عايزين يجوزونى ..............غصب عنى
ووافقوا هما من غير ما ياخدوا الرأى منى
ولا حتى سابونى اسأل عليه
وكأنه شيئ موش هاممنى
ولا هو كمان من حقى
واذاى يكون اهتمامى بيه
وانا موش عارفاه ولا هو كمان عارفنى
*******
والده ووالدى حط ايده فى ايديه
وقاله انا طالب منك ايدها لابنى
ووالدى وافق عشان فى شغله هو البيه
ومن مره واحده كان فيها شافنى
شاف جمالى واحلويت فى عينيه
ومن يومها صمم لابنه ياخدنى
********
قلت يا والدى طيب سيبنى أفكر
ذهق عليىّ وقال دمى كدا حيتعكر
أنا خلاص اتفقت ويا البيه
وبعد الجواز كل شيئ حيتدبر
وساعتها يا بنتى حتحبيه
ولازم تطاوعينى لما أأمر
*********
وفى الآخر وقع الفاس فى الراس
واتجوزت ابن البيه
وبشتكى لكل الناس
من المر اللى معيشنى فيه
ليلاتى فى سهر ويا صحابه
وما يرجعشى غير فى الفجريه
وفى كل يوم بيضيع منه شبابه
فى الليالى الحمره الورديه
وعمال يتطوح وفى ايده الكاس
ويقوللى يا حببتى غنيلى شويه
غنى لاضربك بالمداس
وينزل بيه بالضرب عليىّ
ومن يومها عايشه معاه فى عزاب
وما شفتش وياه يوم فيه حنيّه
ده درس بقوله لكل الناس
عشان ما يجراش ليهم اللى جرى ليّه
وانا مفوضه أمرى الى الله
واقول يمكن ربنا يهديه ليّه
وكل اب يجوز بنته
يكون الرأى ليها هيّه
ذى ماجه فى كتاب الله
والشرع والسنه المحمديّه
