحه من حبيبه مخلصه
اقفل مشاعرك وتربس الأقفال
واللي يبيعك لازم تبيع في الحال
واللي يقدر دخلته قلبك قله احلى كلام يتقال
واللي يبيعك بعد المحبه شحته
مايسوى عندك في سوق المحبين مال
ولاتتكسف من دمعه ولامن ااااه
ولايركع في يوم قلبك ولاجبهتك
الا لمين حسن بين البشر خلقتك
وبلاش تكبرها وقول ياربي آدي حكمتك
ولما تأسى عليك ماتزعلش
ووافتكر انها دنيا
وساعتها كبرها ...
