شوف لك حل

شوف لك حل

أوعى تفكر بعدك عنى ده هوا الحل
حافضل احبك مهما بعادك زاد أو قل
قلبي ف حبك رغم بعادك رغم عنادك
ماستسلمش ف يوم ولا مل
شوف لك حل
********
شوف لك حل ف قلب بيسهر
ولا بينمش الليل ف هواك
عد نجوم ونجوم ما بتظهر
عدا سنينه بيستناك
شوف لك حل
********
شوف لك حل بلاش تعذيب
انت حبيبى والا غريب
بعدك عنى ح يخلينى
قبل اوان الشيب راح أشيب
شوف لك حل
********
شوف كام مره ناديتني وجيت لك
شوف جواباتى اللى اتبعتت لك
كل جواب بدموعي اتبل
********
شوف لك حل
يا اللى بايدك فرحى وحزني
ياللا تعالى احفظ لي توازني
كل توازني خلا ص اختل
شوف لك حل
كلماتى /رمضان الشيخ

ياعيني ياليلي

علي الكلام اللي عايز ندوة مش محل

هههههههههههههههههههههههههههه

عم الكل رمضان دي بقي حاجات لذيذة من تراثنا وسجيتنا الجميلة

نورت يامان المنتدي

كنت فينك من زمان

أبدعت ياصديقي

فعلا كلام جميل مصاغ بكثير من الموهبة والابداع

الله الله الله

احنا اللي لازم نشوفلنا حل ....في اجمل كلام واحلى نظم

يامن دخلت علينا بأجمل تعبير عن نفسك

ننتظر المزيد أخي ومرحبا بك بيننا

http://fawaz518.jeeran.com/%D8%AA%D8...%D8%A8%202.jpg

أنا هقولك يابن عمي
ياللى الحب همك وهمي
سيبه يبعد وهو سعيد
ولا يقربش بهم جديد
بتقوله شوف لك حل
خايف يكون منك مل
لا تعد نجوم ولا تتألم
سيبه لحد ما يتكلم


أحسنت فى تطويع الحروف لا تحرمنا مما لديك

بالرغم من اننى حصلت على جوائز كثيره وتعرضت لثناء كثيرين من الحضور فى كل الندوات الشعريه الا اننى هذه المره وانا اقرأ تعليقاتكم الكريمه بجد بجد اخجلتم تواضعى لا اجد كلمات اعبر بها عن مدى شكرى وامتنانى من جميع مديرين المنتدى وانا لى كل الشرف ان انضم الى هذا المنتدى العظيم اما كمهندس زراعى ف الثروه السمكيه او كشاعر غنائى فلى الشرف فى كلتا الحالتين اشكركم جميعا واكرر عظيم امتنانى

الفاضل / رمضان الشيخ

الشرف لنا تواجدك بيننا ونتمني أن نجد جديدك

يعطر جو منتدانا

تحياتى لك

أخي رمضان الشيخ

أنار تواجدك - عذب الكلام-

وأضاف إليه مصابيح تضيئ صفحاته

إنه لعذب كلام ما خطه قلمك

وإنها لرقيقة معان تلك التي امتلأت بها ورقتك المشرقة برهيف حس و رقيق تعبير وصدق بوح

أمتعنا بوحك وأسعدنا حضورك الذي نأمل له الدوام

بود دم دوما

اخى الفاضل كريم واختى الفاضله عبير انا اتشرفت كثيرا منذ امس بمشاركتى فى هذا المنتدى بالرغم من اشتراكى فى العديد من المنتديات ومع ذلك انا لى الشرف اكثر منكم والمنتدى دايما منور باهله واتمنى انا ان اكون من اهله حتى تتحقق مقولتك اشكركم جميعا ودامت صداقتنا جميعا

أخي الفاضل

بل نحن من نشرف بتواجدك بين ظهرانينا

وكيف لا وأنت لك في فن الكتابة ما لك من إبداع جلي واضح

تواجدك فخر لنا واستفادة مما لديك من رفيع الذوق

وتعلم من زاخر يراعك الذي يقطر شهدا بدل المداد

نرجو صادقين لك طيب المقام بيننا كما نرجو أن تجد ما يروق لك هنا من عذب كلام ،تبدعه أنامل

هؤلاء العاشقين لمسك الأقلام ، بوحا ومناجاة وقبلهما رسائل عساها تكون تذكرة ونصحا وهذا هو

المرام.

مرة أخرى وليست الأخيرة

أنرت هذا الصرح الطيب .

