مين حب

مين فينا حب وأتهنى
وشاف الدنيا جنه
مين اللى هناه الغرام
وحقق كل الأحلام
مين عاش اللى سمعناه
من الأغانى والرواه
ثومه بتقول كلام
ياسلام على الحب يا سلام
من همسة حب لقيتنى بحب
لقيتنى بحب وأدوب فى الحب
عاشت فى زمن جميل
مش فى زمننا البخيل
الحب أصبح غالى
والحبيب بقى متعالى
حتى على اللى شاريه
وفى عيونه مداريه
يقابل الحب بجفى
ويدعى عليك الوفا
تثور ثورتك وتجن
وبكلمة منه تحن
ياه ياه على الزمن
ننباع من غير تمن
وبيسموه قال غرام
وأتارينا عايشين أحلام
لكن هنفضل نحب
ونعيب عليك يا حب
ونشيلك الحمول
وتبقى عنا مسؤل
ونقولها بينا وبينك
ده قلوبنا ملك يمينك
ترفعها وقت الرضا
وترميها وقت القضا
الله يرحم زمان العاشقين
اللى كانوا بيحبوا بيقين
اللى ضحوا عن طيب خاطر
وللحبيب عدوا المخاطر

احساس عالي....حقا شاعر المنتدى ...سلمت يمينك...أستاذي أبو وعد

برنس المنتدى فى اعزب الكلمات تسلم ياريس

عاشق مزاجك قبل عشاقك ماتعشقه

تقدر تنكر ده يا فنان .

روووووووووووووووووووعة

وااااااااااااااااااااااااااو كل هذه الألقاب لى

أشكركم بإنحناء لرقيق كلماتكم وعبير مروركم

دمتم بود وسعادة

الله الله الله
عليك يافنان
سلمت يداك

سلمك الله وسلم مرورك العطــر