مهرك ايه يا عروسه 0( منذ 38 سنه )

مهرك ايه يا عروسه 0( منذ 38 سنه )
مهرك ايه يا عروسه
*******
مهرك ايه يا عروسه ؟ مهرى كبير وغالى
عايزه مال يا عروسه؟ ولو مال الدنيا جالى
امال عايزه ايه يا عروسه؟
عايزه اللى اديله حبى
يداوى الجرح اللى فى قلبى
ويحقق اللى فى بالى
اللى فى بالك قوللنا عليه يمكن نقدر نوصلك ليه
عايزه شوية رمل من سينا ابوسه
عايزه اركب ويا حبيبى سفينه وعدى قنالى
عايزه اللى يمشى على الشوك ويدوسه
هو دا يبقى حبيبى الغالى
عايزه اشوف اليوم ده بفارغ الصبر
عايزه اللى يعوضنى سينين المر
عايزه اللى يقدم روحه عشانى
لاجل يعيش غيره على ارضه حر
هو ده يبقى حبيب القلب
هو دا يبقى حبيبى العمر
سته اكتوبر حققلك يا عروسه كل اللى بتتمنيه
رمل سينا آلاف بتبوسه ووطنا قناله رجعت ليه
وادى النصر جاى يا عروسه روحى يا حلوه قابليه
طب ياللا انصبوا الزينه زفونى من مينا لمينا
لفوا بيّ كل مدينه من السويس لآخر سينا
وقيدوا الشمعدان خلوا الفرحه فى كل مكان
دا السكه بقت أمان من يوم ما عدينا
مبروك عليكى يا عروستنا النهارده تمت فرحتنا
يا مصر يا غاليه علينا نفديكى بارواحنا وبحياتنا

*********
كتبت هذه الخاطره من 38 سنه

مع تحيتى وتقديرى

اقتباس:

---

مبروك عليكى يا عروستنا النهارده تمت فرحتنا
يا مصر يا غاليه علينا نفديكى بارواحنا وبحياتنا


:

---

مبروك عليكي ياعروسة مهرك دفعناة بدمانا
وكتابنا قايمتك بارواح شهادانا
يبقي حقنا عليكي نصونك ونحفظك
لانو اللي اندفع فيكي غالي ومن غلاوتك
غلاوتك في قلوبنا ولا استحالة نفرط فيكي يوم

عظيمة يامصر

ومبروك عليكي الفرح ياللي انحرمتي من الفرح

الشاعر شوقي غنيم تقبل مروري المتواضع

دمت بخير ورخاء

اقتباس:

---

المشاركة الأصلية كتبت بواسطة شلبي سعيد

مبروك عليكي ياعروسة مهرك دفعناة بدمانا
وكتابنا قايمتك بارواح شهادانا
يبقي حقنا عليكي نصونك ونحفظك
لانو اللي اندفع فيكي غالي ومن غلاوتك
غلاوتك في قلوبنا ولا استحالة نفرط فيكي يوم

عظيمة يامصر

ومبروك عليكي الفرح ياللي انحرمتي من الفرح

الشاعر شوقي غنيم تقبل مروري المتواضع

دمت بخير ورخاء

---

شكرا اخى شلبى على المشاركه وفعلا مصر الغاليه نفديها بدمنا وبارواحنا

تحيتى وتقديرى

الشاعر المتألق السيد شوقي غنيم
ما اروعها من كلمات والتي ان دلت على شيئ ,فعلى ذوق كاتبها
بارك الله بكم وبمصركم العزيزة

أستاذى الفاضل الشاعر شوقى غنيم
تدغدغ مشاعرنا بكلماتك و تجعلنا نسبح إلى الوراء
نتجرع الذكرى الطيبة بوضوعك هذا
فأجدنى أتذكر الجندى المصرى أثناء السبعينيات
و كيف كان هو حلم أى فتاه و كيف كان يتبختر بحلتة و زيه العسكرى
كأنه يقول ها أنا ذا
من فى مقدوره أن يكون مثلى
شامرا ذراعه عن ساعديه مظهرا ساعته البراقه التى تزين معصمه
لتكتمل الصورة و يشغل قلوب العذارى من فتيات القرية و هن يحملن على رؤوسهن الأوانى الفخارية مملوءة بالماء منتظرات مرورهن
إنك فنان فى إختيار الموضوعات و الكلمات
أبهرتنى بموضوعك الجميل
تقبل تحياتى
د ربيع

اقتباس:

---

المشاركة الأصلية كتبت بواسطة طالبة الدكتوراه

الشاعر المتألق السيد شوقي غنيم
ما اروعها من كلمات والتي ان دلت على شيئ ,فعلى ذوق كاتبها
بارك الله بكم وبمصركم العزيزة

---

شكرا على الكلمات المعبره باخلاص وصدق وتحيتى وتقديرى

اقتباس:

---

المشاركة الأصلية كتبت بواسطة د ربيع

أستاذى الفاضل الشاعر شوقى غنيم

تدغدغ مشاعرنا بكلماتك و تجعلنا نسبح إلى الوراء
نتجرع الذكرى الطيبة بوضوعك هذا
فأجدنى أتذكر الجندى المصرى أثناء السبعينيات
و كيف كان هو حلم أى فتاه و كيف كان يتبختر بحلتة و زيه العسكرى
كأنه يقول ها أنا ذا
من فى مقدوره أن يكون مثلى
شامرا ذراعه عن ساعديه مظهرا ساعته البراقه التى تزين معصمه
لتكتمل الصورة و يشغل قلوب العذارى من فتيات القرية و هن يحملن على رؤوسهن الأوانى الفخارية مملوءة بالماء منتظرات مرورهن
إنك فنان فى إختيار الموضوعات و الكلمات
أبهرتنى بموضوعك الجميل
تقبل تحياتى

د ربيع

---

اخى الدكتور ربيع ان ذكرى انتصار مصر

والجيش المصرى من اجمل الذكريات لانها تحققت

بعد تصميم وعزم على النصر وتحقق بارواح شهدائنا

وكان انتصارا كبيرا ابهر العالم اجمعه والغى من الوجود

كلمة مستحيل والجيش الذى لا يقهر وسد بارليف الحصين

واصبحت حرب اكتوبر العاشر من رمضان تتدارسه

الكليات العسكريه فى دول العالم لانها غيرت انظم الحروب

شكرا اخى على الرد الرائع الذى اكمل موضوعى

وتحيتى وتقديرى