ذكريات رمضانية...

اخوانى واخواتى الاعضاء

دى فكرة وجدتها فى احد المنتديات واعجبتنى جدا
هى عن رمضان زمان
أكيد عندنا كلنا ذكريات عن رمضان ايام الطفولة و اول الشباب زمان
بدءا منذ صيامنا اول سنه الى الان
وهى ذكريات جميلة جدا
أكيد رمضان اختلف بالنسبة لنا عن دلوقتى كتير
واتغيرت العادات والتقاليد فيه من زمان الى الان
حتى الاكلات والمشروبات اتغيرت
ايام المدفع

http://t0.gstatic.com/images?q=tbn:q...Uj5WA/boom.jpg
والفانوس

http://t2.gstatic.com/images?q=tbn:s...el3sl-0020.jpg
والمسحراتى

http://t0.gstatic.com/images?q=tbn:R...f305fd44c8.GIF

كل واحد من الاعضاء يدخل ويحكى عن ذكريات له ومواقف حدثت له
فى هذا الشهر زمااااااااان
يسترجع ذكريات زمن جميل ونستمتع معه به

كل الا يقرأ يحكى............!!!!!!!!!
ايه الا حصل بالظبط ؟؟؟؟؟؟؟؟؟؟؟
مستنياكم:mad:

هههههههههههههههه
ضحي
دائما متميزة
طيب واللي ماعندو زكريات يكتب اية

علي كل حال
اتذكر وانا في عمر 10 سنين
في رمضان
كنت انتظر حتي يعم المساء حتي اشعل الفانوس (ابو شمعه؟؟؟)

وفي ليلة من الليالي
كان هناك قش ارز وانا اشعل الفانوس سقطت الكبريت
وحدثت حريقة
ههههههههههههه
وعينك ماتشوف الا النور

دي بس حاجة واحدة
والباقي اتي

حلو علقة سخنة يا معلم

مش قلت لك قبل كده متلعبش بالكبريت علشان متعملش حاجة وأنت نايم

أحلى ذكريات لى أننى فى رمضان وأنا صغير كانت كل متعتى أن أصنع الفانوس

بنفسى حتى أجد المتعة وكانت أمكانياته بسيطة علبة سلمون ومسمار وشاكوش

والشمعة يا معلم وولع فى روما

الفانوس ابو شمعة ده
احلى ذكريات واحلى لعب فى شوارع قريتى
ياااااااااه على ايدى الا اتحرقت كتير بسببه

وهو يحرق صوابعى والعياط يشتغل

بس مفيش حل غيره

بس من غير ما اعمل حريقة يا أبو منة
لانى كنت كتير اطفى الشمعة وامشى به كدا
هههههههههه

ابو وعد
انا كمان كنت بعمل الفانوس ابو شمعه
من علب السلمون
وعلب الصلصة
بس كان نفسى يغيروا الشمعة
يا سلام بقى يوم ما جبت الفانوس الحديث الا بينور بالحجارة
كانت عقدتى الشمعة وخلاص العقدة اتحلت

بس عارف خربته من اول يوم
وعينك ما تشوف الا النور

ذنب الشمعة بقى

على أيامىمكنش فيه علب صلصة كانت الطماطم سيدة الموقف فى المطبخ ولها وضعها الأجتماعى أما الفانوس أبو حجارة ملحقتوش كنت يا خسارة كبرت عليه وأتمنيته

احبائى الاعضاء الكرام
انا متشوقه لاعرف الذكريات الخاصة بكم

فينك يا رباب واختنا خديجة وحنان
اكيد رمضان فى دولنا العربية مختلف بعض الشىء
وكل دولة شقيقة لها عادات مختلفة
نريد ان نتعرف عليها اكثر


انت فين يا م/ ايهاب
وفين امير المنتدى م/رشاد
وابو عمر
م/السيد

وباقى الاخوة والاخوات

فى انتظاركم
:confused:

ذكريات رمضان لا تنسي ابدا كيف ذلك ومصر من اقصي ا لشمال الي اقصي الجنوب تقريبا ذات طباع واحدة المهم لن اطيل عليكم ,,,,,


باختصار ولدت ايام الهجرة باحدي محافظات الدلتا وكانت احوالنا غير مستقرة والفقر كان سيد الموقف ولذلك لم نري فانوس رمضان ولم نلعب به فقد كان حلما صعب المنال,,, المهم كانت هناك احلي ذكريات العمر,,,,,


فاول يوم من رمضان كان لا بد ان يكون الافطار وز وبط الجميع لا بد ان يتشارك بالوز والبط,,

وكنا صغارا نذهب الي المسجد قبل الاذان بدقائق ننتظر مدفع الافطار التي كان عبارة عن الطبلة التي تخص المسحراتي واول ما يقوم بالدق ايذانا بالافطار ننطلق عدوا كل الي بيته للافطار... الله الله علي هذا الزمن الجميل,,, ويا سلام علي الراديو في هذا الوقت كنا نفطر وصوت الراديو اولا علي صوت الشيخ سيد النقشبندي ونصر الدين طوبار ثم المسلسل اليومي علي الفطار الرمضاني ثم الذهاب لصلاة العشاء والتراويح ثم العودة لتناول الكنافة والمكرونة المصنوعة من اللبي والسكر؟؟؟؟ هل تعرفونها ام لا؟؟

كفاية كدة احسن ابكي من حالنا اليوم من التك اواي وهمه اللي ابتلي به اولادنا الان.,,,

الله على الذكريات م/ رشاد
بما انى من محافظات الدلتا فتقريبا نفس العادات

بس الراديو ده ذكرياته كانت كبيرة اوى لانى مغرمة سماع الراديو الى الان
كنا نسمع مسلسل الافطار على اذاعة البرنامج العام

