دى حكايتنا بنقولها لولادنا

دى حكايتنا بنقولها لولادنا





فين شفتك؟؟... أيوه عرفتك دلوقتى بس افتكرت

صوره فى خيالى رسمتك وليالى كتير بيك حلمت

وفى خيالى كانت صورتك وهى اللى فى قلبى رسمت

طيب قوللى ايه اسمك؟؟....... قوللى عليه لو سمحت

شوقى!!! شوقى!!!....نفس الاسم اسمك كدا انا ارتحت

وفى المنام أنا اختارتك وقلت لأهلى أنا وافقت أنا قبلت

ولصحابى يوماتى أجيب فى سيرتك لحد ما جيت لأهلى وشرفت

وذى ما كنت فى الأحلام بتجينى انت انت و ما اتغيرت

كلامك حلو وبارتاح له وبيرضينى فى الحقيقه منك سمعت

ومن بحور أشعارك بتروينى ومن حنيّة قلبك اتأثرت

واتمنيت كل يوم تجينى وتشجينى وانت أول من أحببت

ولما الاحلام بتصبح حقيقه يبقى كل شيئ فى الدنيا جميل

وتحكى وتقول كلمات رقيقه هو دا الحب الأصيل

وتشتاق لى وانا ليك مشتاقه فيه ذى حبنا مثيل؟؟؟؟؟؟؟؟؟؟؟؟

كانت الساعات بتمر علينا فى دقيقه ويدق قلبى ساعة الرحيل

ودلوقتى فى بيت واحد اتجمعنا واتحققت لينا الاحلام

والحب بقى له طعم تانى ومعنى ما اقدرشى ابعد عنه وانام

سوا احنا لاتنين والله بس اللى سامعنا ونتبادل الهوا والغرام

والله لاخلاصنا نور قلوبنا ولأننا بعدنا عن الحرام

وحقق لينا كل آمالنا وحنعيش فى الحب أحلا أيام

وحكايتنا بنقولها لولادنا وبنكتب عنها أجمل كلام


مع تحيتى وتقديرى