انهدم حبنا لانه اتبنى من غير أساس
اتحملتك مره ومره ومره لما فرغ صبرى
شفت معاك ايام مره ضيعت فيها كتير من عمرى
وسنين معاك وانا صابره وقلت يمكن ده قدرى
ولا عملت بالعشره ولا طيبت جراحى
ولا مسحت دمعه من على خدى
ولما خلا ص افترقنا وبقيت انا حره
جاى تانى تقول سماح ودى تكون آخر مره
دا قلبى خلاص ارتاح من فكره
وما بقتش انت على فكرى
حرمت عليّ أحب تانى ليكون التانى ذيك
أحبه وذيك ينسانى وقلبه يكون ذى قلبك
وتضيع من تانى الأمانى اللى ما شفتها
فى حبك
اديتك كتير من عطفى وحنانى
وكنت دايما مطيعه لأمرك
وما كان قلبى فى يوم عليك جانى
ولآخر يوم معاك احترمتك
وبعد ددا كله تنسانى
بعد ما اتعاهدنا لا تفارقنى ولا افارقك
بعد ددا كله جايلى تانى
تقوللى بحبك
وجاى تانى تترجانى
وانا عارفه انها من ورا قلبك
قلتها لى كام مره
دا فى ايامك كلها تتعد على صوابعك
دا اللى يحب لازم يكون فى قلبه اخلاص
دا اللى له قلب دا اللى عنده احساس
واللى عملته فىّ اثر عند كل الناس
اللى مسحوا دموع عنيّ وكانوا ليّ حراس
ووقفوا قصاد لعبك بيّ وويا قلبى اللى انداس
اللى ما شاف منك يوم حنيّه اللى كان شايلك
على الراس
دا انهدم حبنا انهدم لانه اتبنى من غير أساس
مع تحيات شوقى غنيم
