عرض للطباعة
المهندس ياسر فيلسوف الكلمة
السلام عليكم ارجوا من سيادتكم معرفة المدة المناسبة لتتجميع بيض الامهات لحين وضعة في الفقاسة
بمعني مثلا انا بجمع عدد مائة بيضة من الامهات في اليوم فبجمع دفعة معينة لااضعها في الفقاسة ممكن كم يوم اجمع فية بيض يعني مسموح لية كم يوم خزين للبيض وبعد كدة لاازم يدخل للفقاسة
ارجوا ان يكون سؤالي واضح
ثانيا ماهو عدد الامهات المناسب لاانتاج البيض ثم تفريخة طبعا من الناحية الاقتصادية ويكون النوع بط مسكوفي اصيل
ولكم تحياتي احمد شتا
نرجوا الإجابة من أساتذتنا الكرام علي سؤال الأخ الكريم
اخى احمد عذرا على تاخرى
موضوع تخزين البيض موضوع كبير مش سهل ولاكن انا هحاول ابسطهولك باذن الله تعالى
اولا اخى احمد الهدف من تخزين البيض هو اية
ببساطة احنا بنخزن البيض فى ظروف لا تسمح لة بالتطور الجنينى يعنى درجة حرارة مناسبة ورطوبة مناسبة كام يعنى
درجة حرارة من 18-22 مئوية طبعا ورطوبة 80 % تقريبا
والمدة اخى احمد المسموح بيها هى 7ايام وهذه ال 7 ايام لا يحدث تاثير على نسببة الفقس اذا ذادت عن ذالك احسب كل يوم تزيد فية هيتقل نسبة الفقس 2 %
طيب
التخزين ازاى
1-درجة الحرارة 18-21 م
2-رطوبة 80 % تقريبا حتى لا يحدث فقد لمحتويات البيضة
3- يجب تطهير البيضه اولا قبل التخزين عن طريق مطهر خفيف وقبل التطهير طبعا ازالة الاوساخ وليكن المطهر هو الديتول
4- يجب رص البيض فى ادرج المفرخه الجهه المدببة لاسفل طول فترة التخزين
وفى حاجة مهمة جداا لو هتقدر كل يوم تقلب البيض يدوى من 3-4مرات يوميا يبقى زى الفل يعنى بالبلدى تمسك الدرج وتميلة مرة يمين ومرة شمال بس حاسب واوعى تميلة جاااامد لاحسن هتلاقى البيض كل على الارض هههههههه
وفقك الله اخى احمد
منحرمش منك يابشمهندس وعلي فكرة لوالبيض وقع كله علي الارض فداك يغالي
وطمني عليك دورة البط بعتها وكسبت معاك والحمدلله