ما هى السعادة؟؟؟
سالت نفسى ايه معنى السعادة؟؟؟
وايه هو طعم السعادة؟؟؟
طب انا وصلتلها ؟؟؟
طب ادور عليها فين؟؟؟
هو الكيلو بكام؟
عارفين
نط فى دماغى شوية صور لناس على وشوشهم باين اثار السعادة
قمة السعادة لطفل حته شيكولاتة
قمة السعادة لست عجوزة ان حد يقولها بعد ما يدوق اكلها(تسلم ايديكى اكلك مضبوط واخر حلاوة)
قمة السعادة لبنت عندها ست سنين لها فستان واسع تدور تدور و يدور معاها ادام اصحابها
قمة السعادة لولد عندة عشر سنين ان فريقة يجيب جون فى ماتش مهم
قمة السعادة لكل فتاةعلى وجه الارض ... انها (تكون عروسة بفستان ابيض)
قمة السعادة لعروس جديدة تعرف انها حامل فى شهرها الاول
قمة السعادة لشاب طموح انه يحقق انجاز فى شغله
قمة السعادة انه كل محب يتجوز حبيبه
وفى اماكن تانية بعيييييييييييد
قمة السعادة لشاب فقير انه يلاقى ركن دافى فى جنينة يستخبى وينام ليلته
قمة السعادة لفراش او عامل ببقشيش محترم من راجل طيب يحن عليه (علشان يجيب كيلو لحمة لعياله)
قمة السعادة لطفل من اطفال الشوارع ان يقوم صاحب محل حلويات ويديله قطعة الجاتوه اللى قضى ساعات طويلة يبصلها من ورا الازاز
قمة السعادة لفتاه بسيطة(ان يكرمها ربنا وتتعدل وتلاقى ضل راجل ولا البهدلة من شغل للتانى لانها فقيرة ومالهاش اهل)
قمة السعادة لمريض ان الدكتور يفتح ورقة الاشعة او التحليل ويبتسم ويقوله..خلاص خفيت معندكشى المرض اللعين
قمة السعادة لفلاح لطيف جداهو بس الا فهم الحياة على حقيقتها
انه يمتلك حمار مرسيدس اخر موديل..
حتى لو مش مرسيدس
هو فرحان بيه...
وبيضحك..
تعرف تعمل كدا؟؟
افهمها صح تكون سعيد
وسيبك من الدنيا
افرح بنصيبك واللى معاك واللى عندك وقول يارب راضينى
السعادة اكيد موجودة ...بس احنا اللى مش عارفين نستقبلها صح
صح؟؟؟؟
اجمل ما قرات
