زوجى شهيد يوم العبور
--------------------------------------------------------------------------------
زوجى شهيد يوم العبور
*******
علقت صورتك على صدرى وسام يا بطل
وفى كل مطرح اجيب فى سيرتك واقول
حبيبى عمل وعمل
كان يصوب وبشجاعه يقرب عمره ما يهرب
ما يعرفشى خوف
الله عليه لما بيضرب رصاصه يحصد بالالوف
ياما قالى قبل سته اكتوبر قبل ما يعدى القنال
لامتى يا روحى حافضل صابر انا واخوانى الرجال
دا نفسى اشوفها حببتى سينا وحرر فيها كل حبة رمال
وارتفع صوته فى يوم سته
الله اكبر.....الله اكبر....الله اكبر
اسم الله الاعظم
بسم الله عدى لسينا فى الحال
واما يحكى اذاى عدى احلا كلام منه سمعته
ساعة ما لمست رمل سينا اتقلبت فوقه يا حببتى وبوسته
وشلت بايدى علم بلادى ورغم الرصاص من حواليه رفعته
وحميته بصدرى .صامد وعدوى قصادى بيجرى
ومن دمى اللى كان من قلبى بينزف كتبتبه انا مصرى
كان بيحكى وفوق شفايفه اغلا ابتسامه
كان النصر حلمه وعاش لما اتحققت احلامه
وآخر مره شفته قال يا حببتى اوعى تبكى
دانا وياكى طول ما مصر بسلامه
حبيب قلبى حافضل اجيب فى سيرتك
واورى لكل الناس صورتك
وافتخر بشجاعتك وبتضحيتك
بالنصر اللى صنعته بالقنال اللى رجعته
بالعلم اللى رفعته
خليت كل القلوب حبتك
وفى كل سنه حقيد حواليك الشموع
وبايديّه دول أحط الورد من كل نوع
وتبقى انت وانا زهور فى اعياد الربيع
نتبادل حبنا وبنبارك نصرنا
بالفرحه موش بالدموع
*******
بالفرحه موش بالدموع
********
مع تحياتى
بن مصر والعروبه
شوقى غنيم