الله ينتقم منك يا خالد يا كمون

بقالنا كام سنة نعرفك ومخبّى عنا تلك الموسوعة الشعرية المتنقلة السلسة والميسرة على اى قارئ

الاخ الفاضل رمضان الشيخ المهندس الاديب او الاديب المهندس فكلاهما اختصارا لاعمال اتمنى ان ترى النور فى خير بلدنا

دمت بكل ود خير وسيبك من خالد كمون اليومين دول بقى عشان هو واضح انه شبع منك اما نحن فلن نشبع ابدا باذن الله

انت عاشق المكافحه
وانا عاشق الشعر
اخى الفاضل انا باكتب فى منتديات كثيره ولم ارى هذه الحفاوه وهذا التقدير الا عندكم ف المنتدىوانا سعيد جدا بانضمامى اليكم
اما عن اخونا خالد كمون منه لله بقالو كتير بيطلب منى ادخل المنتدى بس انا اللى كنت كسلان شويه لكثره المنتديات التى اكتب فيها ولكن بعد كل هذا الحب الجميل الذى وجدته لديكم انا باعلن عنى انضمامى اليكم للابد وسوافيكم بكل كتاباتى ان شاء الله عساها تحظى باعجابكم ....
واعرفك بان اغنيه شوف لك حل فازت بالمركز الاول على مستوى الجمهوريه فى المسابقه التى اجرتها وزاره الشباب والرياضه سنه 2003

أخي العزيز الغالي / رمضان
ياااااااحنين

بجد بجد أنا سعيد بهذا الإنسجام والتفاعل السريع بينك وبين أعضاء المنتدي ، وهذا ليس غريب عندك بالطبع وأنا أعدهم وكلي ثقة أنهم سيجدوا منك الجديد .. والجديد دائماً ، بس خللي بالك هما دلوقتي بيجروا رجلك وبيحاولوا يضموك لصفهم ( الجماعة بتوع الانتاج النباتي ) وبالذات عاشق المناكفه ( قصدي عاشق المكافحة ) وأنا لن أسمح بهذا علي الإطلاق .. إنت مهندس أسماك يارمضان.. يعني حيواني .. أوعك تنسي إنك حيواني يارمضان هههههههههههههههههههه ..
وبالنسبة لموضوع الحل ده فالموضوع بسيط جداً وإنت اللي مغلب نفسك
هي أكله سمك مشوي مع السلاطات علي شط ترعة نمرة خمسة حتلاقي كل حاجة تتحل ( طبعا مفيش حد عارف ترعة نمرة 5 تقع فين غيري أنا وانت ) ههههههههه

خالص تحياتي يا صديقي العزيز

الله الله
أيه الجمال دا كله

اقتباس:

---

المشاركة الأصلية كتبت بواسطة رمضان الشيخ

شوف لك حل

يا اللى بايدك فرحى وحزني
ياللا تعالى احفظ لي توازني
كل توازني خلا ص اختل
شوف لك حل

---

أهو دا اللى كنت خايف منه أن توازن حضرتك يختل لصالح الشعر

وأنا سبق ونبهت حضرتك , والحمد لله أن البرنس كمان أخد باله

اقتباس:

---

بس خللي بالك هما دلوقتي بيجروا رجلك وبيحاولوا يضموك لصفهم ( الجماعة بتوع الانتاج النباتي ) وبالذات عاشق المناكفه ( قصدي عاشق المكافحة ) وأنا لن أسمح بهذا علي الإطلاق .. إنت مهندس أسماك يارمضان.. يعني حيواني .. أوعك تنسي إنك حيواني يارمضان هههههههههههههههههههه ..

---

أن بصراحة شايف أنك اللى تشوفلك حل
أحنا عمنا اللى علينا



****************

ما تخفش يا عم محمود ان شاء الله ناوى اسيب السمك لعمنا خالد كمون وانا بقى ابقى الترفيه اللى ف المنتدى لكل حد ناوى يحرك احاسيسه ويعيش مع الكلمات العذبه اللى الاخوه وانا ناويين نكتبها ان شاء الله

هو دا كلام يا عمنا
من اولها كدا هتبعنا
وبعدين عمنا خالد أعلنها بكل صراحة

اقتباس:

---

وأنا لن أسمح بهذا علي الإطلاق .. إنت مهندس أسماك يارمضان.. يعني حيواني .. أوعك تنسي إنك حيواني يارمضان هههههههههههههههههههه ..

---

أنت تشفلك حل

****************

اخيرا لقيت الحل يا عم محمود عارف ايه هو الحل؟؟؟؟؟؟
الاسلام هو الحل