اخر سطر

أخر سطر


آخر سطر ف آخر غنوه مش حاتتشوفك تانى عينيا
ليه بايديكى ف لحظه وثانيه قتلتي الحب وغبتى عليا
لو قصداها أنا مش ح أنساها بس يا ريت طايلاكى ايديا
غيرها ف غيرها يا قلبي وسيبك ما تفكرش كتير ف حبيبك
هوا هجرنا وإحنا اختارنا مش راح نرجع يوم ف قرارنا
سيبك منه ومن ألاعيبه دا عمره ما داق الشوق ولهيبه
لو فكرت ف غيره يا قلبي قبل ما هو يسيبك سيبه
واهجر قلبه
**********
هوا هجرنا وإحنا اختارنا مش راح نرجع يوم ف قرارنا
كان بيقول إن إحنا حياته.................. كل حياته ودقات قلبه
كنا الفرحة وكنا آهاته..................... كنت بكل كياني بأحبه
سيبك منه ومن ألاعيبه... دا عمره ما داق الشوق ولهيبه
لو فكرت ف غيره يا قلبي......... قبل ما هو يسيبك سيبه
واهجر قلبه
**********
اهجر قلبه يا قلبي وارحل.............. وابعد عن دنيا العاشقين
ولا تديش عنوانك أبدا................. ولا تعشقش قلوب خاينين
هوا هجرنا وإحنا اختارنا مش راح نرجع يوم ف قرارنا
سيبك منه ومن ألاعيبه... دا عمره ما داق الشوق ولهيبه
لو فكرت ف غيره يا قلبي........ قبل ما هو يسيبك سيبه
واهجر قلبه

هكذا هو ذاك الشعور

قرب وبعد لقاء ود وهجر وفراق

وهذه الحياة

وهذه منك دعوة للتكبر على ذي كبر طالما لم يصن ولم يرع الود

فإن الأرادة على كبح شعور نبيل والتغلب عليه لمن لا يستحقه هو من كرامة الفرد منا وتعبير واضح

عن قوة شخصيته.


دام إبداعك.

أخي العزيز / رمضان
فكرتي بأيام زمان لما كنا بنمشي أنا وانت علي الحوض وتشغل الموبايل وتسجل وندندن أنا وانت بالاشعار دي ( فاكر من يومين بس كنا بندندن بإيه وإحنا بنتمشي في المزرعة )
أحييك علي شعرك الرائع الذي يلمس ببساطته أوتار قلوبنا جميعا
وأعتقد الآن أن كل أعضاء المنتدي أصبحوا في إنتظار سماع بقيت أشعارك
وانا اولهم
خالص تحياتي يا صديقي العزيز

اشكر لك اخي الكريم ماامتعت به العيون

وهذا النظم الجميل البسيط والذي ايضا لايخلو من جميل رساله

بارك الله فيك ابدع

أخر سطر كتبه رمضان
ناوي يهجر وينسى الحرمان
صحيح من حقه يختم حلمه
بس حقوقنا نتعلم علمه
ونستمتع بالقلم الولهان
نتعلم من ليله الحيران
متعنا متبخلش يا شيخ
حتى لو ترسى على تواشيح

انا بالرغم من اننى اكتب الشعر واستطيع ان اعبر عما بداخلى ولكن الان اقف عاجزا امام كلماتكم جميعا اخواتى الاعزاء ولا استطيع ان اعبر عما اكن به لكم جميعا ولا استطيع الا ان اقول لكم جميعا بالرغم من ان هذه الاعمال لاقت اعجاب الكثيرين فى منتديات كثيره وندوات شعريه الا اننى اشعر بانها حديثه الولاده والان تكتب لها شهادات الميلاد بارائكم المفيده لى انا شخصيا واكرر اننى فخور جدا باشتراكى فى هذا المنتدى الجميل واتوجه بالشكر الخاص الى اخى خالد كمون والدكتوره ايمان واخى كريم واختى عبير لكم منى التحيه جميعا ودامت صداقتنا للابد.