أعلنت حالة الحداد
على قلب لعبته العناد
قلب قاسى حجر صوان
يقتل ويجرح بكل حنان
أعلنت عليه حدادى
بعد ما علمنى عنادى
هبعد بعيد فى أخر الطريق
وأنسى أنه حتى صديق
هبعد وأقوله بكره تشوف
كل عيوبك على المكشوف
مش هتلاقى حد يزوق
ولا يقولك أهدى وروق
مش هتلاقى حتى سلامي
اللى مليتوا بكل غرامى
كنت فاكر أنت الآمان
طلع غدرك أقوى من الزمان
مش هندم عليك ولا أنوح
بعد ما بعت القلب والروح
تؤمرها تحقق أمالك
وتقولك شبيك لبيك
رغم كل الإغراءات
رغم عمرى اللى فات
مش هحن لك وأكتفى
بخيالى وجمالك اليوسفى
هعلن عليك حالة الحرب
وأبعد وأنسى فى يوم القرب
