أمتي يا مصــــر

أمتي يا مصــــر
ـــــــــ
أمتي بقى يا مصر
تقومى قومه نصر
تقلدي فيها تونس
يقودها بهية ويونس
أتنين من الشعب
داقوا مرار وغلب
وحسوا فيها بظلم
قتل جواهم الحلم
بهية ويونس وعبدا العال
كان حلمهم صعب المنال
شافوا بلدهم أيام زمان
ملاذ ونبع للحنان
وفجأة أتقلبت عليهم
ونعلت خاش أبوهم
وأبتدئ عصر الاستعباد
والوئد لكل الولاد
رجعونا لعصر الفرعون
وخوف أم موسى الحنون
وكأن التاريخ راجع
يفكرنا بالمواجع
ويورينا ملكية جديدة
وملوك عنا بعيدة
تتمتع بخير بلدنا
وتشيب شعر ولادنا
ولو نطق أي حد
يقام عليه الحد
خلينا نحلم بزمن عادل
لحد ما يجى يوم نتعادل
أحنا وكل الحاكمين
ونحاسبهم حساب الدين
ويعيشوا نفس المرار
بس ناخد أحنا القرار
ونقف وقفة رجل واحد
جرجس وحسن وعبد الواحد


وضعتها هنا لأنى كما تعلمون جبان وللمحافظة على طابع المنتدى كمنتدى تعليمى

الله عليك يا شاعر

كلام جميل وكله حماس لكن ليه مش فى قسم عذب الكلام
طيب الاعضاء اللى عندهم شعر زى دا يحطوه فى انهى قسم ؟
يا جماعة ارفعو سقف الحريات شوية
وبعدين تونس كان فيها الامام الطاهر ابن عاشور اللى قال لابو رقيبة صدق الله وكذب ابورقيبة عندما دعا "الحبيبُ بورقيبة" الرئيسُ التونسي السابق العمالَ إلى الفطر في رمضان بدعوى زيادة الإنتاج، وطلب من الشيخ أن يفتي في الإذاعة بما يوافق هذا، لكن الشيخ صرح في الإذاعة بما يريده الله تعالى، بعد أن قرأ آية الصيام، وقال بعدها: "صدق الله وكذب بورقيبة"

وكان فيها الطاهر ابن عاشور اللى جدد فى اصل اصول الفقة " مقاصد الشريعة "
وهو الذى راى أن الحرية والمساوة يجب ان تضاف الى الضروريات الخمس
حفظ الدين والنفس والعقل والنسل والمال " المقاصد الشرعية الكبرى "

تحياتى

اقتباس:

---

المشاركة الأصلية كتبت بواسطة كريم يحيى

وضعتها هنا لأنى كما تعلمون جبان وللمحافظة على طابع المنتدى كمنتدى تعليمى

---

غريب ما رأيت بالاعلى
بس نتكلم ونغمض عينينا
شوف يابو وعد
الموضوع كبير وشكله خارج من إيديهم عن قريب
الخوف ان الشعب الى صامت وساكت ساعة الخروج عن السيطره صوته يعلى فوق أعلى المناصب
وشكلهم عن قريب صارخين صارخين
الاحساس بقى انك فوق فوهة بركان عن قريب قد يحدث الإنفجار
وساعتها تبدأ كارثه بكل المقاييس لم ولن يتخيلها بشر
فالمصرى من أكثر الشعوب أحتمال للألم منذ سيطرة الاحتلال ثم الخروج بمهاره من شرنقة المحتل حتى لحظة الانتظار للخروج من شرنقة المحتل الاخر

روعة بجد يابووعد والله اكتر من روعة بجد صح الصح وخايف من اللي جاي

شعب مصر سلحفاة بطيئة في التحرر

رائعة يا أبو وعد , يارب يسمع منك ربنا

سلمت وسلم قلمك وفكرك اخى الاستاذ كريم
لقد نقلت نبض 80 مليون مصرى الا حفنة قليلة
هم المستفيدون من الفساد
فدعائى وابتهالى الى المولى عز وجل ان ينقذنا
وتنصلح احوال امنا مصر
شكرا لابداعك

ضربة معلم يا معلم

كلام جميل يا كبير

سلمت يداك يا أيها الشاعر الكبير
د ربيع

سلم فمك أبا وعد

هكذا عهدناك
وهكذا لمسنا فيك هذا الرأي الشجاع
طبعا أنا أكتفي بما قلته هنا
لأنني جبانة ههه

دام قلمك السيال أبا وعد

الله على الجمع الجميل والرائع أنه فعلا وسام تواجدكم وإعجابكم بما خريشت

أشكركم وأتمنى من الله أن تتغير الأوضاع لما نصبو إليه

حبيبى أستاذ محمود

وضعتها هنا فعلا لأننى لا أريد أن يأخذ المنتدى الشكل السياسى فى الكتابات

وليكن هذا المكان لفضفضاتنا فيما بيننا

د ربيع

أستاذى أنت أديب بالفطرة وليس الكلام المنمق المقفى هو وحده الأدب فأرى فى كل ردودك خاطرة وقصيدة أدبية جميلة

د محمد

أشكرك أستاذى على جميل ثنائك وتواجدك العطـــر وإعجابك بخربشات أحدى أبنائك ولى الشرف بذلك

وكأنه كان حلم وربنا حققه لى

الحمد لله على الصحوة المصرية

حقق الله حلمك السامي النبيل
وأتمه على خير يا رب العالمين

الله بمر على المواضيع اللى كانت مستخبية فى المطبخ الإدارى

لقيت الموضوع ده وأفتكرت الحلم بتاعى اللى ربنا حققه ويارب

بقية أحلامنا تتحقق وترجع لنا مصر الشابة السمرا العسولة