فى البداية لما نسمع القصيدة صوت ممكن نضحك لكن لو تمعنا فيها جيدا نجد أرق الكلمات كتبها هذا الشاعر العفوى التلقائي تحية له وحبى له رغم عدم معرفتى بمن كاتبها ولكنها هزتنى برقيق
كلماتها وإليكم القصيدة مكتوبة أولا ثم يليها ملف صوت على اليوتيب
يا حلوة يابت هندسة
انا راسى جاط ما بين هواك
والدبرسة
الفت عشرين الف بيت سبعين قصيدة مؤسسة
عشان اقدر الفت انتباه ومرة اقدر احسسة
ويا حلوة يا بت
هندسة
يا حلوة يازينة البنات يا نجمة الليل والمسا
انا رغم اشكال الشتات حاضن عواطفك وحارسا
انا فى هواك بقيت فتات ودخلت عشرين مدرسه
جنيت مع كلمات هواك بقلبى قاعد اتنفسا
ويا حلوة يا بت
هندسة
اكان شفتى ياااا بت هندسة خطواتى دائما بالغلط
وامورى ديمة معكسة
يوم داك مساهر فى الهدوم وكويتها جد شان البسها
لقيتها
الصباح حقت اخوى وهدومى قاعدة مكرفسا
كان للهدوم ما مشكلة بشوف لى مصيبة البسها
لكن هواك اعمل له ايه دشدش عضامى وهرسا
دار لى فرصة اكون قريب طبلة قليبك افلسا
عشان تشوفى هواك كيف بهدل عواطفى ودحفسا
كلماتى ليك اتبشتنت ما زى زمان متهندسة
حتى الشعر الكان زمان كلماتو حلوة مملسة
هسع اتلخم بقى كيف كده ما فيهو كلمة مهندسة
انتى السبب فى كل ده يا احلى اسباب الاسى
انا ياخ بريدك اعمل ايه ورينى يا بت هندسة
امشى واكورك فى الزلط يا ناس بريد بت هندسة
يا ناس بريد بت هندسة
كم مرة قلت اقوم براى اقعد معاها واحدثها
لكن ما بقدر عديل ما بقدر انضم اونسها خليك
من اشرح ليها حالى وحبى ليك والدبرسة
ويا هناية
دا اقول ليك كلام انا يا ملاك انا بعشقك
وما اظن بلاك ارجى المسا
دايرك تكونى حبيبة
وابقى ليك حبيب قسا
أكسيك هوتي وتلبسيني نعيم هواك أجمل كسا
ويا ربى كل عاشق نبيل تديهو زى بت هندسة
وترعاها من عين الحسود
من توب جمالك لبسه
ويارب تحفظه لى براي
وياربى تحفظها تحرسها ويا ربى تحفظها تحرسها...
للإستماع إليها أضغط هنا
