السلام على مرور السلام
شفت يومين في السلام
خلصت فيهم كل الكلام
قلت كلام كله شتيمة
للي عملوا للبهايم قيمة
علشان تخلص معاملة
تشوف العذاب بالجملة
صباح الخير ببريزة
والمعاملة تبقي لذيذة
واللي يا عيني على قد حاله
يبكي ويضحك على مواله
القرش هنا يبقي المعلم
يقدر يقول ويتكلم
وصوته يعلي للسحاب
والكل يقول طلبك مجاب
صدقت أمال ماهر
لما غنت علي المزاهر
يا عيني عليكي يا طيبة
بقيتي علينا غريبة
وبقينا زى الوحوش
ومين يقدر يحوش
طابور عاوز شجاعة
ياخد له كام ساعة
وتضيع أيام طويلة
ونفوسنا تبقى عليلة
والحلم تجديد ترخيص
ولا نقل ملكية لحريص
لكن هبيع عربيتي والسلام
وأنسى التبين ومرور السلام
