هى ده مصر

هى ده مصر

ــــــــــــــــ

جرس كنيسة وصوت آذان من بعيد
وزحمة ناس فرحانه بالعيد
ضحكة ولد صغير أسمه سعيد
وجرجس بيجهز للعيد المجيد
سألت الناس أحنا فين
قالوا لى فى المحروسة أم المصريين
اللى فاتحة بابها لكل حزين
تسعده وينسى يعد السنين
قلت يارب بارك فيها
وأسعد يارب أهاليها
عاشقينها وبناجيها
ونكيد بيها أعاديها
مسلمين ومسيحيين
عاشقين ضى العين
أرض ووطن قوتين
ملوهم عشق أمين
الله أكبر وجرس بيدق
ذكر وصلاة وقلب يرق
وشمس تنور وبتشرق
وقمر يسهر ويبرق
يبرق وينور لها
سمرا حليوه يا بختها
تحن ليها فى بعدها
وترق لها فى قربها
شابة وعمرها آلاف السنين
دوبت قلوب العاشقين
بسحرها اللى يملا العين
يارب بارك فيها قول امين
جرس كنيسة وصوت آذان من بعيد
وزحمة ناس فرحانه بالعيد

ابو وعد
انت مهنتك ايه
كاتب للجوانا
ولا مغنواتى بربابه
مهنتك ايه
حاسس باخواتك كتيييير
بتنطق بلسان الغير
عايش بقلب الدنيا وبتحكى عنها
كانك ايد بتطبطب عليها
وكتير متمرد على بلاويها
هو انت مهنتك ايه

عاشق جوال فى قلب وطنى المحال

دايب فى مصريتى

وعاشق وطنيتى

أبن طين مصر

ست كل عصر

تسلم يابوعد على اروع واحلى كلامات نحسها ونعيشها فعلا
sddsddsddsddsdd

والله زمان يابووعد

أخى الفاضل أبو ملك

الروعة هى تواجدك العطــــــــر فى صفحتى

دمت بود وسعادة

خالد

يااااااااااااااااه يا راجل لو أعرف أنك ممكن تيجى على كلماتى كنت كتبت من زمان

نورت يا جميل وياريت يطول نورك

الشاعر العبقرى
ابو كريم

دائما متالق و كلماتك تدخل القلوب دون استئذان و تمتعنا كعهدنا بك طبت متالقا
د ربيع

شاعر وعبقرى

الله يكرمك يا دكتور ده شهادة أعتز بها من إنسان فاضل أعتز به

أشكرك على إطرائك الجميل وكلماتك الرقيقة

أدامك الله وأدام علينا محبته فيه