الى ان انتشر التليفزيون ومسلسل العرائس بوجى وطمطم الجميل جدا يااااااااااه
ذكريات الطفولة دى حاجة بتسعد برغم قلة وسائل الترفيه فى قريتى الصغيرة جدا
بس كنا سعداء ومتقاربين جدا

اتذكر وقت الافطار فى الشارع كل بيت فى القرية
صينية الاكل امام المنزل فى الشارع يوميا تهخيل الفطار فى الشارع
ترى جارك واولاده ويراك وكل الجيران كذلك ويتبادلون الاحاديث

تغير الزمن ولم تعد القرية كذلك
كل يغلق بابه على نفسه

اشعر اننى محظوظة جدا عن اطفال اليوم بهذا العصر الجميل

انا علي فكرة مابقيتش اتحمل اتذكر الايام الحلوة دي

لأنها أيام مش هتتوض طبعا وبتتعب نفسية الواحد

بس فاكر اننا في الريف وعم ابو الغيط الله يرحمه شيخ البلد ومجموعة من عجائز البلد والأطفال وراهم طبعا

نطلع نستطلع الهلال بالعين المجردة يوم 29 بعد ظهور الرؤية واعلانهم ان شعبان 30 يوم

وطبعا السما مغيمة وكله عمال يفشر علي كله ويقولك هناك اهو زي الفتلة :confused:

لالالالالالالالالالالالالا دا كدة المفتي غلطان وشعبان 29 يووووووووووم

ده احنا كدة هنصوم 31 يوم ؟؟؟؟؟؟؟؟؟؟؟!!!!!!!!!!!

المهم الفوانيس دي بقي انا ماتمتعتش بها كتير غير مرة واحدة وكان فانوس طويل

اطول من السنة السودة كان تقيل زي الداهية

كنت اسيبه ع الارض واقعد ألِف حواليه

ولو كان ينفع أربي فيه كتاكيت كنت عملت لكن للأسف الفانوس كان فاميه

وطبعا الفطار علي صوت الراديو ملازمني حتي الآن وخاصة إذاعة البرنامج العام

كل سنة واحنا وانتم وأهالينا والمسلمين طيبين بإذن الله وفضله

اللهم آمين

م/ إيهاب
طبعا الايام دى مش هتتعوض تانى لانى كنا عايشينها بقلب الاطفال البرىء
احنا كبرنا خلاص
بس الذكريات مش هتموت ابدا كفايه اوى اننا لنا ذكريات بنحكيها ونضحك عليها وبتسعدنا واحنا نفتكرها

بس قولى........

ايه حكاية الفانوس ده بالظيط
الكبير التقيل اوى
كان بيجى لمين؟:confused:
لا لا كلمنى عنه يا مهندس/ ايهاب
مستنياك
تقولى.........!!!!!!!

طيب أرد علي حضرتك أقولك إيه

أنا كنت مفكره فانوس علاء الدين عشان كدة طويل وتقيل

لما كبرت عرفت إن ده كان بتاع علاء تاتي يقرب للريس بتاعنا :mad:

خليك معايا يا ابو حازم واحدة واحدة عليا
انا لسه معرفتش الفانوس ده بتاع مين بالظبط
علاءالدين
ولا ...
يعنى هو
زى الفانوس الا بنعلقه فى البلكونة؟؟
ولا ايه؟؟؟؟؟:confused:

يابنى يا إيهاب الله يرضى عنك خلينا نكمل رمضان فى البيت

هههههههههههههههههههههههههههههههههه

ماتخافش يابووعد

اقتباس:

---

بواسطة ضحي العمر :

خليك معايا يا ابو حازم واحدة واحدة عليا
انا لسه معرفتش الفانوس ده بتاع مين بالظبط
علاءالدين
ولا ...
يعنى هو
زى الفانوس الا بنعلقه فى البلكونة؟؟
ولا ايه؟؟؟؟؟

---

هو لا ده ولا ده

هو شكل الفوانيس اللي كانت بتيجي في أغنية رمضان جانا said11

هههههههههههههههههههههههههههههه
على فكرة الموضوع لا يختلف عندنا
صدقوني احاول ان اتذكر طفولتي في رمضان ولكن يبدو ان طفولتي كانت قبل عصر الفانوس هههههههههههه
اتذكر ان الاطفال كانوا يتجمعون حول المسجد وكان المؤذن يصعد الى الماذنة حيث لم يكن كهرباء
وما ان نرى المؤذن والذي كان يصعد قبل الموعد بقليل حتى نطير من الفرح و يصرخ الجميع وهم ينتظرون يلا يا ابو محمود اذن يا ابو محمود وما ان يبدا بالاذان حتى ننطلق جريا على بيوتنا لتناول الافطار

استاذى العزيز ابوعمر
نورت الدنيا كلها بوجودك الطيب
اطفال العرب كلهم يملكون نفس القلب ونفس العقل
كنت مثلك ولكنى كنت انتظر مدفع الافطار انا وكل اطفال القرية
وكان التجمع حول المسجد مثلكم فى فلسطين الحبيبة
كان لابد ان نسمع المدفع يوميا
وننطلق للافطار سريعا

واتذكر اننى وقفت الى اعلى منطقة وهو سور عالى جدا
حتى اسمعه جيدا
برغم كل التحذيرات من السقوط
وعملت فيها الشجاعة
وكان السقوط ارضا هو مصيرى
وعدت الى المنزل
وذراعى مكسسسسسسسسسسسور
وتحملت حتى لا يعلم والدى
بس ازاى وانا مش عارفة اكل كويس لا احركه
وطبعا عرفوا
واتجبست
وحرمت من الذهاب الى سماع مدفع رمضان تانى:(:mad:

كل عام وانت بالف خير
ابوعمر