القصب
يا جامد ليل نهار يا بتاع المعصره
يا مشرف الكبار ياللى أنت مفخره
يا معمر الديار يا حتة سكره
القصب القصب القصب
يا ممصوص القوام يا مزعزع يا طرى
يا مطير المنام من عين العسكري
يا برهان الغرام يا واد يا مفترى
الشكل مستقيم و الطعم سكري
القصب القصب القصب
مرغوب طول السنين ف الريف وف الصعيد
يا زاد الطيبين يا مقرب البعيد
من غيرك تبقى طين وبك الروح حديد
القصب القصب القصب
ف المص والعصير ندفع فيك الفلوس
دا أنت شفا وخمير مش بس العرقسوس
لما بتكون كبير لازم طبعا تدوس
و أما بتكون سليم بتفرفش النفوس
القصب القصب القصب
يا باسط الانبساط يا معسل العسل
يا منشط النشاط يا مكسل الكسل
أحب الانضباط خصوصا لو حصل
كلامى ف السليم والمعنى قد وصل
القصب القصب القصب
